أنا شاري ماطور بعد أستخدامي لأبوجمل شاريه من محل أسمه برق الحيا الموجود بمخرج 15
قيمته 260 ريال
الماطور حلو ما عليه لكن نكبني نكبة محترمة من ثالث أستخدام تخيلو! كنت طالع في البر الساعة 2 الليل أنا وزميلي وطعسنا لين ملينا ثم حركنا حول الساعة 4:20 الفجر يوم نزلنا من الطعوس وجينا نتفخ الكفرات خرب الماطور تماما! عدل بدل بالفيوز يمين يسار مرة ما في أمل وجعلني هذا الماطور التعيس الصيني أمشي ما يقارب 15 كيلو بضغط كفرات 10 تقريبا علشان ألقالي محطة فاتحه وقت الفجر
بعدها توبه أشتري صيني
رحت لمحل الرماية وأعتقد محل معروف جدا بالرياض للأدوات البرية
شريت من عندهم ماطور الشركة المشهورة ARB وهذا شكله
قيمته 980 ريال أصلي تصنيع أسترالي
قوة النفخ فيه 60 لتر بالدقيقة
الماطور مركب بالشنطة ما ينزل منها إلا بفك (على ما أعتقد)
الموديل السابق منه 28 لتر بالدقيقة وقيمته 860 ريال يعني الفرق حول 100 ريال ودبل القوة أنتبهو تاخذونه فرق السعر بسيط جدا على مقدار دبل قوة النفخ
