இ | رابــطة عشــاق ومــلاك شــفرولية كــروز | இ

السلام عليكم ،، يا أبطال

معاكم راعي cruze lt

سيارتي فيها كشافات مغير السطابات من الوكالة "شيفرولية"
جناح "ربل" ما قدرت اركب اللي بالوكالة والسبب السعر بوجهة نظري مبالغ فيه تقريبا بالريال السعودي يجي ١٣٣٠ ريال !!! فركبت جناح ربل بـ ١٧٣ ريال تقريباً لأنه للأسف اكسسوارات الكروز قليلة بالأسواق والمحلات ، الشاشة وكالة واستعمالها جيد جداً السنسر جيد نوعاً ما :q

هذي بالنسبة للكماليات

أما من حيث الإستعمال العزم جيد لكن ليس بقوي!! أما الثبات ما شاء الله ثباتها جيد جداً والمكيف لا بأس به شبه بارد :q ،

لكن العيوب لما اضغط بريك اسمع صوت غريب موصوت سفايف ماعرف شنو !! والسيارة جديدة من كذا مستغرب

عموماً أعطي السيارة ٧ من ١٠ :)

السلام عليكم لرجو المساعدة بالنصيحة في مشكلتي مع مكيف الكروز
ذهبت للوكالة والمكيف لايعمل ابدا فقط يعطي هواء ساخن وبعد اربع ايام فحص افادني المشرف الخاص ان ثلاجة المكيف والفلتر والفريون بحاجة للتغيير والتكلفة للقطع 1500 ريال و التركيب 3000 ريال حسب قوله طبعا بوكالة الجميح وقال ايضا الثلاجة يبغالها فك الطبلون وحوسة ويومين شغل مايرتاح العامل وانا اخوكم شي جنان بالجميح المهم يا اخوان ماهي البدائل والورش في مدينة جدة حيث ممكن ان اصلح عندهم واسحب عالجميح اللي يطلب 4500 ريال ماتنقص هللة عذمة الاستشاري حق الصيانة
فاي احد عنده تجربة يتفضل علينى ومكان مناسب للصيانه واهم شي تكون ورشة تعرف الله وحقه قالعمل
وشكرا لكم

تلقاها بأي صناعية ، الصناعية القديمة ، صناعية أم الحمام ، صناعية العروبة ، صناعية الخليج

وعليكم السلام اخوي
الله يسلمك يارب

مشكور على كل شي ي اخي وما قصرت
بس حبيت اسالك عن موقع محلات التقوى ؟ هل هي بالرياض واذا بالرياض وين فيه اذا ما عليك امر

وشكراً لك

السلام عليكم

سيارتي لها معي تقريباً 4 سنوات ، ممشى السيارة تقريباً 200 ألف ، حتى الآن ملتزم في الصيانة عند الجميح ، السيارة جيدة لكن غير عملية ، تعطل علي القير و الكمبروسور في أول كم شهر ، بعدها صارت مشاكل في الكهرب و أعطال كثيرة ثانية ، السيارة حالياً في الوكالة فيها مشكلة في المكينة ، بالنسبة للحرارة ما أذكر مرة ارتفعت حرارتها علي ، لكن الي أعرفهم و معهم كروز يشتكوا من الحرارة ، أكثر شيء مزعج فيها التكييف سيء و يحتاج تغيير فلتر كل صيانة تقريباً ، و المكينة ضعيفة و مزعجة . قطع الغيار متوفرة في أماكن محدودة لكن أسعارها معقولة ، مثلاً الفحمات الأمامية و الخلفية تقريبا 500 ريال ، أذرعة الدركسون 100 ريال ، كويل 550 ريال .

نصيحتي لك إذا كانت الميزانية تسمح خذ كورولا ، حتى لو تنزل فئة و تستغني عن مواصفات كمالية ، لا يغرك إن القير 6 سرعات و الكورولا 4 ، أو الكروز أقوى بكم حصان ، ترى هذه الأشياء هي الي بتكرهك بالسيارة بعدين ، و الله ييسر لك الي فيه الخير ...

السلام عليكم ، و الحمد لله على السلامة

أنا سبق و صار لي حادث بسيط ، كان سعر الصدام بالجميح تقريبا 700 ريال ، و الرفرف بحدود 600 ريال ، لكن اشتريتهم من التقوى بفرق 150 ريال في القطعة .

قطع السيارة عموماً أسعارها مقبولة و إن شاء الله ما تكلفك مبلغ كبير ، لكن المشكلة وين تلقى الورشة الجيدة ، ورش كثيرة يتفق عليها الناس بأنها ممتازة تتفاجئ بأنها ورش عادية لكن بضعف التكلفة .

حاول تشتري القطع من محلات قطع الغيار لأن الوكالة غالية ، محلات التقوى تلقى فيها كل القطع تقريباً ، و الله يوفقك ...

