وش تقترحون علي ابي اغير كفرااااات موتري!!!!

ALKING ALHILALI @user_214221 · 09-03-2010

سلام الله عليكم ورحمته وبركاته,,
بغيت أسأل عن أجود أنواع الكفرات بعضهم ذكر ميشلان وبعضهم قال دنلوب واخرون قالوا تويو
هاااااه وش الراي مع العلم ان السيارة كمر 2000
وش الراي
انا ودي اغير كفراتي لها سنة معي والله مااكذب عليكم لقلت انها مشكله القدام يوكوهاما واللي ورا والله ماادري وش نوعهاا
ارجو التفاعل,,:ch19:

tabooy @user_78918 · 16-03-2010

هونكوك
تعيش معاك سنتين بالراحة
انا جربت ال برللي والبرجستون
وارتحت على الهونكوك جيدة وتعيش وسعرها ارخص لكن خلي بالك خذها من الوكيل لاتاخذ من البناشر ولاحظ الشهر والسنة
وبالتوفيق

GLX 2700 @user_175555 · 15-03-2010

من مواضيع الاخ

!! SHARK !!

تجربة كفرات Toyo (( بالصور ))
http://www.assayyarat.com/forums/showthread.php?t=183782

تجربة كفرات yokohama (( بالصور ))
http://www.assayyarat.com/forums/showthread.php?t=183362

تجربة كفرات Pirelli P6 (( بالصور ))
http://www.assayyarat.com/forums/showthread.php?t=182695

عماد2006 @user_3971 · 14-03-2010

برجستون خشنه شوي

ميشلان ممتازه لكن تجي انواع مغشوشه كثير

انا احب يوكوهاما ممتازه جدا ومرتاح معها

GLX 2700 @user_175555 · 14-03-2010

انا مركب تويو على الكورولا

لينة و ممتازة اللي معاي الان صناعة 2007 و الى الان و الحمد لله باقي فيها نص عمر إن شاء الله

ممكن النقطة اللي ذكرها ابن صقيه صحيحة وهي مسألة الفرامل يعني ماهي بذيك القوة الاحظ فيها انزلاق خفيف علة الطريق الاملس و السبب انها ناعمة و لينة

لكن مو شرط بس التويو احتمال تكون كثير من الكفرات مشابهه لها بالفرامل

لكن عموماً انا مرتاح مع التويو :)

ALKING ALHILALI @user_214221 صاحب الموضوع · 14-03-2010

مشكوووور اخواني على الردود والله حيرتوني بين toyoويوكوهاماوبذات انت ياابن صقيه :c0038:

massari 6.1 @user_22302 · 13-03-2010

اخوي انا مركب كفرات كونتينتال

وربي كفرررات متماسكه وقويه

ابو فهد 4×4 @user_155846 · 13-03-2010

هانكوك الكوري يمدحونه وسعره مناسب

فــيــصــل @user_79687 · 13-03-2010

‏^‏‏^‏‏^‏

ما انصحك بالتويو أبدا

جربتها مرتين وكلها أثبتت لي فشل كفرات تويو

تحبل بسرعة وفرامله سيء

ميزتها الوحيدة هي الليونة

ونصيحة لوجه الله لا تركب غير المشيلان أو برجستون أو يوكوهاما

ALKING ALHILALI @user_214221 صاحب الموضوع · 12-03-2010

بسم الله اخوااني انفدا ذا الخشش لو سمحتوا فيه احد عنده خلفية عن اسعار toyo؟ يعلمني,
اللي سمعته انه ارتفعت الأسعار صار الكفر الواحد "275" يعني المجموع{1100} مدري صحيح او لا؟ لأن فيه واحد من الربع شرا4 كفرات بـ"1100 "مع العلم ان معه كامري 2005 مدري يااخوان هل تختلف اسعار الكفرات بين موديل وموديل ؟؟او انه نفس السعر لكل الموديلات :c0214:

