Mustang Gt 2010 OR Camaro SS 2010

theci @user_206699 · 17-01-2010

شباب أبغى مساعدتكم في اختيار السيارة
ابغى سيارة تتحمل الخطوط الطويلة " 1000كم " أسبوعيا
محتار بين الموستنج والكمارو

بو العابد @user_15343 · 18-01-2010

نصيحتي لك لاتشتري سيارة رياضية إذا كنت راعي خطوط ترى ماتصلح
خذ لك سيارة ثانية حق المشاوير وخذ سبورة كويس مو جديد حق خميس وجمعة وانت قلت السرعة ماتهمك

بالتوفيق

كرايسلر 300c @user_206646 · 17-01-2010

خذ الكمارو شكله ممتازة اماعن استعماله لااعلم

The GodFather @user_100853 · 17-01-2010

والله انا اشوف انه الكميرو افض من الموستينج واقوى منها ومن ناحية الجودة فا كلهم متقاربات بحكم ان شيفروليه وفورد اجود السيارات الأمريكية من ناحية تصنيع وتوفر قطع الغيار ورخصها مقارنة بالأخريات.... عموما هذا رأى شخصي

أبو عقارب @user_52217 · 17-01-2010

..

والله شف الكـومــارو من رأيي أفضــل .. !
شكـل + قوة + هيبـة .. الكـومـارو أفضــل ..

لكـن دام إنك ما لك في السرعة .. وراعي مشاوير ..
أنا أقولك .. خذ الموستنج .. :)
فورد بصـفة عـامة حقت كرف .. ! , وصيـانتهـا أخف من صيانة شفرولية ..

اللي يبى الكومارو .. يصبر عليهـا .. بتصرف من جيبه أكثر ..
وأولهـا الكفـرات .. مقـاس 20 .. يعني 6 ألاف ريـال مع كل طقم .. *_*

انصحك بالموستنج , إذا ما همك المظهر والقوة
وإذا ربي منعم عليك .. وجيبك مفتـوح :D ..

Peace

..

بي تي كروزر @user_202863 Banned · 17-01-2010

1000 كلم في الاسبوع؟؟؟؟؟
انا اخالفك الراي .... لاتشتري سياره رياضه اذا هذي طريقتك كل يوم خطوط
راح تنعدم عندك السياره وانت تعرف الاجواء عندنا ماشاء الله حراره 50 درجه فقط في الصيف والغبار 24 ساعه كمان
وراح تخسر فلوس ع الفاضي
كومارو + موستانق هذي سيارات حق ويك اند وتتمشى بللتحليه تروح عليها المول تكشخ مع صحابك تروح للبحر يعني حق كشخه وبس وتتدلع بيها عند الدانوب التحليه...
اوما انك تمسكها خطوط كل يوم ف ماتصلح ابدا ولازم تغيير رايك واحسن لك تاخذ سياره حق استعمال يومي مثل كامري او هوندا او لومينا حجاه زي كذا
مجرد راي فقط
انا عندي z4 ولا مره طلعت بيها جنوب جده تصدق؟؟ بس استعملها بشمال ودايم موقفها في البيت

O.Almazroo3y @user_199029 · 17-01-2010

الموستينج ..شوف كيف موجود في الشوارع وقوته للآن موجودة

والكيمرو شكله صراحة رهيب خارجيا

والقرار يرجعلك

theci @user_206699 صاحب الموضوع · 17-01-2010

شكرا على ردودكم ونصائحكم
لكن انا ابغى السيارة الي تعيش اكثر وتستحمل الخطوط الطويلة وتكون قطع غيارها متوفرة وأسعار الصيانة ممتازة

السرعة ما تهمني بقدر كفاءة السيارة على التحمل

TheEYE @user_176366 · 17-01-2010

طيب يا أخي ما دام ميزانيتك ما شاء الله ممتازة ليش ما تاخذلك موستينق شولبي

أطلق من الكمارو والجي تي ؟؟

Cefiro @user_19734 · 17-01-2010

موستنغ 2011 محرك جديد 5 لتر وفوق ال400 حصان وقير جديد 6 نمر
طبعا هو اخف من الكمارو وزن يعني راح يكون طلقة

REDLION @user_125880 · 17-01-2010

اتمنى اقدر افيدك بالمعلومات الي عندي

لو خيرت بين السيارتين راح اخذ ( الموستنج ) بدون تفكير

1- الكامارو :

الايجابيات :
شكل جميل ورياضي
قوة وتسارع عالي من 0-100 خلال 4،7 ثانية
جديدة على السوق

السلبيات :
الداخلية جدا سيئة وتصميم اقل من عادي
مجال الرؤية عند القيادة صعب شوي

2- الموستنج :

الايجابيات :
شكل *تم تعديله
الداخلية فاخرة
وغير نظامها الصوتي من ( سوني )
والوان العداد المتغيرة
تسارعها من 0-100 خلال تقريبا 5 ثواني

السلبيات :
ما اضن فيها سلبية واضحة ولكن اضن المساحة الخلفية لا تذكر

والاسعار كالتالي : ( تقريبا )

الكامارو : 170 الف ريال
الموستنج : 150 الف ريال

ولا تنسى الخيار لك في انك تروح المعرض وتسال عنها وتشوفها على الحقيقة
وايضا تركب السيارة وتطلع على كل المعلومات

وبالتوفيق