سعر الباترول 2010 من وكاله المسعود

والله جبتها صحيح ... والدليل على ذلك شوفو اسعار السيارات اللي ماتستاهل سعرها كم وصلت .... هذي سياسة نصب متفقين عليها الوكالات كلها!

السعر غالي وإن كانت مدججة بكافة وسائل التكنولوجيا مثلها مثل الكروزر والبرادو..! ياخي أرغب في التقنية ولكن بسعر معقول وفي المتناول.. لم ترتفع الرواتب لدينا بنفس نسبة إرتفاع أسعار هذه السيارات.

نحتاج إلى نشر وعي ثقافة الشراء بشكل ضروري..

كلام سليم انا احد مئيديك

جنـــون كالعــــادة

ايه انا قصدي الله يخلي لنـــــا الشكل الحالي ، ما ودي يتغير نهائيااا لو ردت لي :xyxthumbs:

يابلاش !!! يازين الرخص :a1120(82):

كل يتمنى ان السعر يكون رخيص

لكن اذا جاء البرادو الفرخ فل كامل ب 195000 ريال والليكزس برادو 270000 ريال
اجل وش نقول في حالة الباترول معقولة سياره كبيرة ومكينة بعد كبيرة ويبونها ارخص من البرادو والله حالة
الشركة تبني سعرها بناء على معطيات كثيرة مثل سعر الين في اليابان بالذات لان الدولار الشين لعبوا به الامريكان وضربوا به السلع التي تصدر الى امريكا حتى يصير المنتج الامريكي من اي شيء ارخص من اي منتج مصنع في اليابان او اروبا
ولهذا تستغرب اذا قلت لك ان المكسيما لوصنعت في اليابان لكان سعرها 140000 او اكثر بعد وعشان كذا هربت تويوتا ونيسان وهوندا ببعض موديلاتها من اليابان حتى ان الددسن والهلقس تصنع في تايلند بسبب تاثر العملة اليابانية بمشكلة الشين قليل البركة
وماودنا ندخل في السياسة والا دول الخليج تدعم الدولار الزفت هذا وتخسر عشان يكسب ومنطق القوة يتحدث دائما ليس الا

اخوي نيساني كلامك جميل

وشكل الانفنيتي بيطلع حلو مرررره

ومن ناحية الليكزس فالان ظهر له منافس حقيقي من ناحية الحجم والمحرك والعزم والفخامة
مع اني اعتقد ان بصمة الانفنيتي بتكون واضحة ومحل اعجاب من الجميع ولايهون الليكزس

عموماً ننتظر الباترول واخوه الكيو اكس

اتوقع 247 الف للفل كامل

والله انا مو علشان تبرير الاسعار
انا اتمنى تكون اقل فئة في حدود 150 الف بس شي غير متوقع بوجود محرك ثمان اسطوانات .. لو كانت سته ممكن

لكن لاتنسون ان الشي كل مايتطور يزيد سعره والباترول انتقل من كونه سياره عاديه مثله مثل الاكستيرا الي مابيه اي تقنيات الى سيارة تفوق بتقنياتها لكزس lx570 بمراحل

الناس تقول ليش قاصين علينا وخادعينا وليش مستصغرين من حجمنا يجيبون للاوروبيين والامريكان سيارات كلها تقنيات واحنا يلحسونا بسيارات مافيها شي حدها دركسون وكفر! ولما يجيبون لهم السيارات مع التقينات حالهم حال العالم قالوا غالي!! انزين تبون السياره بالمواصفات وبدونها بنفس السعر؟؟! معقوله يعني!!

اتذكر هنا بالمنتدى شفت موضوع حول الماكسيما الجديده قبل نزولها للسوق البعض يقول ان شاء الله يكون سعرها 60 الف للفل!!!! يعني هذا منطق!!!!!! ولما نزلت بسعر 97 ألف الى 125 الف قالوا غاليه ونار وماتستاهل واول كان السعر 60 الف ستاندر و93 الف فل!!! بالله هذا منطق

ياخي الماكسيما الجديده الستاندر مواصفاتها وفخامتها افضل من الماكسيما السابقه الفل كامل شلون تبون الاسعار نفسها!!!