شيرلوك هولمز @user_214370 · 11-03-2010

G

GLX 2700

وعليكم السلام ورحمة الله وبركاته

الجنط عندك 15

خذ لك ماكسس صناعة ياباني و سعره معقول جداً بـ 200 ريال للكفر

يطلع عليك بـ 800 مع الترصيص و التركيب

السلام عليكم

عفوا عزيزي
ماكسس تايلدني وهو شبه الياباني
كفرات جيدة ومثل ما تفضلت سعره معقول

الصناعة التايلندية تتميز بجودة قريبة من اليابانية وبسعر قريب من الصينية

ALKING ALHILALI @user_214221 صاحب الموضوع · 11-03-2010

شكرا اخواني على تشريفكم لموضوعي ,,أقرب الأحتمالات اباخذ تويو سعرها رخيص والكل يمدحها,,
ومشكوور مرة ثانية على الردود الطيبة,,:xyxwave:

altima@v6 @user_214057 · 11-03-2010

نصيحتي لك اذا كنت راعي خطوط لا تركب اي شي لازم يكون معروف و زين

عندك الالماني او الياباني ..

ولازم تلاحظ مقاومة الحرارة
تشير إلى قدرة الإطار على التخلص من السخونة. و يشار إليها بالحروف A, B, or C.
أعلى معدل لتحمل الحرارة هو A وأدنى معدل هو C.
في المملكة، يوصى باستخدام الإطارات التي يكون معدل مقاومة الحرارة فيها
من الفئة A.لتجنب تلف الإطارات أثناء شهور الصيف الحارة

يجب الحرص على ما يلي:ـ

فحص ضغط هواء الإطارات مرة كل أسبوع وقبل الرحلات الطويلة،
وحينما تكون إطارات سيارتك باردة. لا تنس الإطار الاحتياطي.
استخدام مقاس هواء من نوع جيد.
معاينة إطارات سيارتك للتأكد من عدم وجود تلف أو اهتراء،
بمعدل مرة واحدة أسبوعيا على الأقل أو أكثر عند الضرورة.
المحافظة على إطارات سيارتك بحالة جيدة.
السياقة بسرعة معقولة.
فالسرعة العالية تساعد على زيادة درجة الحرارة
وخصوصا على الأسطح الساخنة.

[COLOR=navy]بالتوفيق[/COLOR]

GLX 2700 @user_175555 · 10-03-2010

وعليكم السلام ورحمة الله وبركاته

الجنط عندك 15

خذ لك ماكسس صناعة ياباني و سعره معقول جداً بـ 200 ريال للكفر

يطلع عليك بـ 800 مع الترصيص و التركيب

ALKING ALHILALI @user_214221 صاحب الموضوع · 10-03-2010

ا

ابن صقيه

كم مقاس الجنط عندك ‏؟

والله ماادري وانا اخوك لكن ابطلع اشوفه ثم اقول لك,,:c0214:

anaconda @user_78623 · 10-03-2010

ابحث عن هانكوك الكوري لكن احرص على نفس مقاس الوكالة تراه لين وجودته عالية وانتبه من تاريخ التصنيع والتخزين المناسب.
السعر مناسب جدا مقارنه ببعض الماركات الكبيرة.

فــيــصــل @user_79687 · 10-03-2010

كم مقاس الجنط عندك ‏؟

ALKING ALHILALI @user_214221 صاحب الموضوع · 10-03-2010

مشكووور اخوي لكن ابي السعر الزين "المعقول"لو عندك خلفية فلو تقوله يكون افضل

عـاشـق تـويوتـا @user_26100 · 09-03-2010

حياك اخوي..

دنلوب كفرات ممتازه ..لكن يعيبها وارد الخليج الي في البناشر الحين

لكن لو تضمن انه ياباني اصلي ..توكل على الله وسعره فيه

وافضل حل انك تروح لـ وكالته الي في شارع الضباب مقابل ماما نوره

واهم شي انك تركب نفس المواصفات الي توصي بها الشركة المصنعه لسيارتك

وتلقى المواصفات هذي لمى تفتح باب السياره موجود ستكر

فيه المقاسات المناسبه والمواصفات كذلك

ونصيحتي لك بعد التركيب ..اول شي تحافظ على ضغط الهواء

ولازم تعاير ضغط الهوا والسياره واقفه مده ..مو وهي حاره (يعطيك الضغط الصحيح)

واشتر لك معيار بـ 30 ريال ((حق البناشر موب دقيق))

وتحافظ على تبديل الكفرات كل 10 الاف كيلو ..وان شالله تعمر الكفرات اطول مده ممكنه

وبالتوفيق...