اهل الخبره الافضل المرسيدس او البي ام دبليو

اخوي انت تتكلم عن الفئه ِِ E
اخونا يبي الفئه S او الفئه السابعه


والفئه S راح تتغير في الربع الثالث من 2012

اتمني التوضيح هذا عشان اخونا ما يتلخبط

اكيد مرسيدس ومن غير اي جدال !

المرسيدس معروفة وسيارة لا كلام عليها..

اما عن الشكل فمن عادة المرسيدس تغيير الشكل بعد مدة طويلة تصل الى 10 سنوات في بعض الاحيان..

عندك فئة E موديل 1985 بقى بنفس الشكل لحد سنة 1996 او 97 لا اذكر !

وبعدين من 1997 الى 2002 ونفس الشكل..

وثم من 2003 - 2009 نفس الشكل..

التغيير يكون طفيف في المصابيح الخلفية والامامية لكن الشكل العام هو نفسه والداخلية نفسها !!

من ناحيتي اظن ان موديل 2010 بظل على الاقل حتى 2015 !!

توكل على الله ولا تنسى الاستخاره..

بالتوفيق..

لا تاخذ على الشكل خذ على الواصفات والمحرك

انصح بالمرسيدس:smile:

البي ام دبليو افضل
يكفي ماخذه لقب قائدة سيارات العالم لعام الـ2009
وسحقت المرسيدس بمقارنه بـ2009
وسحقت المرسيدس والاودي ولكزس بقارنه جديده 2010
ولاتنسى ان محرك المرسيدس بالي جدا مكسيما قديم يشخبط فيك الى 160 :/
البي ام جرب 740 شف عزمه نفس نشاط ال500 اس

ومع احترامي للمرسيدس اذا جاء بدون كت اي ام جي يطلع كنه حق سواقين ولا شايب
وجرب البي ام على خط جلسة مراتبه المريحه وجرب المرسيدس وانت احكم هذا اللي افيدك فيه

واصحاب المرسيدسات اللي يسبون البي ام تعصب لا اكثر ولااقل

لو يسوقون البي ام الجديد بيعرفون هم وش كانوا يتكلمون عنه

شوووف يالحبيب بالنهاية الناس أذواق وانا تحفظي على البي أم الفئة السابعة انه شكلها من وره بايخ جداً ما تحس انها سيارة ألمانية لكن مقدمتها يسمحولي الاخوان أحلى بواااايد من الحووت من وجهة نظري الحووت متفخ تحسه بالونه تمشي بالشارع :)

مثل ما قلت بالنهاية الناس أذواق وانت اللي بتسوق السيارة مو أحنا اخذ اللي يعجبك :)

لو كنت مكانك آخذلي الباناميرا البورش توها نازلة وما تشوف منها وايد بالشارع

آكيد خذلك لمرسيدس آلآنها آفخم وآحسن
حتى في الشكل بعد

اكيييييييد طبعا المرسيدس ..

واذا انت متردد من ناحية تغيير الشكل فمعاك حق لان الحين تقريبا راح ربع 2010 والشكل الجديد للفئة اس بينزل بنص 2012 يعني لو تحسبها باقي اقل من سنتين وحط ببالك انك راح تشوف الصور التوقعيه من 2012 وبتتضايق وتحس ان الشكل خلاص بيصير قديم لذلك ...

انصحك تتنظر كم شهر وبتنزل السي ال اس 2011 شكل جديد وكلاس مناسبه للشباب الجنتل مثلك ولايهون القراء وللمعلوميه السي ال اس راح تكون على قاعده الاس كلاس
وبتقعد معااااااااك ليييييييييييييييين 2018 اذا الله اعطانا عمر !!



فكر بكلامي مظبوط ولا تستعجل واحسبها صح ولاتنسى ان الشكل الجديد بيصير اكبر من السابق واضخم يعني بحجم الاس كلاس تقريبا ..

