صوت طقة واضحة عند التعشيق

صحيح عندنا لاندكروزر 2005 فيه صوت طقه في القير قالولنا كل اللاندات زي كذا

هذا يلي اقدر افتيك فيه

السيارة جديدة
يعني باقي التروس ما تعودت

شوي شوي تنسى تلك الاصوات عندما تبدا لا تغسل السيارة الا بعد كم شهر

أولاً أشكر الجميع وبالنسبة للأخ سهمي نازل الحمدلله مافي طقة ولا رجفة .

وثاني شي البارح بالصدفة شبكت الدبل على الأوتو لفترة بسيطة وبعدين فصلته ولمن عشقة بالدي ماسمعت الطقة نهائياً بالعكس الجربكس على طول جاوب مافي طقة وبعدين تمشي السيارة المهم ماأخذت الى ربع ساعة ويمكن أقل حسب مشواري ورجع الصوت مثل أول قلت خليني أجرب اشبك الدبل مرة ثانية وفعلاً أول ماأعشق بعد الفصلة مافي صوت نهائيا لا بـ R ولا بـ D أحد عندة تفسير قبل ما أروح للشركة ويضحكو على الناس زي العادة...ويقولو...(((السيارة سليمة وهذا شي عادي))
على فكرة أنا مقتنع بكلام الأخوان لكن ليش ماطلع الصوت الا بعد 6000كيلو ثاني شي ليش اذا شبكت الدبل وفصلته يختفي الصوت؟؟؟؟؟؟؟

صوت الطقه هذا بأغلب السيارات الأوتو

ولا يعتبر أبد خلل بالسيارة وسيارتي الحالية أحيانا يصير قوي وأحيانا ما يسمع أبد ولا فكرت أستفسر أو أروح للوكالة

احيانا اسمعها عندي احيانا ثقيل من p الى r
ذهبت بها الى الوكاله
فقالوا عادي جدا
وعرضوا على اكثر من سيارة من ناحية الثقل
من ناحية الصوت / اعتقد ان يبغلها وزن فقط
وتخاف والسيارة جديدة مع الايام سوف يتسع صحن التعشيق ولن تسمع له صوت

كثير من انواع السيارات تطق عن تعشيق الريوس

يمكن عشان الريوس قوي

الا بسالك ما يطلع عندك طقه ورجفه بدعاسة البنزين اول ما تشغل وتحرك بالتغييره الاولى والثانيه؟

اخوي لا تشيل هم ,, ان شااء الله ما في شئ ...

اللي اعرفه ان هالصوت طبيعي في الجيوب ,, والسبب ان القير يكون قاسي

ليتحمل الجر و السحب والتطعيس و صعود الجبال ...

و الله وانا اخوك مثل ماقلت لك
بالنسبه لكلام ابورغد كلامه صحيح اذا كان الصوت يطلع و السياره و اقفه في مكان غير مستوٍ
لانه السياره بتكون و اقفه على القير

اما اذا الصوت يطلع حتى و انت موقف السياره بالطريقه الصحيحه ( مثل ماقال ابو رغد )
فاشوفه طبيعي

أشكركم على الرد أبونادر وأبو رغد
بس المشكلة ماكانت موجودة من قبل يعني هل يوجد مشكلة فنية الوكالة تقدر تصلحها
محدثك مرة قلق من ناحيت الأصوات
علماً ان السيارة على فترة الضمان
ودممممممممممممتم بخير

اخوي جرب في طريق مستوي
وقف وفض القير ثم اربط الجلنط وتاكد انه مسك صح برفع رجلك عن الفرامل وبعدها حطه بالبي
هذي طريقة الوقوف السليمه
ثم عشق وشف
فيه صوت طقه في الاتماتك على حد علمي اذا كان الطريق فيه انحدار او العكس
اتكلم عن السيارات الي سقت
وشوف الاخوان ان شاء الله يفيدونك