بسم الله الرحمن الرحيم
عندي سيارة هوندا اكورد موديل 2006
بصراحةانا طالب جامعي والسيارة محافظ عليها ومشاويري عليها مو كثيرة ( خروجي من البيت قليل ) وعدادها تقريباً 81000 كلم
السيارة للأمانة صار فيها حكة بسيطة في البوية من الجهة اليمنى فوق الكفر الخلفي وجاري رشها بوية ( الحكة بسيطة وبصورها قبل رشها علشان يكون المشتري على بينة )
غيرت الفحمات الامامية في السيارة قبل تقريباً 4 او 5 اشهر
غيرت زيت القير عند 60000 كلم لنصيحة شخص قريب لي .
بالنسبة لزيت السيارة اغير زيت هوندا وهو افضل شيء ( على حد علمي ) مع السيفون كل 5000 كلم او قبل بعض الاحيان .
غيرت للسيارة كفر جديد ياباني عام 2009 الدفعة الثانية ( نسيت اسمة بس يمدحوة )
مركب لها زنون الماني مع الحفاظ على نورها الاصلي في درج السيارة لمن يرغبة .
مركب لها كشافات .
ملبس للمراتب جلد ومكيسها قبل سنة ونصف تقريباً ولازالت نظيفة .
كانت تعلق معاي الشنطة صرت إذا فتحتها ماتقفل إلا بصعوبة ( لأستعمالي النادر للشنطة ) فغيرت السبرنق وصارت مثل اول
بصراحة كان ودي انزل صور السيارة بس مااعرف كيف انزلها
واللي حاب يشوف السيارة يراسلني و يقدر يشوفها انا موجود بالرياض
وهذا الايميل [EMAIL="aymandeef@hotmail.com"]aymandeef@hotmail.com[/EMAIL]
كل شيء في السيارة سليم وشغال وحالتها ممتازة جداً وجاهزة للأستعمال مباشرة
انا جاد في بيع السيارة واتمنى مااحد يسوم إلا جاد في الشراء
اي استفسار عن السيارة انا حاظر
وبالتوفيق للجميع
