طبعي الجميع عارف نضام ال ABS وهو ممتاز جدا في المدينه
ولاكن في النفود الكلام غير بلعكس يصبح سلبي على السياره لائنك لما تمسك فرامل مايمسك معك بالشكل المطلوب وخاصه اذا كنت نازل مع نفود طويل او شي من ها القبيل يضعك في موقف حرج واكيد الاغلبيه عارفين هاذا الشي
وانا حصل لى مره موقف وهو كنت طالع من مكان تجمع تطعيس وفي التحديد ام حزم المهم فجئه طلعت قدامي سياره مسكت فرامل لاكن ما اسمع غير صوت قرقرقر الى هو الABS لاكن الحمدلله ماصدمت باقي كم سم ونصير بخبر كان لاكن الحمدلله عدت بسلامه بعدها بديت كل مادخلت النفود افتح الكبوت وفصل كتاوت الABS وارتاح ثم لانتهيت ارجعه صح متعبه بس امنه
بعدها قلت لازم احط فاصل يريحني من عنا فتح الكبوت وتسكيره ثم ترجيع الكتاوت مكانه
دورت كهربائي فاهم بها الشغلات وتعبت في البحث لائني ماودي اشتغل عند ابو بنقلا يلعب بحسبة السياره اخير لقيت سعودي شباب وماشالله عليه لاتعليق في الشغل الصراحه يعني تشتغل وانت مرتاح فعرضت عليه الفكره وسوها بكل اتقان الحمدلله وجربتها والامور ماشيه عال العال
وقام بتركيب فيز بحيث لو حصل التماس لا قدر الله
وهاذي الصور تحكي طريقه العمل
هاذا الكتاوت واضح وجود الفيز
هاذا مدخل السلك الى داخل السياره
هاذا السلك الطالع من الكتاوت ملفوف على ضفيرة السياره لاجل ادخاله من جهة السواق
من داخل السياره واضح مدخل السلك
وهاذا الفاصل المحدد مختار بشكل راقي لاكي يناسب الديكور ومايكون شكله غلط
وهاذا مقطع فديو يبين العمليه والسياره تمشي
http://www.youtube.com/watch?v=aWk8gz0IOCE
وفي الختام اتنمي ان اكون وفقت في هاذا العمل وكلشي واضح
واي واحد يبغي يشتغل عند ها الشخص يرسلي خاص
تحياتي للجميع
