طيب ياأخوان من غير تحيز او مجاملة ان صح التعبير لها السيارة . لأن بالفعل تحس متعوب عليها.
لاكن للمجربين هل تعتقدون ان صلاحيتها او عمرها الافتراضي طويل . للأستخدام اللعادي تمشي 500000اواكثر او اقل . و القطعة ركب ونس ولا مثل كثير من السيارات التي تسر العين ولاكن تفضي الجيب مث ل العملاقة البي ام ولأوبل والكدلك وغيرها الي حقت كم سنة وقطها بربع قيمتها.مع انها من اقوى الماركات العالمية.
والله يالغالي بدون تحيز او اي شي انا بعرض لك تجربتي كاملة بالمختصر وهي الحكم في مدى عملانية السيارة وطول عمرها وانت واللي تشوفه
انا امتلكت الكيا اوبيروس من اول موديل نزل منها واللي هو 2004 وبالضبط ثالث او رابع يوم من وصولها السعودية ولا زلت امتلكها للأن والسيارة عدادها تخطى 265000 كلم والسيارة استخدام عنيف تعرضت لأكثر من ست حوادث ثلاث منها قوية تقريباً هذا غير استخدامها في الطرق الغير مسفلته (طرق برية ) بحكم المنطقه اللي انا ساكن فيها وكون وقتها ما عندي سيارة فور ويل والسيارة إلي الان ما حطيت فيها ريال واحد ميكانيكياً عدى الاشياء الاستهلاكيه ولأكون صريح من اشتريتها واجهت مشكلتين فيها فقط الاولى كانت في كمبيوتر السيارة وتم اصلاحه على الضمان عندما كان عدادها تقريباً 135000 والاخرى كمروسر المكيف تعطل واستبدلته على حسابي لأن الضمان منتهي والسيارة الان تخطت الخمس سنوات معي وهي الان مع اخوي الصغير ولازلت تعمل بأحلى ما يكون وهيكلها متماسك بقوه عدى الصدام الامامي متهربد شوي والسبب فيه ضربتين على الصدام
وانا الان امتلك اوبيروس 2008 عدادها بالضبط 103000 الف كلم ومثل سابقتها من أحلى ما يكون
علماً بأني امتلكت سيارات عديده بعد ما اعطيت اخوي الاوبيروس القديمه منها
BMW 740il موديل 2002 وكانت دمار في الصيانه وما قدرت على مصاريفها
وامتلك كاديلاك CTS 3.6 2006 وقطع غيارها موت ونفس الاولى بعتها بسبب صدمه تافه يكلف تصليحها فوق الخمسين ألف وامتلكت بعدها كذى سيارة فور فيكتوريا وماركيز لاكن ما ارتحت معهم كثير واخذت لي لينكولن LS سبورت وكان ممتاز لغاية ما حنيت للأوبيروس خصوصاً الشكل الجديد ورجعت اشتريته لأني تعبت من الخسائر في السيارات وتعبت من صيانتهم وبعد استخدام ست شهور قدر الله وصار علي حادث مروع وانا امشي بسرعه 240 كلم في الصبات بالطريق السريع وشاحنه ولاكن الحمدلله ربك ستر وبفضل الله ثم مواصفات السلامه بالسيارة نجوت رغم ان الطرف الاخر بالحادث (تريلا) وتوفى سائقها ورجعت شريت اوبيروس 2008 مره ثانية وهي اللي معي حالياً عدادها 103000 الف كلم
هذي تجربتي وانا بحكم تجربتي اشوف انها اكثر السيارات الحاليه في فئتها عملانية وهي الافضل اذا قارناها من ناحية (الراحه والمواصفات والجودة والصيانه والعاملين الاهم السعر ومواصفات السلامه) علماً بأنها مصنفه بتقييم خمس نجوم في مواصفات السلامه الاروبية وهذا شي معروف لو تبحث عنه بالنت
انا شخصيا مقتنع بها لشخص ذو دخل محدود ويبغى سياره تخدمه على الاقل خمس سنوات ما يحط فيها ريال
ويكفي ان ضمانها خمس سنوات مفتوح الكيلو مترات يعني لو تمشي بها مليون كلم في اقل من خمس سنوات راح تظل تحت الضمان وهذا عامل مريح نفسياً لمن يريد سيارة لإستخدام فتره طويله
والرأي في الاخير لمن سيشتري
ودمت بكل خير
