تعالوا انصفوها (( السوناتا ))

بسم الله الرحمن الرحيم
والصلاة والسلام على أشرف الأنبياء والمرسلين نبينا محمد وعلى آله وصحبه أجمعين وبعد :
كيف الحال يا إخوان ؟؟؟
تقريبا من يومين في هالمنتدى وفي هالقسم تحديدا كان فيه احد المواضيع المتعلقة بخصوص السوناتا
طبعا ما شاء الله الموضوع راح كله سب في سب في السوناتا
وكانت المشكلة هي ان احد الاعضاء يشكي من صوت في القير بعد مرحلة 40000 كم
وجا كم عضو وايده وخاصة هناك عضو على ما اعتقد 30000 كم وايضا يشكي من صوت القير
بداية ايش هو صوت القير
ثانيا . هل له علاقة بالفعل بالزيت حق القير
لانهم يقولون السوناتا تبترونيك فزيتها يبيله تبديل كل فترة وعلى ما اعتقد هي 25000كم
فهل يا ترى سبب هالصوت تاخرهم في تغيير زيت القير ام انه خراب
ترى بدت ثقتي تهتز في هالسيارة ولا تنسون اني جربتها من الوكالة ومشيت فيها 4000كم تقريبا
ثم بعتها وكان موديلها 2010
والحين مثل ما افكر ناوي الجديدة وصراحة هالشي يخوف
يعني ياليت لو واحد جرب السيارة ومشى فيها مسافات طويلة 40000 كم واكثر يحكيلنا عنها
فكل الي طالبه منكم الانصاف من غير تحيز للكوري او لغير الكوري
والسوناتا هي مزاجي من السيارات السيدان يعني افضلها اكثرمن الكامري وتقريبا مع الاكورد
لكن ايضا تعرفون شوية المشاكل الي في الاكورد
هذا والله اعلم وصلى الله على نبينا محمد وعلى اله وصحبه وسلم
اسف على الاطالة