Jeep GC Overland 5.7 V8 HEMI 2009

والله موترررررررررررررررر

انا عني عاجبتني جداً 2011 وانا ان شاء الله ببدلهم بسيارتي اذا نزلت 2011 طبعا ماراح تنزل الا في بداية 2011 م او بتتأخر شوي..

شكرا لك .. 2011 سوف يكون تحفه فنيه رائعة فعلا .. ننتظره .... وأعتقد ان عدم الاستعجال افضل

1- كيف قوتها وعزمها 5.7 هيمي الي عندك ؟
جـ - جباره
2- هل السياره مريحه بالسفر , وبصفه عامه كيف راحتها وقيادتها وبالطرقات الوعره هل هي مريحه ؟
جـ - السيارة رائعه جدا بس عيبها كفراتها النقشه حقتها وسيعه مصممه للطرق الوعره وهذا يسبب صوت بسيط في مقصورة السيارة ، وانا ان شاء الله بغيرها بس خل استهلك حقت الوكاله شوي لانها غاليه (جودير الماني)
3-هل بها عيوب مصنعيه أو اعطال وخرابات ؟ وشو الخرابات والاعطال الي واجهتك ؟ وكيف تم اصلاحها وكم كلفتك ؟
ولله الحمد والمنه لم اشتكي من اعطال ابد .
4- كيف قدرة تحمل السياره هل تتحمل مسافات طويله مستمره وتعطيس ام هيه حساسه , وتظهر اعطال بعد السفر او التعطيس ؟
مسافات طويله ،، رحت عليها جده والامارات والشرقيه تقريبا اكثر من 4 مرات والامور تمام التمام اما الطعوس فهو موتر ومعروف بس انه طامن شوي خاصه من الوجه لان فيه صاجه ولحيه بالصدام الامامي.
5- تنصحني اشتريها ولا لأ بصراحه؟
انصحك ، بس لا تنسى تصلي صلاة الاستخاره
7- كيف أداء المكيف وخاصه بالصيف ؟
جبار
8 - كيف عزل الهواء وخصوصا بالسرعات العاليه , وبأي سرعه يبدأ العزل يقل ؟
85% يعني فيه صوت هواء بسيط مو تنسيم بسبب ان الزجاج طبقة واحده مو مدبل زي المرسيدس والبي ام وصدقني هالشي موجود حتى باللكزس ES350 كانت معي.
9- كيف صرفية البترول يعني داخل المدينه لو مشيت 150 كيلومتر كم لتر تستهلك؟ وعلى الخط لو مشيت 150 كيلو كم لتر؟ وعند تعبئة الخزان فل كم كيلو يمشيك ؟
التانكي فلل يمشي حسب قراءة كمبيوتر السيارة من 499 الى 502 كم .. ولكن اذا كنت راعي دعس بتلاحظ الصرفيه لان المكينه اقتصاديه تعمل 4 اسطوانات وفي حال الدعس فأن قوة المكينه بالكامل 8 اسطوانات تعمل وهذا يسبب صرفيه ، ونوع البنزين 95 فلها اذا فاضيه مره 41 الى 43 ريال ما تعدتها ابد .
10- ما هيه عيوب السياره ؟
نازله شوي وصوت هواء بسيط في السرعات العالية
11 - ماهي حسناتها ؟
قويه ، شكلها رائع ، موجوده بها كل مزايا السيارات الفخمه (ملاحة) (كامره) (هاردسك 20 جيجا) (بلتوث جوال) ( AUX) ( USB) ( شاشة DVD امامية "لاتعمل اثناء الحركه" وخلفيه بالسقف) تدفئه مراتب ومكيف امامي وخلفي و 2 ذاكرة مقاعد للسائق ومراتب جذابه ومريحه بشعار OVERLAND تختلف على جميع فئات الجراند شروكي.
12- كيف حرارة السياره بالمسافات الطويله أو واقفه وقت طويل أو بالتعطيس وبصفه عامه , لأن الكثير يقول انه عيب الجراند الحراره ؟
يالتطعيس كل السيارات اذا كنت مشغل المكيف والكفرات مليانه والجو حار بترتفع شي بسيط وعكس ذلك طبيعية .
13- جربة سرعتها , هل هي سريعه ؟ شو السيارات الي سبقتهم , وشو السيارات الي سبقوك ؟ ومن 0 الى 100 كم تستغرق ؟
والله انا احيانا اتهور بالخط خاصه اذا شفت شباب يستهبلون بس انا خواف ارفع رجلي بسرعه واقصى سرعة وصلتها 230 تقريبا ..
14- كيف جودة صناعة الداخليه وقطع الغيار والسياره بصفه عامه ؟
رائعه وقطع غيارها معقوله.
15- إنطباعك بشكل عام عن السياره بعد ما استخدمتها لفتره ؟
ممتازه ..ومناسبه

