سيارتي بعد التعديل (أكورد + بريليود = أكليود) !!

الف مبروك اخوي ار تايب عالمكينه الجديده الله يعطيك خيرها ويكفيك شرها

ايش راييك لو تعدل في نظام الهوا والكهرباء حتصير اخطر واخطر ;)

والف مبروووووووووووووووك

هلا Type R

اي هذا التربوا اللي اقصده ب 13000 الف ريال وهو جنريشن 4 يعني الاقوى.
بالنسبه لاسعار التركيب اي هنا نوعا ما رخيصه طبعا لفرق الدخل الفردي.

وبالنسبه للياباني في الاردن ولبنان (( انسى سوريا مالهم في التلغيم ابد )) هم فعلا متخصصين في الاوربي اكثر شي وخاصه البي ام والله انهم خطيرين في البي ام بشكل ما تتصوره.... وهم عادة يلغمون اي سياره سلنراتها قليله عشان البانزين سعره غالي هنا وما ينفع الامريكي معاهم..

وطبعا عندهم اندية سيارات ودراقات عشان كذا بيزيد اهتمامهم في التعديل والتلغيم.

الشيب بسئلك عنها انشالله,, وبردلك خبر.

تحياتي

وصح شوف لي أسعار الـChip وخصوصاً SPOON CHIP للكمبيوتر P13 ياباني.

مشكور DOHC على الأخبار الحلوة ......

أتعقد أن التوربو إللي تتكلم عنه هو DRAG TURBO KIT مثل إللي في هذا الموقع:
http://cgi.ebay.com/ebaymotors/ws/eBayISAPI.dll?ViewItem&category=33742&item=2415175673


صح؟


بس أنا مستغرب من شيء : ليش الأسعار هناك رخيصة مرة وخصوصاً التركيب؟

وبعد أنا ماخذ فكرة أن إللي في الأردن ولبنان وسوريا متخصصين في الأوروبي بس ، لكن أنا أستغربت أنهم بعد متخصصين في الياباني.

هلا Type R انا بعد سمعت عن هالسيفيك ويقولون مره قويه,, الله يعطيه خيرها ويكفيه شرها.

بالنسبه للاسعار رحت حق اللي شريت منه مكينتي السابقه وما حصلته رايح اليابان يجيب مكاين,,, لكن وصيت اللي يشتغل عنده يعطيه خبر عن المكياين اللي ابي اعرف اسعارهم ويرد لي خبر اذا اتصل عليهم من اليابان.

رحت حق اللي ركب لي المكينه وهو بعد توه راجع من اليابان,, ووراني صوره لسياره عليها TypeR وتربو وكلشي فيها ممكن يتعدل معدل ومزود,,, السياره على كلامه اكثر من 500 حصان وتتحمل غاز الي 200 شوت ,,, يعني صاروخ ارض ارض
السعر في اليابان حوالي 15000 ريال,, يعني يابلاش
واصله الاردن 25000 ريال وماعليك الا تشيل من هذه وتحط في هذه,, طبعا هذا سعر السياره كامل بكل قطعها تنقص نصين وتنشحن لاي بلد تبي.
ويمكن على الامارات تنشحن ارخص عشان الجمرك.

باقي محل واحد مارحتله وهو يسمونه ملك الفيتيك في الاردن بس اسعاره غاليه ومااحب امر عنده,,, لكن واحد قالي ان عنده مكينة 18 بيبيعها ب 5000 ريال شامل كل القطع حتى التانكي وساعات العداد حقين الفتيك ((يجون بلون ابيض)) واعتقد هالسعر مع التركيب لان عنده مكيانيكيه يركبون الفتيك.

بالنسبة للتربو مالقيت هنا بس يسون له طلبيه بحوالي 13000 ريال وهذا التربو جنريشن 3 او 4 والله ناسي. يعني لازم تراعي هالشغله التربو اي جنريشن.
لان في انواع سعرها اقل اتوقع حوالي 8000 ريال بس ماتعطي كثير وكانه اسمه Gready.
وقالي نفسه وهذا خبير تربوات,,, انه ممكن نفصل تربو على السياره ويكلف حوالي 7500 ريال او يترهم له تربو سياره ثانيه مثل الايفو او غيرها.
لكن الافضل هو الاصلي.
انشالله تصير لي فرصه انزل بيروت قريب لاني متاكد بلاقي مستعمل هناك وبسعر زين واردلكم خبر.


