استفسار عن سزوكي ساموراي

راس مكينة بـ 3000 ريال :confused1::confused1::confused1:

ياخوي بنفس هذه القيمة تشتري لك مكينة فيتارا وتركبها عليها بكل سهولة. لكن لازم تشتري أو تفصل محول صغير وبسيط جداً حتى يركب عليها.

المشكلة أن الكشف نادر جداً جداً عندنا، مالك إلا تروح البحرين أو قطر حتى تشتري واحد كشف.

لو لقيت 98 بـ 10500 فأنا أشوف سعره مناسب جداً، لأنه يجي يايات وليس سست ويكون أريح بكثير وممشاه أقل. بس يكون ساموراي وليس جمني، الساموراي أفضل بكثير.

دركسيون هوا ممكن تولف له، في أمريكا يركبون عليها هيدروليك الدركسون من الفيتارا أو من تويوتا بيك أب (هايلكس عندنا) موديلات قديمة، لكنهم يركبونها مكان كمبرسر المكيف، وهذه هي المشكلة. يعني لازم تستغني عن المكيف.

المكينة في الموديلات الجديدة (95 وطالع) صار بخاخات والموديلات القديمة كربريتر. القير من 88 وطالع خمس سرعات وليس أربع. الدبل كله واحد في جميع الساموراي، الخفيف والخلفي فيه نسبة تخفيض 1.3:1، والثقيل 2.1:1.

نصيحتي إذا لقيت كشف حاول تاخذه كشف، تصير السيارة فلة بمعنى الكلمة. فيه واحد أشوفه واقف من شهور عديدة في حي صلاح الدين في الرياض، عند طريق الملك عبد الله قبل إلكترو، كشف بسقف فايبر؛ حاولت أوصل لصاحبها عدة مرات بدون فايدة. لو قدرت تحصل عليها وتصلحها وتعدلها يكون جيد.