تحويل السيارة من قير ( أوتوماتيكي ) إلى قير ( عادي ) هل يمكن أن تصبح حقيقة ؟

أحب أضيف لك معلومة, لا تفكر أبدًا تغير بنية السيارة عن شد بلدها. ترا و الله راح تتعب مرة.
أنا فكرت كثير بالموضوع, و ما باقي غير إني أصير ميكانيكي من كثر البحث!

واحد من الميكانيكيين المحترفين في مجال سيارتي (بيجو) و هو مهندس و مو سهل, قال لي:
ممكن تحولها إلى عادي, و بتمشي معاك السيارة, لكن ستواجه مشاكل في الصيانة فيما بعد.
و بالإضافة إلى تغيير الأشياء الميكانيكية, فيلزم تغيير الكمبيوتر و الطبلون و (ظفاير الكهرباء أيضًا هذه نسيت أقولها لك). يعني بيصير حوسة في كهرباء السيارة.

و كل شيء له حل أخي الكريم. و مسألة العزم بإمكانك تتغاضى عنها؛ لأن سعة المحرك
صغير عندك 2000 سي سي.

و فكر زين كيف إنك بتحتاج سيارة أوتوماتيك وقت الزحمة و ساعتها تعرف قيمته.

صدقت و الله. و مسألة إن القير بدا يخبط.. شي طبيعي. كل قطعة في السيارة لها عمر.
الحل في التوضيب إذا احتاجت السيارة. و حتى القير العادي بيجي عليه و قت و يتوضب.
لا تحسب إن العادي يدوم للأبد.

أنا سيارتي أوتوماتيك, و صارت مشكلة بالقير.. قلت ليش ما أخليه عادي لأنه عملي أكثر ة مشاكله أقل.
حصلته بالتشليح (قير+عكوس+دواسات+كرسي قير) كله بـ 1500 ريال. أضف عليه أجرة التركيب
مع ضمان 15 يوم. أن قلت تمام التمام ! و القير العادي قومته أحسن طبعاً!
يعني شيء مغري و رخيص.

مو هنا المشكلة. المشكلة أنك تحتاج تغيير:
الكمبيوتر.
الطبلون (لأن قراءة السرعة و دوران المحرك RPM يختلفان تمامًا).

و أسعارهم مو رخيصة حتى بالتشليح.
أضف إلى ذلك: أنك أصلاً تحتاج إلى من يتقن هذه العملية. و هذه أهم نقطة.
زميلي كان معاه كرسيدا 1986 فل كامل, حولها قير عادي. السيارة تمشي ما نقول شي.
لكن فيه فضاوة بالقير, و العزم ما هو مضبوط, و التعشيق مو سهل, و قراء السرعة أعلى بكثير
من الحقيقية. هذا الي أنا اكتشفته غير الي ما عرفته. و راعي دايم يسب فيها.

يعطيك العافيه اخوي طلال بس وش ملاحظاتك ع السيارة بعد ماحولتها ؟

حياك الله أخوي
التغيير من قيرأتوماتيك لعادي سهل جدا بالنسبة للياباني سبق لي إني غيرت الجير من أوتوماتيك لعادي بكل سهولة وسيارتي كريسيدا ومثل ماتكلم به أحد الأخوان في التشليح لأنك تستلم شيء جاهز وليست هناك أي مشكلة أومتاهة فقط لوحة العداد يبقى موجود فيها مؤشر التغييرات وليست مشكلة إلا إنك تغير اللوحة حقت العدادت العايدي
والتكلفة ليست كثير إن ضربتها الحمى 2000 أو 2500 ريال

الله يجزاك بالخير ياخوي

اذا السيارة فيها مشكلة غير واذا ما فيها شئ نصيحة لاتلعب فيها لانو ممكن تدخل في متاهات طويله

الله يجزاكم بالخير جمييعاً ياإخواني أنا تسألت فقط لاني أحس ان القير في بداية تخبيط فقلت اقلبه عادي للأسباب كثيره ..

تغيير القير من اتوماتيك لعادي ممكن واخوي كان معه كرسيدا قراندي موديل 88 وخبط القير الاوتوماتيك وودها التشليح وركب قير عادي من التشليح وهم ركبه له بالكامل من كلتش ودواسه وغيره من اغراض القير العادي يعني استلم السيارة جاهزه كنها وكاله بالظبط اذا كنت في الرياض روح تشليح الحائر
وعلى ما اعتقد اخذو عليه 5000 ريال مع الضمان هذا الكلام من 15 سنة
ولكن اذا قيرك سليم فليش تغيره والتغيير يكون اذا خبط عليك القير 0
وراح تعرف قيمة القير الاوتماتيك في الزحمة وتقول ياليتني ما غيرته0
بالتوفيق