تحياتي

السلام عليكم

أخوي Touareg 2003

أنا شفت مرة قومة للسيفيك إللي تتكلم عنها مع لومينا SS كان لونها أسود على ما أظن وأداء السيفيك هذي ما شاء الله جيد جداً.

وعلى حسب ما أعرف أن ما عليها إلا شغلات خفيفة.

DOHC

فين الأسعار إللي وعدتنا فيها؟

انا معاك أخوي DOHC لكن هذا الشخص اعرفه وجاب فيها 200 وبيركب ( تشب ) علشان تفتح سرعة زيادة ....
وبالنسبة للقوة تقول أن مكينة Type R حدها 200 حصان انا معاك لكن في اضافات غير المكينة طبعا ...
مع جزيل الشكر أخوي DOHC

بالنسبه لحد السرعه ممكن يفتح الكمبيوتر وتجيب اكثر وهي حدها 180 مو 200 لانها مكينه يابانيه وفي اليابان كل السيارات محدده الى 180 او 185
انا سيارتي جبت فيها 245 تقريبا وهي مو TypeR

تحياتي

قوة مكينه ال Type R هو 200 حصان بس مع الاضافات تزيد
ال b18b مو يفيتك وال b18c فيتيك
ال b18c1 هذه مكينة ال 18 الفيتيك العاديه
ال b18c5 هذه مكينة ال Type R

تحياتي

شكور أخوي Type R على هذا الموضوع الحلو ....
الله ينطيك خير الموتر ويكفيك شره
على فكرة ما تعرف راعي ( السيفك الحمرا ) اللي بالخبر مغير المكينا حقته مركب مكينة Type R جايبها من أمريكا عن طريق البحرين ....... ما شاء الله انا اشهد انه موتر قام على لومينا اس اس ...... لكن عيبها حد السرعة عند السيفك 200
وسمعت ان قوة المكينا تقريبا 280 حصان
تحياتي الحارة أخوي Type R

B18b وB18c وبعد تجيB18c1 وB18c5

speed انا بعد البحث المكثف وحتى اشتركت في منتدى اجنبي لتلغيم الهوندا
وانا اللي في راسي اني اجيب اقل من 12 ثانيه في الربع ميل.
واللي وصلت له ان اذا كانت السياره للاستخدام اليومي ركب عليها مكينة B18b او B18c او حتى B16 بس طبعا ال 18 افضل.
اذا كنت ناوي تخلي السياره حق ريس بس يعني دراق ركب مكينة ال H22 ولا تفكر في الكمبرسر والباور لان القطع حقتهم لازم تجي من بره,,
ال H22 يحتاج لها تعديل عشان تركب عليه تربو او شارجر اما ال B18 مايحتاج

بالنسبه لي انا لمن ركبت الشارجر كانت مكينتي مكبره من B16 الى B18 وهالكلام في اليابان والظاهر ان خوينا الياباني :) راعي السياره اللي خذت مكينتها ملغمها على الاااااااخر لاني مااحتجت افتح غطا المكينه واعدل فيها ولاشي. ومع هذا كانت مره نظيفه وحرقها ممتاز حيل. (( تلغيم ياباني مو مثلنا :)))

يعني اذا تبي راي وانت تقول بتلغم هاتشباك 92 يعني حالك حالي خذلك B18 واليوم انا بروح اسئل عن الاسعار وبردلكم خبر. وبسئل بعد عن التربو وانشالله بحاول الاقيه رخيص غصب,, انا اعرف واحد هنا يطلب تربوات حق امبريزا وايفو وبي ام بروحله اليوم وانشالله ارجع بسعر حلو.

اخوي جاسم بالنسبه لل 70 بانود حقتي اللي قلتها الظاهر انها حقت السيفيك يعني اذا ركبت المكينه على سيفك وانا كنت بالعكس لمن ركبت المكينه نزلت الوجهيه وكملت عليها انا بعد لين صار الفرق بين الارض واللحيه انش ونص بس كل هذا عشان اثبتها في الصفر.

