ساعدوني في مشكله اس اس 96

1--اذا عبيت ماء الاديتر (نسم الهواء الي في مجاري الماء ) تحصل مسمار تفكه بسكروب عادي راكب عند الكوع الي في المكينة وخله الييييين يطلع منه الماء وبعدها قفله(تاكد ان اهواز المكيف الحااار) اذا كانت ملغية ماتكون موصلة من المكينة الى الاديتر مباشرة لانها صارت مع واحد اعرفه عنده جمس هربت عليه اهواز المكيف الحار فالغااها ووصله من المكينة الى الاديتر مباشرة وبعد ماشبت الحرارة الغاهم وركب سده
2--احتمال كبييييييير ان السلف فرط من كثر التشغيل او تكون احد سنن الحذاف مكسوره
3--عند واحد من الشباب كابرس 95 وقت التشغيل يطوووووووول وبعد طلبات :a120(115):وحب خشوم يشتغل
وصلت سلك كهرب من البطارية مباشرة الى طرمبة البنزين وشغلت السيارة وعلى طول :xyxthumbs:من اول نقرة اشتغلت وبعد ما اشتغلت فصلته
طبعا الكهرب يوصل للطرمبة ولكنه يكون ضعييييف ولا يعطيها قوة لضخ البنزين
فيه فيوزات وكتاوت للطرمبة لكن ما اعرف وين مكانه بالضبط

4--من ناحية القزوز مجمرة فا ابشرك عندنا نفس المشكلة غيرنا الدلكو والثلاجة والبخاخات والبواجي واسلاك البواجي والحساسات الي في المكينة وبعدها فحصناه كمبيوتر وحصلنا ان ضغط البساااتم اقل من 40% (المكينة مافيها ضغط)
وعلى كلام الكمبيوتر ان الشنابر مودعه ولكن فيه حل ابي اطبقه بس خلني افضى لها وهو اني ابفك الشكمان من تحت (من عند الشعبة) وامغطها خط وارجع اركبه لانه احتمال كبير يكون فيه شي ناشب داخل القزوز
طبعا هذي الحركة طبقتها على كامري موديل 2002 كانت تكتم وبالموت توصل سرعتها الى 140 واذا دعست بنزين وهي واقفه تحس ان المكينة مافيه شي (تطربك)لكن اذا مشت تكتم وبعدها رااااااحت الكتمة
الله يعينك وانشاء الله تحصل المشكلة وتحلها
ملااااااااحظة اذا قالوا لك الورش غير كذا وغير كذا قولهم على مسؤليتكم اذا ماضبطت السيارة

اسف على الاطااااالة
لكن ولله العظيم اني تجننت مع هالمشكلة
تحيااااااتي