اتصلت في وزارة التجارة فرع مكافحة الغش التجاري ..
المكالمة كانت كالتالي :
أنا : السلام عليكم .
[COLOR=Red]موظف وزارة التجارة ( أيمن ) : وعليكم السلام .
أنا : عندي شكوى ضد اعلان وهمي من وكالة الجميح للسيارات .
موظف وزارة التجارة ( أيمن ) : تفضل .
أنا : يا أخي نزل اعلان يتكلم عن أسعار سيارات ولما رحت الوكالة وضربت لهم مشوار 100 كيلو ، قال لي مندوب المبيعات إن مافيه عروض بهذا الشكل .
موظف وزارة التجارة ( أيمن ) : يا أخي ليه مااستفسرت قبل ماتروح هذي غلطتك .
أنا : يا أخي عفوا ً ، أنا ما أكلمك بصفتك محامي للجميح ، أنا أكلمك بصفتك متعاون معي ضد هذا التزوير في الأسعار وتضليل المستهلكين ، وأنا ما أكلمك الآن عشان أنت كموظف بسيط تقيم شكواي وتعلمني الحلول ، أنا أكلمك فقط عشان تستقبل الشكوى وتعطيني رقم للمعاملة وأنا براجع فيها ، ثانيا ً لو كان القصور فيني كان مالقيت آلاف المواطنين عند وكالة الجميح وكلهم يستغربون هذا التضليل الإعلامي ، يعني كل الآلاف هذي غلط وانت الوحيد اللي صح واللي فهمت الإعلان .. ولمعلوميتك المكالمة هذي مسجلة وإذا ماعطيتني رقم بالمعاملة راح أوصل الموضوع للي أكبر منك .
موظف وزارة التجارة ( أيمن ) : يا أخي الموضوع مو موضوع إني ما أبغى أتعاون معاك لكن هذي مشكلة وزارة الثقافة والإعلام ، هي اللي تتابع الإعلانات .
أنا : يا أخ أيمن ، انت ليه مصر تحط المواطن هو الغلطان ؟!..الآن وزارة الثقافة والإعلام مسؤوليتها فقط متابعة أخلاقيات الإعلان ، وعدم تعارضه مع أخلاقيات المجتمع ، هل وزارة الثقافة مسؤولة عن تطبيق أسعار الإعلان في السوق ؟.. أم مسؤولة فقط عن أخلاقيات الإعلان ؟.. يا أخ أيمن للمرة الثانية أقولها لك من تكون أنت حتى تقيّم شكواي وتصنفها إلى شكوى صحيحة أو خاطئة ؟..هذا مو شغلك ..انت فقط تستقبل الشكوى وتعطيني رقم معاملة حتى اتابع التطورات لا أكثر ..
موظف وزارة التجارة ( أيمن ) : طيب انت في أي مدينة ؟.
أنا : الدمام .
موظف وزارة التجارة ( أيمن ) : خذ هذا الرقم 038431110 هو المسؤول عن مشاكل الغش التجاري في المنطقة الشرقية ..
أنا : لكن أنا متصل فيك على رقمكم المجاني 8001241616 وهذا الرقم خاص بالشكاوي على مستوى المملكة ، وأساسا وزارة التجارة هي اللي أعلنت الرقم هذا في جميع أنحاء المملكة .
موظف وزارة التجارة ( أيمن ) : إذا تبغى معاملتك تخلص بسرعة ، اتصل على الرقم اللي أعطيتك .
أنا : شكرا ً لتعاونك .
يا أخوان ، وش رايكم في هذا الموظف ؟!..
ما كأنه زحلقني وصرفني ؟!.[/COLOR]
وإذا فيه مسؤولين قروا المحادثة هذي ، أنا مستعد أكتب اسم الموظف بالكامل ،
ونعرف الحق مع من..!؟
أخوي طيب كلم الرقم الثاني
وقلنا ايش صار
ولاطلع الرقم الثاني رقم بيت وهذا الموظف زحلقك