ياخوان الماكسيما بنفس المواصفات الي تنباع بها عندنا في امريكا سعرها 145 الف وهنا 125 ألف ومب راضين
يقولك ليش ارتفع السعر والموديل القديم كان رخيص!! انزين الحين السياره افضل مواصفات وفخامه وشكل حتى من الافالون وتنافس اللكزس es شلون تبون سعرها 60 ألف!!! ياخي حتى السوناتا سعرها فوق 70 ألف شلون تبون الماكسيما 60 ألف!!

هذا كمثال

مشكلة الناس ماتنظر للسياره كشيئ مختلف عن السابق، يبونها قبل والحين بنفس السعر ويبونها بأعلى المواصفات!! انزين شلون يخلون لكم مواصفات اذا انتوا ترفضون رفع الاسعار بالمقابل وليش تتحججون اذا ماخلوا لكم مواصفات مثل العالم؟؟

وعموماً من يبي سياره عائليه يروح للارمادا سعرها ارخص واوسع ومن يبي سيارة بر وشبابيه يروح للاكستيرا رخصيه ومافيها مواصفات
ومن يبي الباترول بيلاقيه

ومن يبي سيدان ومايقدر عالماكسيما يروح للالتيما وكل من يمد رجله على قد لحافه

عموماً السياره تجي بعدة فئات وكل فئة فيها مواصفات افضل من الموديل السابق واذا نزل موديل بأقل من 200 ألف او بحدود 170 ألف او 180 ألف فالي يبي ياخذ باترول ياخذه ويعتبره مثل السعر القديم تقريباً

وخلوا الفئات الثانيه حق الي يبيهم وانتوا اخذوا الرخيص منها وبالاخير انتوا مستفيدين لأنكم حصلتوا باترول افضل من الموديل القديم بالمواصفات بسعر مقارب تقريباً

لأن اعلى فئة في الباترول الحالي لاتوزاي مواصفاتها مواصفات الباترول الجديد اقل فئة

التصحيح الاملائي او الخطأ الاملائي هو خطأ في اللغة وخطأ في اصل الكتابة او خطأ غير مقصود كأن اريد ان اكتب جمل فأكتبها حمل وليس خطأ في المعلومه نفسها .. وفي موضعنا هذا يكون خطأ معلوماتي لاخطأ املائي

وعلى العموم انا قلت حوالي يعني ليست ارقام دقيقة بالضبط بل قريبة من الارقام الحقيقية، ولتصحيح معلوماتك ولأننا نتكلم عن الاسعار لدينا والسيارات لدينا في منطقة الخليج فإن قوة لكزس lx570 بالضبط هي 362 حصان وهي اقل حتى مما انا ذكرته وانما 381 حصان هي القوة في النوع المخصص للسوق الامريكي

كذلك البرادو المفخم قلت سعره أكثر من 250 ألف وشكراً لك على وضع السعر النهائي

الله يرخص سلع المسلمين عامة
ثم فيه تصحيح املائي فقط
محرك الليكزس 381 حصان
بينما البرادو ليكزس سعره 270 الف ريال سعودي
نرجع للموضوع
الباترول قريبه اخباره
وان شاء الله تكون الاسعار غير صحيحة وتصير اقل
ومرة ثانية
الله يرخص سلع المسلمين

سعر مبالغ فيه برضو أزود وأخذ جيب لكزس ولا النيسان مع أحترامي له يعني لو سعره 200 الف قلنا حقه وهو الوسط بفئته. سلملي على سعر اللاند والله ظالمينه

الاسعار شكلها بتووووووووووووووووووولع عام 2010


وشكرا لك

الياباني أسعاره في إرتفاع و الجودة تقل
الكوري أسعاره في ارتفاع و الجودة في ارتفااااع
والامريكي سعره ثابت نسبيا و الجودة ثابته نسبيا
والالماني سعره ثابت و يقل في احيان و الجودة نفسها

بكذا الياباني قريبا خارج المنافسة

والله لن اتكلم لين اشوف الشكل والمواصفات
رجاء لانستعجل
تحياتي

ياخوي حرام عليك بالله فرحان بلاسعار هذى
يا اخي فيه ناس ودها تركب جيب زيك وتروح البر وتطلع كشتات زيك
تروح بعايلتها الطعوس وموتر يشيل اولاده بس ماهو قادر
اذا الله معطيك غيرك ماعنده ونت مويد السعر هذا
انا ودي اشتريه بس على قد حالي :smilie20:وفيه ناس كثير زيي
لاحول والا قوه الا بالله