يعني خذ اللاب توب حقك وروح ستاربكس وخذلك كابتشينو وتفرج على صور السي ال اس ومخمخ الموضوع على روااااقه والله يكتبلك اللي فيه الخير ... واسف على الاطاله

المرسيدس لو يجي ( S65 amg ) ب مليون ريال

ما يوصل لمستوى البنتلي كونتنتال فلاينج سبار

مع اني احب المرسيدس لكن ( BMW ) شئ ثاني

ولكل سيارة ذوقها الخاص

روح ( الناغي ) وكيل بي ام
و
روح ( الجفالي ) وكيل مرسيدس

واسال عن الأسعار وشوف الي يناسبك

B M W تذكر انت شاب وذواق وتحب سيارة تكون % 100 شكل ولا اروع .

مع احترامي للمرسيدس .. لكنه رسمي خليه بعد كم سنه .. تمتع مع البي ام .

انتم وش فيكم مسوين توم وجيري

المرسيدس والبي ام كلهم عينين في راس وفيهم حقهم من الهيبه والفخامه



شوف يالغالي السياره اللي يرتاح لها قلبك خذها لان السيارتين تعتبر افضل

السيارات الفخمه في العالم


ولايزعلون حقين الاودي لان الرجال يقارن بين المرسيدس والبي ام :tongue:


تحياتي للجميع

شوف يا خوي
كل السيارتين فخمة
وتحف تمشي على الطريق
لكن من وجهه نظري خذلك المرسيدس
لانها افخم وارز واوجه


وربي يوفقك في اختيار السيارة اللي تناسبك وترضيك

أنا من وجهة نظري المتواضعة أن البي إم دبليو على تقدمها التقني ومتعة قيادتها إلا أنها مثل مكينة الحلاقة، استعملها كم سنة وأرميها
بينما المرسيدس لك وللزمن، حتى لو تغير شكلها تظل هي سيدة الطريق
ولكن في المقابل البي ام دبليو سنتين ويطيح سعرها إلى النص وتطيح هيبتها
مثال بسيط، الفئة الخامسة الحالية لم يتغير شكلها بعد ورغم ذلك تشوف ما لها هيبة في الشارع وحتى عمال النظافة (مع احترامي وتقديري لهم) يقدرون يشترونها مستعملة.

اخوي سعود محد يضمن حياته يمكن تموت اللحين

لكن المواصفات والراحه باي سياره منهم

اذا بتناظر بالمنظوور هذا راح تتعب مرره

كل شي راح يتغير ما راح يبقى شي على حاله

انت لما تشتري مرسيديس بينز
الشركه توها منزله الشكل الجديد وراح يستمر للين 2013

يعني من 2010 للين 2013 ( راح تملل من السياره مرره ؛)

وابي اقولك شي هل راح تضمن تعيييش للين 2013

وبعدين يكفي انك شاري السياره جديده وبتقعد 3 سنوات يعني فلله مرره

انا اقوول توكل وما راح تندم

وهذا رايي اخووك سعوود

مشكورين واقصرتم
انا اقدر اشتري مرسيدس لاكن الوالد قايل لو تموت ماتغير الا بعد 5 سنين
ولا تنسى البي ام دبليو شكل جديد يعني 5 سنين قدام ضامن الشكل
وانا اهم شي عندي ان سيارتي تكون اخر شكل نزل

مساء الخير يا استاذي
بالنسبه لشكل مرسيدس بيتغير في 2013 والتغيير راح يكون لمسات خفيفه عالملامح واذكر ان فيه شخص وضع صوره للشكل الجديد في هذا المنتدى
اما عن المقارنه تأكد ان المرسيدس سياره الملوك والشخصيات الكبيره لماذا؟؟
لأن المرسيدس سياره عمليه وفخمه ومميزه بنفس الوقت وهي سياره رسميه بكل ماتعنيه الكلمه من معنى اضافه على ذلك عمرها الطويل وثبات سعرها افضل من غيرها بالنسبه للسيارات الفخمه وانا لا اريد الإطاله عليك ولكن بكل إختصار اذا كانت ميزانيتك الماديه تتحمل قيمه المرسيدس انا من رأيي لاداعي للإستفسار
وبالتوفيق والف مبروك مقدماً