السلام عليكم ورحمة الله وبركاته
اخباركم ياشباب
آه ياناس آه
ياجماعه انا بحكيلكم حكايتي الحزينه
قبل فتره من الفترات قررت اني اشتري سياره
وبعد المشوارت والاستشارات وطلب الخيره من رب العباد
وقع الخيار على لومينا ltz 2009
من شركه الجميح عليها من الله ماتستحق
جا يوم استلام السياره
استلمتها وكنت في غايه السعاده بما انها اول سياره لي
مشيت ولله الحمد 1500 كيلو ووديتها الصيانه في مزبلة الجميح في جده
طبعاً السياره كان يبغالها تصليح بعض الاشياء السيطه
وبعد اسبوع ونصف تقريباً >>> اسبوع ونص صيانه شوفوا المهزله كيف
اتصلوا وقالو السياره جاهزه تقدرو تستلموها
رحت اليوم .. يوم الأحد 22 شوال 1430هـ
وتقريباً قعدت عندهم ساعتين عشان الاجرائات اللي زي وجههم
وبعد ماقلي الهندي خلاص هادي ورقه الخروج واعطاني هيا
رحت على طول عند الموظف اللي يجيب السيارات واعطيتو الورقه
ورح يجيب السياره وانا في شوق عمييق لأرى عشيقتي
وجات السياره
خرج الموظف وقلي اتفضل
طالعت في السياره لقيت أثار جزم ومدري ايش ووصخ
قلت عادي اثار الصيانه
وطالعت تحت عند الكرسي فكانت هناك المفاجئه
بطاطس مقليه مرميه
؟؟؟؟؟؟؟؟؟؟؟؟ظ
وأطالع عند مكان الكاسات لقيت علبة ميرندا
؟؟؟؟؟؟؟؟؟؟؟؟
وعلى الكرسي اللي جنب السواق
كان فيه ورقه شلتها فكانت الفاجعه
بقعتين كل وحده اكبر من اختها
بقعت عصير واي عصير عصير توت
فعلمت أن احد موظفين الجميح المستهرتين جعل السياره غرفه اكل
غير دا كلو لقيت الجنط مخدش !!
للأسف الشديد الجميح طاحوا من عيني اكثر مما كانو
والشباب السعودي اللي هناك اثبت عدم كفأتو المهنيه
وعدم حمله المسؤليه والأمانه .. الا من رحم ربي
لاكن ماكان عندي طريقه الا اني اشتكيت لمدير المهندسين اللي عندهم
امريكي من اصول افريقيا
وامر احد المهندسين الهنود بكتابة تقرير واكتشاف الفاعل ..
بالله ايش رأيكم في اللي حصل وهل هو يرضي الله قبل الناس ؟؟
كيف الواحد يقدر ياخد حقو ؟؟
من هيئه حقوق المستهلك او اياً كان اسمها ؟؟ ما اظن لانها اسم فقط من غير فعل
هل وجب علينا السكوت بالقهر والظلم ؟؟؟
شوفوا فين وصلنا من الاستغفال والاستحقار
استغفال المواطن والمستهلك
انا أحمل شركة الجميح المسؤليه الكامله فيما حدث
لأنها هي التي سمحت بهذا الانحلال في شركتها
...........
