تكلفة اجراءات تجديد الاستمارة والفحص واستخراج لوحات بد فاقد .. أرجو المساعدة ...

حياك الله أخي الغالي ..

ووالله ما عندي علم أكيد .. ولكن أحتمال أنه مجاناً وأذا فيه رسوم راح تكون 50 ريال ..

ولك أطيب تحية

الله يعطيك ألف عافية اخوي أبو أنس ...

وما قصرت ...

الله يعين إذا العسكري نشب ويبي اللوحة الضائعة ...

بس ما قلتلي كم الرسوم عشان أذا بطلع اللوحات .؟؟؟

الله لا يهينك ...

شوف يا بعدي بالنسبة للوحة .. أنت لو بتروح تطلب لوحة بدل فاقد .. فقط .. كان قلت لك رح عبئ نموذج المحضر وشرح فيها كيفية فقدان اللوحة ومن ثم أحضر إثبات للسكن وصورة من استمارة السيارة وصورة من بطاقة الأحوال المدنية أو الإقامة بالنسبة لغير السعوديين، ومن ثم التوقيع عليها من قبل مدير القسم، وتصويرها في خارج المركز 3 نسخ يختم مركز الشرطة واحدة

وتبقى مع المتقدم والأخرى تحفظ لدى قسم الشرطة ومن الشروط كذلك إحضار السيارة للمعاينة .

ولكن أنت راح تجدد يعني اللوحات راح تتغير .. فا ودي تجرب حضك لأن العسكري يقدر يمشيك كيف !َ

لأن لما يطلب منك اللوحات القديمة تشوفهم يجمعونها علشان تتلف .. يعني ما فرقت معه لوح أو لوحتين أو حتى أن شاء مافي شيء .. :smile: ..

بس عساك ما تطيح في واحد أقشر ويسوي لك سالفة ويقول رح سوي بلاغ ومحضر وكلام كثير :confused1:

ورح المرور وخبرنا وش يسير معك ..

وبالتوفيق أن شاء الله ..

ولك أطيب تحية

يعطيك ألف ألف عافية على المساعدة ... وانا شكور جدا ...

يعني التكلفة النهائية كما يلي :

1- تجديد الاستمارة : 100 ريال على كل سنة = 400 ريال (اربع سنوات منتهية)

2- اللوحات : على كلامك لا تكلف شي فقط مع تجديد الاستمارة ... طيب ما يبغون اللوحات القديمة (الضائعة اللوحة الأمامية فقط ) ؟؟؟

3- الفحص : تكلف 75 ريال والاعادة 35 = 100 ريال ...

4- التصليحات اللازمة للنجاح بالفحص : تقريبا بالكثير 500 ريال ...

5- التأمين : 350 ريال ...

6- نقل الملكية : تكلف 150 ريال ...

7- حق المعرض : تكلف بالكثير 100 ريال ...

في شي ثاني باقي ؟؟؟

المجموع : 1100 ريال فقط ... بالكثير 1500 ريال ...

وهذاك النصاب يبي 3500 ريال ...

أشكرك مرة أخرى على مساعدتي ...

طبعاً معا تجديد الأستمارة.. راح تغير اللوحات من الشكل الجديد .. سواء أردت أرقام جديده أو نفس الأرقام ألي معك وأن كان في لوحة أصفار على اليسار طبعا تروح ..

وبالنسبة لنقل الملكية تدفع 150 ريال .. رسوم التجديد .. في البنك ..

وتخلص باقي أوراقك من المرور .. والمعرض ان رغبت أنك تعطيه يسوي لك هـ الشغل وتستريح فالمناقلة في المعرض من 20 إلى 50 ريال .. وبعضهم أستغلالين يوصلونها 100 ريال ..

وبالتوفيق أن شاء الله ..

ولك اطيب تحية

يعطيك ألف ألف عافية أخوي على الرد والاجابة اليقينة ...

طيب أخر سؤالين انشاءالله ... الله لا يهينك ...

كم يكلف تقريبا اذا بطلع لوحات بدل فاقد علما بأن اللوحة الامامية ضائعة ...؟؟؟

وكم تكلفة نقل الملكية مع المعرض وكل شي ؟؟؟

معليش ثقلت عليك بس أرجو أن تستحملني ...

عذرا كتبت رد .. وشاء الله أني مسحته بغير قصد ..

ولكن عموماً وبأختصار ..

تكفون يا شباب علموني كم تكلف تجديد الاستمارة (منتهية 4 سنوات) - و استخراج لوحة

واحدة بدل فاقد - والتأمين - والفحص - ونقل الملكية ...

لي يومين وأنا في الانتظار ...

وانا متأكد أنكم ما بتقصرون معي ...