>> رآبطة عشاق فورد أكسبلورر<< ""ford Explorer ""

الله يكون في عونك , يالله كل تأخيره وفيها خيره

تآجل الاستلام الى ما بعد العيد !!!!!

ما يبالها نشده بس بحاجة لدعواتكم ان الله يستر و استلمها الليله

دق سلف وتوكل السياره ماعليها خلاف

شغل المكيف ودوس

الموتر المفروض بأذن الله انه راح استلمه الليله وربي يعيني على مرمطه الراجحي ان ما حذفنى لبعد العيد و الله يستر

المكيف بدقه قبل السلف .. الوسوسه و الله ما هي بعيده وخاصه انه ناوي على مشوار و الله يعين


وشكراَ يالزرعي وبيض الله وجهك

الاخ ,ثنيان .جزاك الله خير على الدعوه الطيبه .. ووجهك ابيض ماسويت الا الواجب
لعلمك المكيف شغلته وانا لسا في الوكاله حميت السياره ودقيت المكيف ومشيت قالي الموظف مايؤثر ابد
متى راح تستلم الموتر إنشاءالله ؟ وكم مدة الضمان؟
اهم شي لاتكثر الوسوسه وانت تسوق الموتر في التحسس ومحاولة ايجاد ملاحظات. مرحله مرينا فيها.ههههه

واي استفسار انا والأخوان حاضرين باللي نقدر عليه ...

الاخ الكريم / الزرعي

رحم الله والديك وجزاك الله خير عني قدمت لى نصيحه فعلاً بحاجته سوا بالتشييك علي السياره بوقت الاستلام ..

او بحاله انه اسافر عليها و خصوصاً المكيف مثلك خابر مكه اليومين ذى الجو حار جداً


بيض الله وجهك ملاحظاتك بنسخه بورقه وباخذها لوقت استلام السياره مو مسلم لهم فلوس بفصفص السياره فصفصه يمكن اخليهم يفكون المراتب اتفقدها من تحت بعد

وبنتظار اضافات من الاخوان ان وجدت


ودمتم بود ,,,

الاخ .ثنيان 2011 الف مبروك الله يعطيك خير الموتر ويكفيك شره ويجعله قدوم خير عليك . عند استلام الموتر شيك على كل شي صح الموتر جديد بس شيك على البودي
فيه حكه او دقه او اي شي وشيك على السياره من تحت وشيك الداخليه كامله من الطبلون الا الشنطه والكبوت والعده اللي تجي مع السياره يعني فصفص السياره فصفصه
عشان تتأكد ماجاها حكه او وسخ على المقاعد شي مكسور سواء في الطبلون مسكات الابواب مقاعد خارجية السياره داخل الكبوت العده مافيها شي ناقص .وأسألهم شيكوا على الموتر مجرد تأكيد , هم راح يشيكوا على السياره سوائل وكفر قبل تستلمها..
بالنسبه للسفر ماعندك مشكله بس التزم بالتمرين اول 1000كم لا تعدي 100 ومن
1000الى 2000 لاتعدي 120 وبعد كذا امش براحتك طبعا هذا كلام الوكاله لي لما استلمت سيارتي قبل شهرين وسافرت فيها بعد ما طلعتها بثلاث ايام بس ما عديت 100
والمكيف شغال ما يؤثر نهائيا بس لاتثبت السرعه لان لاينصح بأستخدامه في التمرين يعني خلال فترة التمرين يكون المشي متفاوت مو ثابت افضل ولو قرأت دليل المالك راح تحصل معلومه تدل على ذلك. معلومه اضافيه البنزين الكتلوج فيه 87 يعني لك الخيار
تعبي 91 او 95 , انا صراحه اعبي 95 احسن من ال 91 بكثير عزم لموتر وكل شي
وقالي اللي في الوكاله عبي 91 او 95 بس استمر على طول على البنزين اللي تعبيه
اغلب الاخوان في المنتدى يعبوا 95 . فرق السعر بسيط جدا ما يذكر وجوده عاليه
لاتنسى تقراء دعاء ركوب الدابه وتحصنه اول ما تركبه في الوكاله ..
المعذره على الاطاله ,, اي استفسار انا والاخوان جاهزين ونفيدك باللي نقدر ونعرف
,,,,,,,,,,,,,,تقبل خالص تحياتي ,,,,,,,,,,,

مساء الخير جميعاً

كل عام وانتم بخير

انا من المتابعين يمكن من شهر 7 وانا متابع للرابطه اعجبت بها و اساساً من عشاق للفورد آكسبلور سياره ماشاء الله عليها تستاهل انه الواحد يقتنيها ...

انا بستلم سيارتى ذا الاسبوع بآذن الله (( فورد اكسبلور 2010 ) دخت لين لقيته وهو الاخير بالصاله ..

المهم ما آبي اطول عليكم ... لكن ابيكم تنصحوني وش اول شي اشيك عليه بالموتر ووش اسوي بالضبط .. الموتر طبعاً جديد ولا عليه خلاف بأذن الله بس حبيت اعرف وش اشيك عليه وخاصه الجديد ... ( مثلاً زيوت هواء كفرات كتالوجات .. ومثل ذى الأمور )

وعندي سوال ممكن اهل الخبره يفيدوني فيه ان سمحتوا :.

