يا ناس ابي رايكم ..؟ والله ما ادري وش اسوي ..؟

السلام عليكم ورحمة الله وبركاته



في البدايه انا شريت لي سوناتا 2009 في رمضان واول ما طلتعها لقيت فيها شتله في الدركسون لليمن

وجيت كلمتهم اليوم الثاني في الصيانه وقالو خلص التمرين وتعال نصلحها لك ..

وبعد ما خلصت التمرين جيتهم قبل العيد بــ 4 ايام وقالو لي ما يمدينا نستقبل سيارتك وقالو روح مكه ورحت مكه ودخلو السياره وسوو للسياره تشييك بس اما الشتله يقولون سويها على حسابك وجيب فاتوره وحنا نعطيك المبلغ ..

المهم في العيد قدر الله وجيت لقيت قزازه فتحه السققف مكسوره .. المهم جبت الشرطه واخذت محضر منهم بالحادثه وبعد العيد رحت للشركه عشان يصلحوها على الضمان وكل يوم بكره في بكره وبعدين قالو روح مكه وانا من الطايف ورحت مكه ولا صلحوها يقولون جيب ورقه اصلاح ..كيف اجيب ورقه اصلاح في كسر قزازه..

المهم رجعت للطايف ورحت للمرور وقلت لهم القصه قالوا يا ابوي كيف نعطيك ورقه اصلاح في كسر قزازه هذي تعتبر حاله جنائيه من عند الشرطه ..
ورحت لحقين الطايف وقالوا روح لجده ورحت ولا لقيت حل ..

المهم طلع صوت في القير طقه في التعشيق والبوري خرب ووديتها الشركه وقلت ما استلمها الين تصلوحنها ولا خلوها عندك

وبعد اسبوعين من التأخير جيت ولا سوو في السياره ولا شئ الا انهم زادو فريون المكيف وغيروا الكفرات اللي قدام حطوها ورى ...

يقولون القير فيه جلده طلبناها من دبي وبعد اسبوعين تجي ..
والقزازه كمان ما صلحوها يقولون روح لجده ارسلوني لواحد يقولون يمكن تاخذ يومين

بالله يا ناس وش الحل مع هذولا ..

والله ما ادري وش اسوي .. وانا جالس بدون سياره وانا اداوم يوميا من الطايف لمكه ولا معاي سياره ..


وش الحل من رايكم..