العمر الافتراضي للسيارات (( دعوة للنقاش ))

7 سنوات اعتقد افضل شي

يعطيك العافيه موضوع شيق و ممتاز و نستفيد منه

بنسبه لي شخصيا تعتمد
اذا كنت شاري السياره وكاله
الممشى لايهم
على سبيل المثال بعد مرور 7 سنوات على سيارتي تبدأ بالاخذ و تحس انها شيبت و شكلها الخارجي بالخصوص الصبغ بدأ يتداعى و يسوء
لاكن اذا كانت اغير القطع الاستهلاكيه الضروريه مالمانع بان تبقى لتكمل 9 او 10 سنوات وانا على علم انها متهالكه لاكن راح اخليها تخدمني
في حال شراء سياره مستعمله
مهم جدا الممشى اكثر من عمر السياره
و غالبا مايكون عمر المستخدم اقل من اللي شاريه وكاله



لذلك برأيي عمر السياره من المترض ان لا يقل عن 5 سنوات ولا يزيد عن 10

شوف الغالي انا اعرف ناس من بعد سنتين من طلع السيارة من الوكالة بدت عنده مشاكل في البريك او القير

وأعرف ناس السيارة بدت تطلب بعد 5 سنوات

وأعرف ناس عندهم سيارة عاشت عندهم 13 سنة ما أطلبة إلا قطع استهلاكية وطرمبت بنزين (( فيول بامب ))

عمر السيارة في نظري يعتمد على صاحب السيارة في المقام الأول كيف يستعملها هل هو مهمل للصيانة الضرورية هل يركب قطع أصلية هل يغير القطع في وقتها ،، هل يعرف سيارته إذا تغير مشيها او قل عزمها هل يلاحظ هذي الأمور ؟؟؟؟

كل هذا وأكثر يعتمد على صاحب السيارة ومعرفته بالإستعمال الصحيح لها

لكن أغلب الأسباب إلي تخلي الناس تغير سياراتها هو الملل او التشبع من السيارة (( ابغي أغير )) والقليل إلي يغير سيارته للضرورة !!!!

يسلمووووووو على الموضوع يا بطل

برايي :
يربط الموضوع بالعداد والكيلومترات اللتي قطعتها السيارة
وايضا بالسنوات التي قضتها السيارة منذ خروجها من المصنع .

في رأيي انه على حسب ضمان الوكيل او المصنع تكون طلباتها استهلاكيه بعدها تحتاج تغيير وتوضيب مثلاً :

3 سنوات او 100 الف أيهم يسبق أولاً
5 سنوات او 200 الف أيهم يسبق أولاً

بالأضافة الى جودة الصانع واستخدام المستهلك

السلام عليكم

بأختصار شديد عمر السياره يعتمد على الامور التاليه

1- القياده الواعيه
2- الصيانه حسب تعليمات الصانع
3- فحص الزيت و المبرد اسبوعيا . او في حاله ملاحظه اي شي غير طبيعي في السياره
4- تغيير اطارات السياره كل سنتين او في حاله ملاحظه اهترائها

في رئى الشخصي انه اي شخص يعتني بسيارته بالاسلوب اعلاه سوف تعيش السياره لديه 10 سنوات و تكون طلباتها استهلاكيه فقط.

انا صوتي١٥ سنه او٤٥٠ الف كم

وعليكم السلام ورحمة الله وبركاته

مع شوارعنا التي تزداد صيانة يوماً بعد يومياً ونعومةً شهراً بعد شهر ..
السيارات إذا عاشت معك 5 سنوات ممتاز

أول سيارة إمتلكتها عاشت 11 سنة، ما شاء الله من أيام دراسة متوسطة، ثانوية،
جامعة، عمل، زواج .. وعلى وشك يصل المولود الأول ما شاء الله وبعتها عام 2006م
ماشيه 385 ألف :)
لكن الآن أشك أن السيارات تصمد لهكذا أرقام خصوصاً مع الشوارع الممتازة :)

شوف السياره تشتريها جديد تجلس معك 5 سنوات زي الحلاوه بعدها تبداء الخربات ووو الي اخ
بس العمر الحقيقي للسياره 7 سنوات الوالد موتره 2003 ولا هو علي يده طبعا من 2010 وهي من خراب ل خراب

السيارات الحديثة اذا استعمالك عادي ومعتدل وتهتم بصيانتها اتوقع اقل شي تدوم معاك 20 سنة وانت مرتاح الا اذا كانت جودتها سيئة

تم التصويت 300 الف تقبل مروري

اخوي اشككرك ع موضوعك

واعتقد بالشيء الاول علئ حسسب استخدام السياره

ونا اشوف الياباني هو الأأككثر صبرر

10 سسنوات عشان الياباني:wink:

غالبآ تبدى بعد 100 كيلو تبدى خرابات واستهبال السياره

يبغالها تصفيه مكينه وكمبريسر وشوية قطع استهلاكيه مثل اقمشه وغيره

ومالها عمر افتراضي ذيك الدرجه شوف سيارات قديمه الى الحين عايشه

المهم هو انك لما تكون معك سياره لازم تكون محافظ عليها

قطع غيار اشتر الاصلي دائمآ حافظ على سيارتك قدر المستطاع

وابعد عن محلات الي برى قد ماتقدر لآنه يبيعون قطع غيار مغشوش

لاترمي سيارتك في اي محل يتعلم عليها ودها محل مختص وحريف وهذي نادر جدآ تلاقيها عندنا

وغيرها كثير من نصايح

شي طبيعي انك لما تستخدم سياره كثير تحتاج قطع غيار وميزانيه على حسب قيمة سياره

يعني واحد معه سياره حول 100 الف

شي طبيعي انه يبيله يجهز دراهمه حول 10 الاف لكفرات واقمشه وغيره من قطع

تم التصويت ~
في حدود ال 10 سنوات او 200 الف كيلومتر
^
بس انا اقول بعد 300 الف تبدا السياره تطلب
وكذا الافضل بيعها ~

انا اخوي لديه فورد موديل 98

شراه مستعمل بس إستيراد إمريكي

شراه قبل 7 سنوات

وكان ماشي 90 الف

حاليا الفورد ماشي 450 الف

بس ماعمره غير فيه شيء غير اقمشه للفرامل فقط


بس حاليا صراحه خلال الشهر هذا الي طاف

بدت المشاكل تطلع

بسبب شخص طلع معه بسياره والظاهر كانت عينه حارهـ


فبدت مشاكل علبة الدركسون والأذرعه والمقصات وزيت من علبة السيفون يطلع ..!!

وزيت حول الميكنه يطلع ..!


فصراحه وقفها على طول

وشراله يارس جديدهـ

بس اخوي صراحه من النوع الي متوسط مايهتم كثير بسياره ولا يهملها كثير

بس من ناحية صيانه ماعمره طب صيانه ولا عمره سوا شيء غير بنشر يغير زيت فقط ..!!

ايه صح نسيت

اخوي الي معه مو فورد لا كراند ماركيز بس مافيني اروح اعدل المشاركه كل الي فيها من فورد إلى كراند ماركيز هههههههههههههه

يعتمد على الاتي :


1- نوع السيارة
2-الصيانة الدورية للسيارة
3-الاستعمال والقيادة السليمة

انا اشوف انه حد مكينة السياره خمس سنوات مع ممشى فوق 300الف اما السياره ككل اعتقد عملرع ثلاث سنوات هذا الكلا بنسبه لي لاني ما احب السياره اداء يختلف وتزيد طلباتها وتاخذ من وقتي فقط في الاصلاح ويعطيك على الموضوع الجميل