افزعو لي ياخبراء السوناتا سيارتي سوناتا 2009 ماشيه 38 الف وطلع معي صوت في القير

عني لاحظت انه موجود في اغلب السيارات السوناتا
واغلب من ودا سيارته لعبو فيها الوكاله وخربو بدال التصليح
والصوت طبيعي ومايضر ولاتلتفت له
واحسن لك لاتقرب الوكاله يحوسون قيرك

صار طبيعي وموجود في اغلب السوناتات 2009

حيك الله اخوي

^^

الله يعينك

تكلفك تقريباً 4 ألاف ريال

بس أنا أنصحك تمر على صيانة المجدوعي تراها تستقبل سيارات الوعلان

سمعت أن الخدمة عندهم أفضل والأسعار أقل

مر عليهم وعلى الوعلان وقارن بينهم

والله انا معي سوناتا 2010

والحين ماشيه 40000 كيلو وفيه طقه قويه في القير مع التبديل تطلع لي

واتوقع ان المشكله في حساس القير والله اعلم

وانا ما سويت الا صيانه 1000 كيلو

هل تتوقعون اذا رحت يصلحونها ...؟

وكم بتكلفني صيانه 40000 ...؟؟

وهل لازم اسوي الصيانات اللي راحت ...؟؟

افيدونا يا اهل الخبره

والله يا جماعة الخير

لا تزعلون مني لكن ممكن فيه نوع من الوسوسة ~~~~>:bigggrin:

أنا ولله الحمد معي 2010 ولا إشتكيت من القير صحيح فيه أصوات لكن من وجهه نظري أشوفها عااادية

وبالنسبة للصيانة ترى الوعلان ما ينفع لهم إلا إنك تصير نشششبه قلهم ما بي السيارة و هاوشهم شوي و يصلحون موترك على طول


أنا أول ما عديت الـ 1000 بدى القير إذا حطيته بالـ D السيارة ما تمشي تدعس ما تتحرك

تاخذ من 10 - 15 ثانية عشان تمشي رحت لهم ونفس الإسلوب الي فوق :bigggrin: وفي يومين

خذت السيارة ولا فيها إلا العافية وعلموني المشكلة .


تحياتي ...

شباب حرام عليكم
هذا وانا بايع سوسو حقتي وزعلان على بيعتها
والحين افكر اشري الشكل الجديد
لا والله كذا باهون
شكلي باطقلي اكورد وباسكر اذاني لما اركبها وبس

مدري عن القير عندك تماتيك ولا عايدي

كرهتونا في السوناتا وش فيكم كذا تو السيارة جديدة وكل هالخرابات ...

أجل اذا وصلت 100 ألف :a1120(82):راح تخبط والله مصيبة وتحطيم وهالمشكلة حقت طقت القير انتشرت

ودائماً أشوفها بمواضيعكم بمنتدى الكوري الله يخلف على السيارات الجديدة كلها قمايم

ماعاد ندري وش نشتري نطلع من نار أبو جميل ونطيح في قمايم كوريا ...

مالنا غير الله ثم الألماني .....

ياااابن الحلآل لآتشيل هم .. انآ معي سونآتآ 2008 6 سلندر

صرآحهـ من طلعت السيآرهـ وانآ فآآآجرهآ .. وتفحيط وتدعيس وحوسهـ ..يوم مشت 45 الف بالظبط .. بدا القير اذا جا يبدل من الاول للثآني .. تحن السياره اول بعدين يعشق واذا عشق يطق القير بصوت قوي .. ونفس الشي من الثاني للثالث .. والخ

الزبدهـ يخوكـ اني رحت ورشهـ ونسيت واللهـ وش اسم الخرآب .. المهم قال شغل يدينا 4500 .. قامت عيوني تصافق يعني القطعه بكم ؟

المهم يمين ويسار .. قالوا لي ناس من اخوياي ودها الوكآلهـ اكيد ع الضمان بتتصلح .. انآ صراحه خفت قلت ما اضن .. لان اللي جاها مو شوي .. المرآد اني رحت الوكآلهـ بسطحه :) .. لآن السياره ماعاد تمشي ..

وديتهآ لهم قالو لي ليش ماسويت صيآنه كل 10 الاف ؟

مع العلم اني ماوديتها الا بتشييك 1000 بس ..

الزبدهـ قالوا لي .. ادفع 1800 وبتطلع لك السياره مصلحهـ من - الى ..

طآرت عيوني قلت ابشر بعزكـ وادفع لهم واللهـ غيرو كل شي .. حتى من الدلاخهـ فيهـ اشياء خربانهـ ناسي اقول لهم .. مثل المرايه السقفيه معروفه بالسوناتا دايم تخرب وصلحوها .. وانوار الكبوس خربانه وصلحوها وغيرو فحمات وهوبات ومدري وش بعد .. الزبدهـ يخوكـ ودهآ وع الضمان اكيد ان شاء اللهـ ..

بس عطيتكـ القصهـ من العطآلهـ والفضآوهـ ^^ .. وان لقيت لي وضيفهـ قل لي :)


وتمنيآتي لكـ وللجميع بالتوفيق ..~

وراكم لعبت فيكم الوسوسة ههههههههههه

ان شالله مافيهن شي اللي ماشي فوق العشرين الف يغير الزيت وتضبط اموره

نفس الشي حاصل مع سوناتتي 2010

فيه صيانه سريعه في طريق التخصصي محطه الادريس ( وكاله الوعلان ) شغلهم سريع

شباب انا عندي نفس صوت الزنة دي


مدري هل اقدر اغير زيت القير خارج الوكالة


لانه صراحة ما عندي وقت ادخلها الوكالة

اعوذ بالله .. سيارتكم جديدة وممشاها قليل جداً ...وفيها هالمشاكل .