السلام عليكم اخواني :ch19:

انا صار لي حادث والسيارة جتها كم صدمه وخاصة من الامام

واللي تاثر الصدام الامامي والرفرف اليمين واليسار
والرديتر و المكينة شوي تحركة!!؟

المكينة تحركة وهذا اللي خايف منه يعني اخاف تكلف كثير واخاف اذا صلحتها تخرب علي بعدين وانا والله الحين محتار
انا الصراحة ودي اصلحها واخليها تمشيني الين ما اخلص من دراسة الجامعة لان مو باقي لي شي كثير ولله الحمد

يعني كم تتوقون تكلف , وهل تنصحوني اصلحها ولا ابيعها تشليح
و قطع الغيار لازم كلها من الوكالة ولا اخذ قطع من التشليح

وبس

يعني كم تتوقعون سعر الصدام الامامي و الرديتر وووو زي كذا

معليش ي اخوان , موضوعي مو مرتب لان كاتبه وانا مهموم من السيارة و من ضغط الاختبارات


وللاسف بعد اللي تسبب لي بالحادث انحاش
والحمدلله واحد الله يعطيه العافية جاب رقم لوحته

اتمنى احد يرد على تسألي :)

سلام عليكم , مقبل على شراء سيارة كروز 2013 بشكل عام عاجبتني لانك كاستخدام هي ممتازة او كم سنة وتبدا الخرابات , حاب اسال كيف السيارة مع الحرارة ؟

اخوي اذا كنت في الرياض مرني بتشليح الحائر انا عندي كمبيوتر فحص ومتخصص كروز رقمي 0546021629

الجنط مازالل موجود وين الصاممملين ياجماعه

يالطيب انا شاري ان شاء الله وانا حاليا ب جده ارجو ترد لي باسرع وقت << واذا انباعت الله يعوض ^,^

سبب الفك التغيير ووتركيب جنط شكل اخر :)

هلا اخوي ايش سبب فكك للجنوط معليش في السؤال
لان الواحد وانا اخوك يخاف من الجنوط المعدله
لان عندي انا جنوط من شركه تايلانديه ولهم موقع على النت
ولهم وكيل اللي هو منيف النهدي في شبك المطار عنده جنوط وزينه وشاشات
للكروز وغير الكروز والجنوط اللي عندي عليها ضمان وتركب على على الكروز وسياره ثانيه لان لها 10 فتحات وسعرها 2000ريال مشترى مع التركيب
وهي مقاس 17 وعليها كفرات 225- 60-17

مرحبا اخوي سآهر الجنوط صينيه طبعاا .. والبيع بدون كفرآت واي جنط في بالك تقدر نركبه عالكروز بطريقتين خرط او تحويله الجنوط ذي مخروطه وشغل نظيف

هلا ومرحبا الف فيك اخوي الجنوط اصليه ولا تجاري لان جنوط الكروز قليله في السوق واذا لقيت لازم تكون 10 فتحات زي الجنوط اللي مركبها في سيارتي اصليه من شركه خاصه بالجنوط تايلنديه ولهم موقع في النت
ولهم شركه في جده اسمها منيف النهدي عند شبك المطار وماادري كيف طريقتها ويبغالي كمان كفرات لو اخذتها منك وكم مقاس الكفرات

مشكله جديده للآسف هالسياره مو راضيه تعدل . :(
ما ادري من المحلات الكلبه الي اوديها ولا السياره سيئهـ .:|
المشكله الحاليهـ :
غيرت مروحه جديده + تصليح سلك المروحه .
+ تصليح لديتر تهرييب خفيف ..
+ تغيير زيت الجربوكس .
المهم سلمت السياره للرجآل .. كانت شغالهـ لمبة المكينهـ فقط
ومع الفحص تبين بلف الحرارهـ ..
المهم سلمتهآ وغير بلف الحراره وقال في بلف ثاني مو في وركبته يعني غيرت بلف وركبت بلف ثاني + المروحه + تصليح سلك المروحه + تصليح اللديتر .
اول ما استلمت السياره ..
حاليا السياره تمشي وشغاله لكن ..
اشتغلت هالمبآت كلهـآ في العدآد @_@
ويكتب لي code 95 ! ولمبة الاربآق ولمبة الميكنه أول كانت بس لمبة المكينه قبل ما اغير الاشياء الي كاتبهآ فوق .. اتمنى تفيدوني وبرايكم وش اسوي :(
اروح محلآت الكمبيوتر يسووهآ لآن الوكاله غاليه مره :(
مع العلم السياره لم تتعرض لحآدث ابدآآ :(
يآرب بسيطه -.- بانتظآركم ومشكورين مقدمآ
شوفو الصوره .:
http://images.zm-online.net/images/2014/03/12/lurWoxNO.jpg

.

هلاومرحبا الف فيك اخوي
هل قد غيرت البواجي والكويلات وفلتر الهواء
هذي لها تأثير سيارتي كانت تفتف وكنت مسافر عليها
ويوم وصلت جده ثاني يوم كشفت عليها فحص كمبيوتر
وطلع عندي الكويلات وغيرتها مع البواجي الكلام هذا قبل سنه
وغيرت فلتر الهواء والان السياره ممتازه وعزمها ممتازوصرفيتها للبنزين ممتازه وافولها بنزين 91 وسيارتي LS والحمدلله سافرت فيها مسافات طويله اكثر من 700كيلو في السفره الوحده

فانت شيك عليها كمبيوتر كلها 100ريال وتطلعلك المشكله

السﻵم عليكم ورحمة الله وبركآته

أخوآني سيارتي فيها مشكلة هي طبعا مآشية 66 ألف كروز 2010 قبل شهرين كل مآ أدعس بنزين بقوة يصير فيها تفتفة بعدين ترحع طبيعي في ثواني

بعد فترة كنت مآشي طبيعي ودعست وطلع دخان كثير من الشكمان خصوصا لما ادعس والضغط يوصل خمسة وحاليا احس السيارة تنقص زيت مع أن مشواري قليلة وقبل كل هذآ لمبة المكينة ولعت قبل سنة وتاركها وبعدها طفت اللمبة طبعا قبل ماتصير هالمشكلة من زمان والحين طافية .وديتها فحص وطلع كل شيء طبيعي بس قي خطأ الأمبريزور فيه مشكلة ف مآني عارف

أتمنى تفيدوني