ناوي استلم الموتر وانقز على مكه يعنى دقه سلفه وحده لمكه بيني وبين مكه حدود 700 كيلو (( عادي ما عليه خلاف ولا اشحنه اصرف )) وطبعاُ المكيف يتحمل انه ادق سلف وانقز مكه ولا لا




ولى عوده بأذن الله مره اخري لكم

ودمتم سالمين

سلام عليكم ورحمة الله
ياشباب طلعت عندي مشكله وهي نتعه من3-4 ورحت للوكاله اول مره وقالي الفني مافيه شيء
وماأقتنعت بكلامه وراسلت شركة فورد بدبي بعد يومين اتصلوا علي وشرحت لهم المشكله بعده اتصلوا علي توكيلات الجزيره وقالولي تجيب السياره للصيانه وطلع معي مدير الصيانه الله يعطيه العافيه وقالي فيه مشكله وقلت له كيف الموظف يصرفني اوله يقلي طبيعي ولا بس بيمشيني المهم مماابي اطول عليكم فحصوه بالكمبيوتر وقالوا يبغاله برمجه الحساس حق القير؟؟؟؟ بعدين برمجوه وطلعت نفس المشكله قالوا لازم نغير السونيليد والحساس حق الكنترول ؟؟؟ [COLOR="Red"][COLOR="Blue"]سؤالي وين موقع هالحساس والسونيليد هل يحتاج لتنزيل الجربكس ؟؟؟؟
وسؤالي لو مانحلت المشكله يقولون بيوظبون القير ؟؟؟ :mad:هل هذا اجراء صحيح ولايغيرون لي القير تكفون فيدوني لايسوقونها علي :confused:
ارجو بعد اذنكم الرد السريع لانهم بيركبون القطع بكره[/COLOR][/COLOR]

شباب الي عنده مشكله بطرمبة البنزين علما ان خرباتها كثيره وغاليه عندي الحل ومجربها على جمس 2006 كانت به مشكلة الطرمبه البنزين ورحنا للوكاله غاليه وقالي الكهربائي حتى لو اخذت جديده ممكن تجلس سنه سنتين وتخرب وعندي لك حل تنسى شيء اسمه طرمبه تتوقعوا ايش سوا ؟؟؟
قالي جيب لي طرمبة جيب تويوتا وتعال وجبتها راح وولفها على الطرمبه القديمه وركبه وشغلنا السياره وزبطت وللمعلوميه ان الامريكي ايا كان اكثر مايخرب فيه طرمبة البنزين وطرحت هالموضوع للفائده لكي تستفيدون منه ولاني قريت ناس واجد تشتكي من هالمشكله

,,

السلام عليكم

يالله ان تحييهم ,,

بغيت اقولكم مشكله ف موتري ,,

الحين انا موتري اكسبلورر 2006 ليمتد فلل كامل يعني اذا دخلت المفتاح فالسوتش المرتبه تتقدم للوضع الطبيعي واذا طلعت المفتاح ترجع المرتبه ,, وهو اسمه (دخول سهل)

قبل اسبوع صااار ما يرجع ولا شي !ايضا شاشة المعلومات عندي بالعربي ومن نفس المده صار كل ما اطفي السياره واشغلها يطلع انقليزي وكل شي يكون صفر !
(طبعا هي من زمان يأشر آحمر بس يطلع كل شي عربي لكن بعدذاك اليوم صار يرجع انقليزي وكأني فاصل البطاريه وشغلتها مره ثانيه ,, علما باني غيرت البطاريه بالكامل والمشكله مازالت)
ايضا اذا كان المفتاح برا السوتش وشغلت نور السياره ما يطلع صوت انذار ولا شي !

فكيت البطاريه عدة مرات وركبتها ولا في فايدة علما ان البطاريه ما كملت سنه وهي عندي !

ياليت تلقولي حل الله يخليكم ,,

انتظر ردودكم ,,

بالنسبه للفئات اخوي هي نفس الفئات اللي ذكرتها في ردي في صفحة 383
اما الأسعار للي بدون دبل ماعندي خلفيه عنها للأسف وأعتقد حسب ماقرأت
ان المواصفات السعوديه تجي كلها بدبل الأمريكي هو يجي دبل وبدون والله اعلم
. بس زي ماقلت الوكاله مخلص منها يعني ماعندك إلا المعارض الله يعينك خذلك
لفه عليها .. ,,,,,,,,,, تقبل خالص تحياتي ,,,,,,

مشكوور اخوي

طيب كم اسعارها واذا تقدر تجيب لي الفئات ومواصفاتها كاملة وسعرها التقريبي واكون شاكر لك

مشكلة الصيانه وخاصه اذا صادف انك تريد عمل الصيانه لسيارتك وقت موسم كالاجازات ، صحيح يتم استلام سيارتك وادخالها للصيانه لكن مافي اهتمام ..
يعني يغيرون لك زيت وبسرعه اللي بعده ويتم اهمال التشييك على امور اخرى ..
وهذا كله تحايل من الوكال عشان يكسبون اكبر عدد ممكن ..