اخوي apood اتمنى اني جاوبتك بشكل واضح بس ياليت تنقل إجابتي لرسالتك الخاصه هنا ليستفيد منها الجميع خاصه ان اسألتك ممتازه ودقيقه.

سعره مشجع جدا انا يوم اشتريه كان سعره 171000 ريال قبل سنه تقريبا بس خذته 163000 ريال والحين 149000 يعني طاح منه اكثر من 13000 ريال (حلو)
وبالنسبة الى الامريكي ابتعد عنه لأن مشاكله كثيره وخاصه الحراره وبالتحديد لمكائن 5.7 همي.

لا بالعكس اذا كان على يدك من والوكاله صدقني بتتغير نضرتك خاصه وان الوكيل تطور وتحسن كثير وابشرك تقدر تمدد ضمان سيارتك الى 5 سنوات بحوالي 2000 ريال ، بس الشهادة لله انهم افضل وكيل جربته من بين (ابو جميل (تويوتا) او (لكزس) ) و توكيلات الجزيره و عبدالله هاشم .

صح بس الامريكي يجي صناعه امريكة بس الي عند الوكيل يعني السعودي صناعه نمساويه بتقنية المانية . الفروقات الشكليه على مستوى (أوفرلاند) الجنوط تختلف و الانوار الخلفيه مختلفه اضافة الى وجود تخشيب على دركسيون السيارة ...الخ وهذا ما يحضرني حاليا.

سيارة ولد عمك يمكن لاريدو وهي اقل نوع والاختلافات جذريه سواء على مستوى الفخامه او التقنية.

تبقى وجه نظر :ch19:

جيب حلوو وقوي وكل شيء بس آفضل جيب على آلآطلآق ؟
آلله يهديك بس :tongue:

عند ول عمي وحدة

سيارة هذي كرهتها بسب ركوب أول ما كنت أريد أركبها علق راسي في باب

للعلم سيارتي صالون مافي يوم علقت

ويوم شفتها من داخل طاحت من عيني لأني توقعتها أجمل من ألي شفته

سودة من داخل حتى ديكور أسود وما فيه لمسات خشب أول لمسات جمال مثل هذي

صور

هذي صور ألي عندك أجمل من سيارت ولد عمي مع العلم سيارت

ولد عمي نفس شيء فل أبوشن


وبكل صراحة كان من أفضل ما أشوفها لأنها بكل صراحة طاحت من عيني يوم شفتها في

الواقع

احلى جيب امريكي للبر
و الاحلى من هذا انك تجيبه من امريكا بنص السعر بعد سنتين

عيبه انه لا يوجد له شعبيه عندنا
و وكيله سيء مقارنة لغيره

بصراحة الشيروكي جيب ممتاز وماعليه كلام
لكن مشكلته في الخرابات والوكيل

الله يعطيك الـــ ـعافيه ــــــــــــــــــــــــــــــــف :xyxthumbs:
هذا الي ينقال عنه جيب وانت رافع رااااااسك :smile:
على فكره مريت الوكاله حصلته 149999ريال بدون مكاسره
سؤال وش الفرق بين السعودي و الاستخدام؟ :c0214:
افكر في الاستخدام
لاتحرمني من شورك :ch19:
وهذه لك:emot153:

إنت اروع شكرا على مرورك الكريم

رووعة

شكرا على موضوعك

أحترم رأيك بشده وشاكرا مرورك الكريم

شكرا للموضوع

في نظري

افضل جيب على الاطلاق