دعوه للنقاش بخصوص سبب شرائك للسيارات الفارهه او الغالية؟!!

انا اشوف
في ناس تشتري الغالي عنده فلوس لليل
فيناس من الفئة المتوسطة ويبي شي ريحة من ناحيت الراحة سهولة القيادة الصيانة فما يشتري مستعمل
في ناس تشتري الغالي نفسه فيه يعني يهواها والفلوس موجودة
في ناس يشتري المستعمل وهاذا 100% عشان الكشخة لانها مح تريحة يعني لو خرب شي
رح ينكب
يعني اذا ماكنت من اول 3 ليه تشتري الغالي طيب افرض صارلك حادث واليعاذ بالله كيف ناوي تصلحها؟؟؟؟
ومشكوور اخوي على الموضوع الرقي

^^^^

بالنسبه لي أشوف الدرجه الثانيه أو بمعنى آخر BMW و مرسيدس .

هم أفضل شيء كفخامه واللي أعلى من كذا يا إنه في مجال السبورت والسرعه شراها أو للتميز وندرة وجودها إمتلكها .

تم التصويت على حب الماركة و شكل السيارة..!!

هذا طبعا ً رأيي في الناس لاني انا من النوع الي يحب الفخامة درجة ثالثة..!؟!

طبعا الفخامة درجات وعندك :

الدرجة الأولى:البنتلي و باقي الطقة (من 700الف الى رقم لا استطيع كتابته)
الدرجة الثانية: BMW و مرسيدس و اودي الالماني عااامة وبعض الاحيان الايطالي ويدخل الامريكي و الياباني وما يحتاج اذكرها (من300الف الى مليون)
الدرجة الثالة: حبيبة الشريحة الكبيرة وهي ليست بالشركات ولا بالصناعات هي بالسيارات يعني تلقى عند الشفر LTZ [COLOR=Green]تلقى عند التويوتا افالون و VX تلقى عند GM الدينالي و تلقى عند فورد توروس تلقى عند نيسان مكسيما تلقى عند كيا كادينزا تلقى عند هيونداي سينتينيال<< عندي تحفظ عليها لان سعرها 250 عشان كذا نقول هونداي جنسس 160 مقبولة تلقى عند مازدا 6الترا وباقي الشركات و السيارات ما تحظرني فأنا من عشاق الدرجة الثالثة <<< مو بكيفك غصب عنك هههههه:bigggrin: [/COLOR]

ملاحظة: تم ذكر الكلمة الي باللون الأخضر 8 مرات..!!

الذي يحدد هو مقدار دخلك

يعني لو راتبك مثلا 30 الف ريال شهري لن تركيب سيارة سعرها اقل 200 الف ريال
اما اذا كان دخلك الشهري لا يتجاوز 6 الالف ريال فان سيارة سعرها 50 - 70 الف ريال تفي بالغرض

صراحه أنا ماصوت للخيارات اللي أنت حاطها
يعني أنت مثلت لفئة ال6 أنا أشتري لكزس es
180 ألف للجودة والكرف والتحمل وتمسك سعرها بعد البيع
وبنفسه بالضبط هيونداي جنيسس سعرها 188 ألف مين الان
صار أغلى؟؟؟ معقوله تبغاني اترك اللكزس الياباني واشري
هيونداي كوري لو فيه

انا صوت للماركه ... لكن الخيارات ليست هي اللي ببالي

انا لمن اركب هيونداي وادري اني على 120 لو ضرب كفر الله يفكني ولا لا
ولمن ادري اني لمن اركب كامري ولا اكورد ولا التيما ويصدمني احد مسرع مادري .. واكون طول ما انا ماشي ادري انو السياره مو امينه

ولا لمن اكون دافع 300 الف ولا 400 الف بمارسيدس او بورش واكون بعد اذن الله متطمن جدا حتى لو على 200 .. وادري ان السياره بعد اذن الله راح تنقذني لانها ممتازه

قال ابو نوره ... الزين غالي لكن الأزين اغلى يالحبيب

:xyxwave: سوولك باي باي ههههه

لو بدالك ما اكمل المشوار .. و الله فضيحه خخخخخخ

مشكور اخوي على الموقف و الصراحة كلامك صح يوم

اتذكر ربيعي كان جايب الفيراري مال الشيخ للدوام ....
و هو رايح قال خلني اسوي خير و اوصل واحد من الهنود اللي بالدوام على طريقي للبيت .. ما اتشوف الا الهندي الثاني يبغي يدخل عمره باي طريقه :smilie16:
طبعا ربيعنا :a1120(82): شاته برع السياره هههه عباله راكب ددسن ( دز عمرك داخل السياره ) هاذي ابو مليون درهم ......ز ههه

كلام سليم اخوي الكريم .
معظم التجار ما يعرفون الا المرسيدس او البي ام ... ( الحين صاروا يعرفون الرنج و غيرها ) خفيف
حتى ياخذون حق الدريولية ( السواقين ) مرسيدسات بس بو 200 الف او 150 الف .. يعني مشي حالك خخخخ