وعلى الشيب هم اليوم بسئلك بس مااعتقد بلاقيه لحاله اكيد مع الكمبيوتر كامل بس بسئل وبشوف.

انشالله ارجع لكم في الليل بالاسعار اللي عندي وانشالله تكون محمسه

اخوي سبيد القطعه حقت الفتيك تكلم عنها TypeR وما قصر شرح عملها
وانا معاه انها ماتفيد الا بوجود الشارجر او التربو والقطعه من صناعة Jacson Racing. وبالنسبه للمكينه ماادري بقرر هالاسبوع ويمكن اردلك خبر مع ان السعر شوي غالي. وياليت تقولنا ايش يصير معاك اول باول ونتعاون مع بعض بالمعلومات.

حبيبي TypeR انا ركبت الشارجر من نوع Jacson Racing مستعمل يعني هذا اللي لقيته في وجهي واخذته من بيروت بقيمة 6000 ريال تقريبا وبعته بنفس السعر,, لانك تعرف هو غالي جديد مقارب لسعر التربو.

بالنسبه للاداء مع الشارجر والله شي خيالي مو طبيعي ,, انا بعت السياره وكراسي المكينه رايحه فيها بسبة الشارجر واخر ايامها لمن ادوس عليها المكينه تضرب بقوه واحس انها بتطلع من الكبوت.

الشارجر يعطيك حسب كلام الشركه حوالي 100 حصان واداءه جيد في القومه بس في الخط يخلي السياره تضعف, يعني مثلا كنت ادوس لين ال 245 تقريبا بعدين تبدا السرعه تنزل ما ترتفع. والبوست حقه حوالي 6 psi.

طبعا ميزته الوحيده انه ما يضر المكينه مثل التربو ولا يحتاج تعدل فيها عشان تركبه حسب علمي. وفيه له تطوير يطور ادائه بحوالي 20% من عدد الاحصنه.

وبالنسبه للبواجي اذا تبي اجيبلك معاي وانا راجع بعد حوالي شهر ونص اربع شمعات بلاتينيوم وهم حوالي 300 ريال.

أهلين DOHC

بالنسبة للمقطع أنا رفعت رجلي قبل ما تقطع السيارة بشوي لأني ما أطيق الحركة إللي تصير وقت ما يشتغل الـFuel Cut Off لأني لو كملت كان شفت المصور لزق في الزجاج الأمامي:):)

بالنسبة للـVTEC مثل ما قلت لك هو يشتغل عند 5200 RPM وهذا يعتبر مناسب على كامات السيارة الأصلية ، يعني لو أني مغير الكامات صحيح بينفعني سالفة تأخير أو تقديم تشغيل الـVTEC بس مع الكامات الأصلية فما تنفع وهذا الكلام بناءً على كلام المواقع الأجنبية لأنهم جربوا تغيير تشغيل الـVTEC على سيارة ستوك وعن طريق الداينو شافوا أن أفضل شيء هو تخليه على التوقيت الأصلي.

بالنسبة للتسارع من الصفر أنا تواجهني أكثر من مشكلة ، أولاً القير عند مش LSD ثانياً الكفرات نوعيتها سيئة فلذلك تلاقي الكفر دائماً يفحط ونوعهم بريدجستون B70 على الجنوط الأصلية.

والفلتر بشوف له حل وهو أكيد بقل البطارية للخلف وتركيب Cold Air Intake بس حيكون صناعة منزلية (هو في أحسن من طبخ البيت:):))

بس سالفة تخفيف وزن السيارة 70 رطل أنا ما فهمتها؟ بالمناسبة وزن الـH22a أخف من المكينة القديمة!! لأن مقدمة السيارة عندي الأن أرفع من قبل وبرضو لما شلت المكينة القديمة في البكب تبعي ، البكب نزل أكثر من مكينة الـH22a!!!


