فورد ماشي مليون و100 الف ميل-(مليون و700الف كلم)

- مثل ما قال أحد الأخوان ، الاجواء الباردة والمعتدلة تساعد على إطالة عمر قطع الغيار وبالتالي إطالة عمر السيارة ، وكلنا نعرف أن إرتفاع درجة الحرارة هو أكبر عامل لتلف القطع سريعا
لذلك نجد أن شركات السيارات التي تعتمد إعتمادا كبيرا في إختبار سياراتها بأجواء حارة ، هي أكثر السيارات صمودا بأجواء الخليج ، لاسيما إذا كانت الشركة من دولة ذات أجواء حارة مثل اليابان ، بعكس السيارات التي تستورد من بلدان باردة

- أيضا المحافظة والصيانة المستمرة لها دور بإطالة عمر السيارة

- أضف إلى أنه لايخفى على الكثير أنه من السهل التلاعب بعدادات السيارات فربما أقول ربما تكون دعاية للشركة ، وربما يكون الممشى صحيح لاسيما من شركة عريقة مثل فورد ، ولكن بأجواء مناسبة تساعد على إطالة عمر القطع

- أخيرا ، سياسة تحديد عمر إفتراضي للقطع لم تكن دارجة بشركات السيارات سابقا ، فالشركات الآن أصبحت تفكر كيف تضمن إستمرارية دخلها مستقبلا ، وبناءا عليه أصبحت تضع مواصفات معينة لأنتهاء عمر القطع وبالتالي ضمان إستمرارية المكسب من بيع قطع الغيار
لذلك نجد أغلب السيارات القديمة تعمّر طويلا ، بعكس السيارات الجديدة

تشكر ع طرح

هذا يثبت ان الزيت لا يحتاج تغير كل 3 الالف كم كما يفعل البعض

محركات 8 سلندر تعمر وخاصه الامريكي

تحياتي اليك

مشكور على الموضوع ...


لكن ياجماعه ترى المليون بدون توضيب صعبه صعبه جدا جدا (ولا ودي اقول مستحيله ) على مكاين البنزين .
الديزل <<< ممكن ونادر جدا . الا في الكاين الكبار مثل باصات النقل الجماعي وبعض انواع التريلات .

اما البنزين فمعليش تراها صعبه ..

شي حلو والله

عادي جدا

عندنا جمس موديل 1976

ماشي 930 الف ميل

يعني تقريبا حول المليون

ولا مرة وضبنا المكينة ولا القير ..!!

thank you v much

ما ادري شكلك
بس كلشي جائز
للعلم اكثر سيارة ماشية لحد الان هية فولو 2.5 مليون
مو سياراتنا اذا وصلت 300 الف نعتبرها انجاز

ههههههههههههههههههههههههههههههه ضحكتني صاحب الفورد اذا فيه خير خله يجي السعوديه اذا مو من اول 100 الف دخله الصيانه
تقارن امريكا بشوارعها وجوها الحلو تحصله حتى المكيف ما شغله اكيد بتعيش معاه الجو يلعب دور مهم في عمر السياره

يمشي في اليوم 393 كيلو احس ان حياته خطوط × خطوط

بس مسيكين تلقاه يطفش الحين انا اشيل هم ان كانه في مسكت خط لسدير

اظن ان الموضوع فيه لعب ..

المرسيدس عند ربيعي ماشيسة 470 الف .. وضربت

وقام بتغير المكينة + الجير

اما فورد فمعروف انها تتحمل ..

ولا تنسو الاجواء + الطرق + العناية

واظن ان موضوع تغير الفلاتر + زيت المحرك والقير هذي ماهي صحيحه

المشي في الخطوط غير عن داخل المدينة
الخطوط تمشي ربع ساعة قطعت 25 كيلو بسرعة 100 والمكينة مريحة
اما المدينة ربع ساعة 2 كيلو و تسارع وتهدية ومطبات وزحمة تسخن الموتر
علشان كذا المكينة في الخطوط تطبق المليون وهي ماخبطت اما في المدينة حدها
300-500 الاف وهي مخبطة هذا اذا ماخبطت قبل

الجو حقهم يساعد كثير

والله اللي يشوف السياره يقول هذي ماشيه 100الف

مو غريبة لو تكمل المئة مليون مابها مشكلة
ليش
قارن بين شوارعنا وشوارعهم
بصراحة لو الشركات بي تنجح في تصميم سيارة لازم تختبرها عندنا في جدة او مكة او جنوب عامة مايحتاج يتعبون انفسهم في بلادهم ويجربونها في رمال وجبال وثلوج وكلها مالها داعي وتفتقر الى عامل المفاجئة
يكفي ان شوارعنا فيها عوامل طبيعية يومية مليئه بالمفاجئات

يؤ يؤ يؤ مليوووون و سبع ميه

و يا شباب معروفه المكاين الأميريكيه و خاصه 8 سلندر معمره و مهب زي الـ 6 سلندر و لا 4 سلندر تبدأ المكينه بالهربده و المشاكل لا وصلت 300 ألف و ما تاصل المكينه لـ 350 ألف ألا طاقه الماكينه و ترا الصيانه له دور كبير لكي تعمر الماكينه .

شي عادي آتذكر واحد من المعارف معه باترول موديل 98

باع السياره على وقت 2005 وكان ماشي وقتها مايقارب مليون و200 آلف

تم توضيب المكينة على 700 آلف

وللمعلومية الرجال كان يتردد يوميا من الرياض إلى المجمعة


وآلحين معه باترول 2005على كلام ولده يقول ماشي جيب الوالد 400 آلف كان الكلام هذا وقت 2007

آلحين كم بيكون ماشي ياترى ؟