تجمع ملاك نيسان التيما الموديلات القديمة 1991 .. تفضلوا حياكم

KlNG @user_92225 · 20-01-2010

السلام عليكم و رحمة الله و بركاته

.
.

كيف لنا نحن ملاك التيما 90

لا نضع موضوع يجمع مشاكلنا و حلولها و تجاربنا ؟؟

السيارة الوحيدة التي اثبت جدارتها امام السيارات في القوة و الشكل و الهيبة الى يومنا هذا

راح احط لكم شوية صور

هذي صورة لها في فيلم Sonatine

عام 1993

صور اخرى

يوجد المزيد المزيد من الصور

و هذي صور من موضوع مقارنات شكل الالتيما

يا ليت كل من يملك مثل السيارة الرائعة ان يشاركنا في هذا الموضوع

...

اولا بالنسبة لسيارتي فمواصفاتها كالتالي :

التيما 1991
6 سلندر
جير عادي
المكينة 2.4
اللون : رمادي

المشكلة الكبيرة و المعروفة في التيما :

القزوز

مصيرك تغيرها بعد فترة

مشاكل اعاني منها حاليا :

البواجي رايحه فيها ( تم شراء 6 بوجيات ب 70 ريال اصلية يابانية )
اسلاك البواجي منتهية ( و تم شرائها هي و السيور ب 350 ريال اصلية يابانية )
السيور ( و تم شرائها هي و و اسلاك البواجي ب 350 ريال اصلية يابانية )
القزوز
الاقمشة ( تم شرائها بس ناسي بكم )

قريبا :

تركيب قطع الغيارات + صبغ السيارة من جديد + تركيب جنوط جديدة

سيارات تقاومت معها :

ابيكا 2009 ستة سلندر
جيب ربع نسيان مكينة 4500 موديل 2003 مركب هدرز
جمس 1995

قمت عليهم اكيد :)

في انتظار البقية و ارائهم و اسئلتهم

H-KYD @user_76343 · 08-01-2013

صح من افضل السيارات اليابانية في السوق المحلي سابقا
وعندنا وحدة gts-r موديل 92 لاكن جار عليها الزمن ومتعبة اخوي بصرفية البنزين والاداء لازال محرك الL يعطيييييييك

vector @user_39432 · 07-01-2013

اذا فيه احد متابع الموضوع:bigggrin:

تم تغيير عمود الدوران والمقصات الاماميه وجلد المقصات الخلفيه وجلد الكمر الخلفي فصلتها تفصيل لانه مافيه في محلات قطع الغيار
الكربريتر غيرته بواحد من التشليح
المساعدات واليايات غيرتها والبواجي كذلك

يبيلها الان طرمبه بور ودوده للدريكسون

ويبيلها جنوط وكفرات ويبيلها تغيير اسلاك بواجي وبويبينه وبليتين والمروحه الكبيره منشعره يبيلها تغيير وفيه صوت بالكلتش مدري منه ولا من رمانات القير

بس هذي الخطه حاليا

مع اني متحسف اغيرها بما اني بغير المكينه مستقبلا الى ار بي او تو جي

Abo Saeed11 @user_287124 · 29-12-2012

لبى قلبها ..:wink:
عندنا واحدة م89
الوالد رافض يبيعها
طبيعا السليم فيها المكينة والقير والدفرنس وشوية حاجات بس ..:smilie20:
وماشية أكثر من 450 ألف
والحمدلله المكينة + القير نظيف ..
الرابع أوصل عليه 184 كلم / س
ماشاء الله
ودلوقتي مستانسين قير الجينيس ال8 سرعات الرابع يوصل 185 ..! :a1120(121):

vector @user_39432 · 28-12-2012

السلام عليكم ورحمة الله وبركاته

الحمد لله اني لقيت موضوع للالتيما القديمه ويوفر كتابه موضوع جديد:xyxthumbs:

انا اشتريت التيما موديل 89 واللي راح تكون مشروعي باذن الله

السياره اللي اشتريتها كسره بمعنى الكلمه كل شي فيها تقريبا خربان

ثاني يوم من اشتريتها انكسر عمود الدوران وغيرته

اللحين يبغالي مقصات وطرمبه بور ومساعدات ويايات

المساعدات واليايات لقيت ياباني لكن اصلي مافيه

طرمبه البور جديده ب850 مدري تنصحون اشتري جديد ولا تشليح

المقصات مادورت الصراحه

المهم بشكل عام السياره يبغالها تجديد كااااااامل مافيها شي صاحي الا المكينه والقير والدفرنش

