شخصيا نمتلك 3 جموس و لومينا اس اس (كلها مع ناس قريبين لي جدا جدا)
احد هالجموس في ابها (2006 سعودي) و الثاني في الرياض(2000 شفر مستورد) وجمسي الثالث (2006 سعودي) بوادي الدواسر و اللومينا ايضا
كلها ما فيها هالعلامة
طبعا هي للفاهمين ما تعتبر مشكله بل تخبرك بوجود خلل في السيارة و يخبرك اين الخلل بالضبط احسن ما تمشي و الخراب غير ظاهر لك ثم فجأة يخرب ويجر وراه عشرين خراب و مبلغ و قدره للتصليح و يتعبث ابو يمن او غيره و يتعلم على موترك او حتى المعلمين على بال ما يطلع وين الخراب و صاحب الجي ام الغى اللمبة او ع الاقل عرف وين المشكله واحتمال يكون صلحها برضه
طبعا مشكلتها الحساسية الزايده عن اللزوم (غالبا المشكلة تكون في احد حساسات دخول او خروج الهواء نادرا ما تكون في غيرها ) و الناس عندك هنا يحب الموتر ابكم و اطرم (و كمبيوتره اطرش في الزفة) بمعنى لو انت من اهل الرياض و تعود الموتر على جو الرياض ثم رحت للشرقية فجأة توقع تولع عليك اللمبة بسبب الرطوبه ولا تستغرب (اهل الكوابرس اللي يبرمجون يلاحظونها اكثر اذا كان برمج عند هشام الملا في راس تنورة و جا الرياض يلاحظ الموتر متغير عليه لازم يروح يبرمج عند SLR لان جو الرياض مختلف)
انا مثلا بخاطري اشيل دبات التلوث بالجمس لكن فيه مشكله الحساس خلف الدبات و راح يولع اللمبة مباشرة و حلها بالبرمجة مباشرة في خلال 10 دقائق او اقل (و هذي ميزه مع ان الغالب يعتبرها عيب لكن بيعرف ميزتها اذا صار عنده خراب و صلحه و بقيت لمبته شغاله مثل اغلب السيارات الآسيوية لازم صلخ من الوكالة للبرمجه هذا اشتغلت اللمبة اصلا)
طبعا ظهور اللمبة ما يعني وجود مشكله فعلية بالموتر بعضهم خذ كد و كرف 5 سنين و طالع و اللمبة شغاله والموتر ما فيه الا العافية لكن طبعا ما يعني ان الفعل هذا صحيح هي ما تشتغل الا في مصلحتك انت
* احس هالموضوع راح يكون كالعادة مضارب و هواش