البواجي إللي مركبهم الأن هي NGK ZFR6F-11 نحاس (النوعية العادية) بينما إللي كانوا مركبين على المكينة هم NGK PZFR6F-11 بلاتينيوم ، ومع النحاس أداء السيارة تحسن شوي بسبب أن البلاتينوم كان مستهلكين على الأخر ، ليش ما ركبت بلاتينيوم؟

بعد بحث في كثير من مواقع الأنترنت المتخصصة في الهوندا الفرق الذي سألاحظه هو أن البلاتينيوم بيعيش معاي مدة أكبر من بواجي النحاس أما الأداء فلن يتغير بمجرد تغييرالبواجي ألا إذا ركبت MSD والـMSD ما بيكون له فائدة كبيرة إلا إذا على السيارة توربو أو سوبرتشارجر أما فلتر وأكزوست فما يستاهل أن الواحد يركب MSD.

على العموم أن أحتاج إني أتقن سواقة السيارة عدل وأن شاء الله بنحسن قومة السيارة من الـصفر.

بالنسبة للسكايلاين هي دخولها للسعودية ممنوع بسبب بسيط أنها ما تجي سكان يسار وأنت تعرف أن السيارة المحولة لسكان يسار ممنوع دخولها حتى لو كانت أيكو....

بس أنا شفت سكايلاين GTR R33 موجودة في القطيف سمعت أن صاحبها طارد وراها لغاية ما دخلها السعودية يعني لو عند معارف وواسطات فالشغلة ما بتكون مستحيلة.

ألحين أنا حاب أسمع عن السيفيك إللي كانت عندك ، عن السوبرشارجر إللي ركبته ، أنت ليش أخترت Jackson Racing بالذات؟ ليش ما ركبت Vortech؟ وهل أنت أخذته جديد وإلا مستعمل؟ ومن فين؟ كيف كان أداء السيارة بعد السوبرتشارجر؟

أنا إللي عاجبني في الـVortech أن الطقم تبعهم صاير أقرب للتوربو ، يعني الضاغط من فئة الـCentrifugal بعكس الـJackson Racing إللي الضاغط تبعه مشابه للكمومبريسور تبع مرسيديس والمسمى Root Type.

برضو الـVortech يجي معاه Aftercooler لذلك تحس أن الطقم صاير كأنه توربو مع المبرد هذا.

وعلى فكرة أنا ألحين أفكر في توربو ويمكن راح يكون Custom بس أنا ألحين قاعد أجمع معلومات كفاية....

أوووه صح ، أنا أبغى Chip بس ما أبغى كمبيوتر ولا أي شيء ثاني حتى الـSocket تبع التشيب بأمكاني أدبرها ، عندك حل؟

Speed
الجهاز هذا أسمه Apexi V-AFC VTEC Controller ، هذا الجهاز يقوم بالأتي:
(1)- تعديل كمية البنزين على مختلف سرعات دوران المحرك أو كمى يسمى بالـFuel Mapping.
(2)- يقوم بتغيير السرعة التي يشتغل عندها الـVTEC.
(3)- بأمكانك تستخدمه كأنه RPM رقمي ويقال أنه أدق من مؤشر الـRPM الموجود فى التابلوه.

على العموم الجهاز هذا لا يتم الأستفادة القصوى منه إلا بوجود الداينو.



محب المواتر

السيارة تجيب أكثر من 190 كلم/ساعة لكن كمبيوتر السيارة مبرمج على انه يقطع البنزين عند الوصول إلى هذه السرعة.

في مقطع الفيديو أنا وصلت إلى سرعة 185 كلم/ساعة على الغيار الرابع يعني لسه عندي مجال على الغيار الخامس.

مشكور عالموضوع...........

بس ما تلاحظ ان 190 كلم/س قليل شوي؟؟؟

ان في h22a قير عادي مع الضفيرة والكمبيوترللبيع عند واحد راعي ورشة
ب4500ريال وش رايك بسعرها لو في دبي احصل ارخص

صحيح في قطعة الي قلت عنها في انها تشغل الفتك من RPM2500 واحنا راح نشتري سيفك92 هاتشباك وناوين نلغمها الصراحة

اي صح نسيت اقولك :)

انا متاكد ميه بالميه انك مراح توقف عند هالحد وانشالله اذكرك :) مشكلة الفيتيك يحمس كثير ودايم تبي منه اكثر.

وشفت فتحة الفيتك شلون حلوه :) هذه لمن تركب الشارجر ويفتح الفتك راح تشوف نفسك لاصق في السيت :) يعني احلى من كذا شعور ماكو.

بالتوفيق انشالله