في الحقيقة والواقع ؛؛ يعتمد من شخص لاخر ما فيه جواب واحد يشمل الكل طبعا

مثلا الي يعرفون في مواصفات السيارات ويدرسون الوضع قبل لا يشترون و في الاخير ياخذون ام 300 الف ولا ياخذون ام 150 الف اعتقد ذول عشان الماركة واشكل انا واحد في راسي كاديلاك مثلا و عارف ان فيه سيارات فيها نفس المواصفات و سعرها اقل لاكن الشكل خاش راسي بقوة الى حد اني اشوفها تسوا لو احد زيادة في المبلغ

و فيه ناس مثل كثير من رجال الاعمال الي ما لحق على ظهور انفنتي مثلا ما يعرفها والي ما يخبر هونداي الا يايم كانت السوناتا افخم ما اشتهر من سياراتهم ولا كانت جودتهم بالحيل, هذول مو مال سيارات بس خلاص يعرف مرسيديس و بي ام, و لو تساله عن السيارات ما عرف شي, بس اهم شي سيارة تناسب وضعه الاجتماعي

و فيه ناس غير طبعا يعتمد على الشخص مثل ما قلت
و شكرا على الموضوع الرائع واسف على الاطالة

كلامك 100% سليم ..

اخوي الكريم
هناك عدة عوامل تعمل على رفع اسعار سيارات اذكر منها :
1- الضريبة لتي تحصل عليها دولة (ونشوف بعض الشركات قامت بعمل مصانع خارج دولها)
2- الايدي العاملة وتوفرها (في بعض دول تكون الايدي العاملة غالية )
3- المواد المصنوعة منها السيارة وتوافرها والاجهزة الموجودة فيها.

فشوف اخوي سيارات الكورية واليابانية ومن ايش مصنوع الجسم حجها وشوف سيارات الاوروبية والامريكية ...لما تضغط على غطاء المحرك سيارات اليابانية والكورية بتدخل على داخل مثل (علبة البيبسي) وشوف سيارات الثانية ..

اخوي الكريم انا احترم رايك .
بس عندي نقاط على كلامك
اول الشيء الحوادث قضاء و قدر و ما نقدر انقول ( لو ) كنت لابس حزام الامان ما كان يستوي ..
لانه لو من عمل الشيطان .

و يوم واحد ساير بسرعة 200 كليو متر في الساعة و ينفجر معاه دولاب ( اطار ) ما يعرف انظمة سلامة و لا شيء ...
كله مكتوب يا اما الله كاتب له العمر و يعيش او انه الله ياخذ امانه و اهون الاسباب .

و بخصوص السعر انا كان مقصودي انه اني بدال ما ادفع 500 الف درهم علشان موتر عليه شعار الماني او امريكي او حتى كوري ....
ليش اتغاضى عن نوع و موديل السيارة و اشوف المواصفات و الجوده و اخلي اسم السيارة آخر شي .
المقصد انه التعصب لنوع معين من السيارات او موديل او شركة يخليك ما اتشوف سيئات السيارة و مشاكلها .. حتى لو وقت فيها راح تعتبرها عادية

المشكله انه يوم انفكر بتعصب يتدمر السوق .
يعني .
لو الكل كان متعصب حق الهيونداي انه احسن من المرسيدس ( لان الكل يعرف انه موب احسن :ch19: علشان ما تزعلون بس ) .
و اكل يتغاضى عن النظر الى الفرق بين الهيونداي و المرسيدس و الكل يشتري الهيونداي ( الوكيل بطبيعة الحال راح يشوف انه الاقبال على سيارته زاد اكثر من قبل و طبيعي انه يزيد السعر و يزيد و يزيد لين ما يصير سعره خيالي فوق قيمته الاصلية ....( او فوق ما يستحق على الاقل .)
هني راح تبدا المشاكل .
المرسيدس غالي و لكنه يستاهل سعره .. و هيونادي سعر مقبول كان ( بس الحين زاد سعر و صار الواح يفكر مليون مره قبل ما يشتري ) راح يخرب الاقتصاد على هذه السالفة بس ( سالفة التعصب )

انا اقول اننا ما نتعصب للون او نوع او شركه او دوله .
و انشوف الافضل و نشتري .... ان شاء الله يكون (Made in China )
جودة + امان + مواصفات = سعر .
يجب وضع جميع السيارات تحت هذه المعادله .

لفلوس يروحن وسيارة بضل مابتروح 500الف في اشهر بيروحن سيارة بضل معك لما تشتريها بهذي القيمة ,بعدين لفلوس ايش تريدلهن ....
لو يمنعوا اليابانيات والكوريات بينعدمن الحوادث

1- حب الماركة
2- عنده فلوس ليش مايمتع نفسه ؟ (إن الله يحب أن يرى أثر نعمته على عبدهـ)

مشكور يالغالي

السلام عليكم

حبيت اضيف على اراء الشباب ان الشخص الي راكب سياره تعتبر من السيارات الفارهه نظرة الناس له وتعاملهم معه في الطريق تختلف عن سائق السياره الاقتصاديه"العاديه" من عدة نقاط منها فتح الطريق للتجاوز والمسامحه في الاخطاء وغيرها .
واسف على الاطاله