رايكم بهونداي اكسنت

السلام عليكم
الأكسنت في المجدوعي اربع انواع وكلها لون المرايا والأزياق نف لون البدي ,, وهي كالتالي:

كسنت جي ال 1 بسعر 36100 ستاندرد
جي ال 3 مع زجاج كهرباء فقط بسعر 36500
جي ال 3 زيادة قفل مركزي وكشافات ضباب بسعر 37100
جي ال 4 الفل كامل نفس جي ال 3 بس زيادة جنوط بسعر 38100

هذا عند المجدوعي.

اتمنى اني افدتكم,

تحياتي..

ابقولك عن الستاندر

بدون ريموت
بدون سنتر لوك ( قفل مركزي)
نوافذ يدوية
مرايا يدوية
بدون كشافات امامية

و الفل يوجد فيها جميع ما ذكر
بالاضافة الى جنوط المنيوم ( اتوقع ذلك )

ممكن حد يقولنا مواصفات الفل ابشن اكسنت ؟؟

انا من جدة اعتقد في جده بس الناغي عند الناغي بي 36000

أخوى ممكن تقولنا ايش مواصفات الاستاندر

والفل وماعليك امر يالغالى

توكل علي لله وخذ لك اكسنت من المجدوعي

وانصحك تاخذ ستاندر ب 32000

اشكركم جميعا على المعلومات

هلابك اخوي

انا بقولك كلام مجرب كان عندي اكسنت موديل 2002 شراها اخوي اول شي تقريبا

كان سعرها فوق الثلا ثين استخدها سنه وبعدها استلمها اخوي الثاني وستخدمها اكثر من سنتين وبعدها جت عندي وستخدمتها انا وخواني وعيال الحاره خخخخخ
والله كان المفتاح عند الجيمع الي يبيها ياخدها كنها سياره اجار ههههه والمسكينه ماتقول شي وتنتظر بس احد يتصدق عليها ويغير لها زيت استخدمنها الى 2008
وبعتها 11الف يعني بثلث القيمه وانا واقف وبرااااحه
الكان يخرب فيها الكلش والعكوس وهذا شي طبيعي لكثرة المستخدمين

أخي الكريم سبق سويت بحث عن السيارة ...

بصراحة ما لقيت أحد يعيبها ..

ولكي تطمئن أكثر لاحظ أنتشارها الرهيب في الشارع ..

وتوفرها في محلات التأجير ..

السيارة عملية جداً والمفاجئ بأن السيارة تمسك قيمتها بعد البيع .. بسبب رغبتها ..

أسعارها ياطويل العمر كالتالي :

36000 إلى 36500 بالمعارض ..

37000 ألف لدى الوكيل الوعلان بالرياض ..

طبعاً أفضل وكيل من ناحية المواصفات هو المجدوعي وكيل الشرقية ..

قبل كم يوم كنت في رحلة عمل لجنوب المملكة وأستأجرت أكسنت 2011

طبعاً نفس 2010 مافي فرق أبداً ..

وارد المجدوعي ..

مواصفاتها كالتالي :

اللون الخارجي أبيض ولون المرايات والخط الجانبي ومقابض الأبواب والزيق على الشنطة والشبك الأمامي كلها أبيض ( نفس لون السيارة )

المسجل سي دي أم بي 3 وفيها بلوتوث ( ما جربته ) والشبابيك كهرب ..
القير أوتو وعزم السيارة وعزلها مقبول إلى حد ما ..

عيبها الوحيد ما فيها سنتر لوك ولا ريموت كنترول

أما مواصفات الوعلان قال نوفرها بخطوط خارجية نفس اللون بس ما أدري عن السنتر لوك ؟!

وسألت أحد المعارض إذا شريت من وكيل يضمنها الوكيل الثاني ، وقالي نعم !

أتمنى أكون أفدتك اخي الكريم ..