وين احصل لها قطع؟ هل فيه محل معين او تشليح معين تنصحون فيه؟

مكاني بالشرقيه

وماننحرم من نصايحكم في اي شي يخص السياره من ناحيه التعديل والقطع وكل شي

بانتظاركم اخواني

أبو معاذ 2006 @user_68217 · 17-01-2011

ههههههههههه ولد خالي عنده التيما 92 ومراضي يتخلى عنهــا مع انه كبير في السن ويملك لاندكروزر جديد بس الالتيما ما قدر يتخلى عنها
وأنا أشوفها مع فلبينـــــــــــــــو في الرياض واجد وتلاحظهم مضبطينها تضبيط صح جنووووووط وحركات ههههههههههههههههههه :bigggrin:

ولا تنسون بعد الــ200L ترى صااااااار لها عز ياهي قويه وفيها تقنية ( مفتاح السيارة في مكان خطير ) ههههههههه ياخي ماهم سهلين نيسان حتى مهتمين باللغة العربية في سيارتهم يعني محترمين ثقافتنا ماهو مثل بعض الوكالات الثانية سلم لي على كارلوس غصـــن :ch19:

(fawaz) @user_107618 · 16-01-2011

^^^^^^^^^^^^^^
خخخخخخخخخ دائما نيسان في المقدمة مع اني كنت اموت في شي اسمه grandr g
لاكن الالتيما غير تعطيها يالبى قلبها

H-KYD @user_76343 · 16-01-2011

GTS-R طلعها الوالد فل كامل وصرنا نار على علم الله يرحم زيك الايام اما الحين ماقد شف وحدة سليمة بس حقين الكامري اول ماطلعت والجراندي يعرفون وش كانت تسوي فيهم..........

حاكم الظلام @user_172306 · 14-01-2011

ايه ياالتيما عني موديل 91 سماوي لونها فل كامل 6 سلندر

سيد كمارو @user_207052 · 13-01-2011

ياسلام سلم والله
اني من اشد المعجبين بالموديل
الي من جد يذكرني باسكايلان 94
بس يبغاله ار بي 20 وطير
الله يعطيك العافيه والى الامام
يابطل سلام:smile:

ب ب ح 6365 @user_223622 · 24-05-2010

الله يعطيك كل خير

ب ب ح 6365 @user_223622 · 24-05-2010

مشكور اخوي

cityboys911 @user_75748 · 13-03-2010

السلام وعليكم
ترا يا شبا انا مركب مكينهRB26 والسياره رائعه وفيها متعه في القياده احسن من السيارات الجديده

مسيرة حبي @user_132476 · 28-02-2010

ياكثر الفلبينين بالرياض معاهم التيما

بس محافظين عليها

مو مثل السعودين كارشها كرش والاهتمام اعطيه 1من 100

ميلك شيك @user_159850 · 28-02-2010

تصدق يوم شفت اول صوره تذكرت جدي الثالث
اللي يصير جد جدي

أسد المركز @user_19012 · 23-02-2010

S

STJNIN

إنا بعد هذي السيارة صعب ترضيني سيارة

تحياتي
التيما& كيفرو
ALTIMA &CEFIRO
1993 سيارتي الغالية
وهذي صورتها

ما شا ء الله عليها بس يبيلها تظبيط شوي ,, :wink:

STJNIN @user_77419 · 26-01-2010

إنا بعد هذي السيارة صعب ترضيني سيارة

تحياتي
التيما& كيفرو
ALTIMA &CEFIRO
1993 سيارتي الغالية
وهذي صورتها

نــــاصــــر @user_207787 · 24-01-2010

أيآمـ يـ ألتيما ... :smilie20:

أبو العـــــز @user_90026 · 24-01-2010

الاتيما خصوصا 94 كلام ثاني صراحة اذا جتك فل كامل وكشافات بلون اصفر

شكل خقق صراحة

وبالنسبة للفتحة ههههه اذكر او مانزلت بفتحة قزاز الناس متهوله منها لان وقتها اغلب السيارت ومن ضمنها الكرسيدا قراندي فتحتها حديد

عز وعزم وطبلونها سلام سلام تجيبه طبعا مكتوب 200 وهي تنزل لل220 براحة

أسد المركز @user_19012 · 23-01-2010

وللعلم الألتيما في اليابان نزلت بمحرك ثالث ألهو rb20 DET

.,., والصراحة عورت القلب ,,

سلامي .. أسد المركز