سعر الكادينزا بتاريخ اليوم 6-6-1431هـ

ابو الوليد11 @user_166895 · 20-05-2010

السلام عليكم ورحمة الله وبركاته ..

قمت اليوم بزيارة وكيل كيا بالخبر - طريق الملك عبدالله - بجوار فندق كورال

وبعد السؤال عن الكادينزا الاستاندر تفاجأت بأن السعر أرتفع لـ 85 ألف ريال !!

علماً أنني قمت بزيارة نفس الفرع قبل اسبوعين وقالي لي نفس الموظف أن السعر 65 ألف ريال!!

السؤال اللي يطرح نفسه أين حماية المستهلك من هذا التلاعب الواضح والفاضح !

بـ 85 ألف أخذ لي هوندا اكورد سبشل معروفه !

ولا أدفعه في ( كوري ) مغمور !

تحياتي للعقلاء ..

البروفسيور @user_25389 · 26-05-2010

شاف الطلب وسعبل الجبر يوم شاف الدراهم وقال فرصة استغل هالضعوف ليش ابيعهم بسعر معقول الا اضرب في السعر ضرب فرصتك يمكن بكرة تطلع عيوب للسيارة وتطيح بكبدي اكون على الاقل عوضت شوي .
اكيد انه هذا الي يدور في راسه جشع التجار و خاصة عندنا السعودية ماعمري شفت تاجر قنوع الا كلهم جشعين ويحشون كروشهم من استغلال الضعوف حسبي الله ونعم الوكيل

zozo1 @user_68197 · 26-05-2010

ت

تركي تركي

اللي يقول آخذ هوندا أكورد
تراها 4 سلندر ومافيه مكيف ورا
حرام يندفع فيها مبلغ وقدره 90 ألف

أما الكادينزا ومع الضمان الخرافي ومحرك 6 سلندر - 3.5 لتر - 290 حصان أدفع فيها 85 ألف ريال

هوندا أكورد - 6 سلندر = 123 ألف ريال = قيمة كادينزا فل أوبشن بالبانوراما

وحدث العاقل بما يعقل

العقل يقول انه مافي مقارنة بين الكوري والياباني انا اضمن لك الكيا ماتمشى معاك اكثر من 3 سنوات وبعدها انواع الاعطال

(فيزا) @user_96624 · 26-05-2010

انا سئلت الجبر في جدة فرع طريق المدينة يوم 20-5-2010
وقال الموظف
1- الفل بانوراما 118 الف
2- الفل بدون بانوراما 111 الف
3- الاستاندر معروضة لكن لايوجد سعر حاليا وتعال بعد اسبوع تحصل السعر

تارغفر @user_224369 · 25-05-2010

أكيد بيرفعون الأسعار بعدد ما شافو الأقبال عليها

اواكس @user_22747 · 24-05-2010

اسباب ارتفاع سعر السياره بكل بساطه لأن الطلب اعلى من العرض وكل الشركات تمشي على هذا الأساس ولو انفض الطلب عن الكميه المعروضه لابد من تقديم حوافز ومغريات للعملاء وصراحه ان الكوري ديكور سواء للكيا او الهونداي و لاأدري سبب الأقبال على الرغم من ان الغالبيه تشتري بنظام التأجير يعني تدفع فرق بيزيد عم الـ 40% من سعر السياره

sandersawa @user_186256 · 23-05-2010

واالله هبال !!!

20 الف زيادة بأسبوع !!

الله لا يبلانا !!

كحيلان 2010 @user_33230 · 23-05-2010

ت

تيريوس وبس

الخبر الاكيد للأسعار من خالي محامي شركة كيا يقول الاستاندر ب72 الف ريال والنص فل 95 الف ريال والفل 120 الف ريال وانا كلمته اليوم 21/5/2010 م طبعا هذه الاسعار فرع جده

شكرا ً لك ,,,

ولو أفترضنا أن هذه أسعارها فأن هنالك تباين كبير جدا ً بين

أسعار كل فئة وأخرى بالذات الفل العادي بــ95 الف والفل بانوراما بـ 120 الف

يعني الفرق فقط في البانوراما وبينها 25.000 ريال من أجل البانوراما فقط ,,, كثير جداً

وصراحة أنا أعطيها الفل العادي 85.000 ريال والبانوراما 95.000 ريال

وأقيسها على سعر ومواصفات شقيقتها من أبوها وأمها (( أزيرا )) ,,,

تحياتي,,,

مسعود الفضي @user_76274 · 23-05-2010

السيارة غالية جدا

جبال السروات @user_70180 · 22-05-2010

المحتار ههههههههههههههههههه نفس الفرع شارع المدينة حصلي مع الموهافي
معطيني اسعار ما قبل التخفيض وطارحها كأنها الاسعار الفعلية

BEB BEB @user_213186 · 22-05-2010

انا معك اخوي
حتى انا رحت قبل كم اسبوع وسألتهم عن نفس السياره آعلى مواصفات عندهم وقالي 106
واخوي رايح اول امس وقاله 112
لييييش والله ظلم أخذها من الرياض احسن لي
\\

Stallion_1 @user_70742 · 22-05-2010

حرامية ونصابين

اجل يزود سعر السيارة فجأة أكثر من 15 الف !!

قاطعوه وبيعرف ان الله حق

المحتار2009 @user_196958 · 22-05-2010

يا اخوان انا رحت الوكالة قبل يومين يوم الخميس وسألت عن سعر الكادينزا الاستاندرد بــ 77 ألف
قلت للموظف سعرها موب بـ 66 ألف , قال مين اللي قالك انها بــ 66 ألف , قلت له انا اعرف واحد شاريها بهالقيمه , قالي موب صحيح قلت له تكذبني يعني , قلت طيب اذا جبت لك الرجال واثبت لك انه شاريه بهالقيمه وش لي ؟؟؟

قال يا خي مدري عن الاسعار بالنسبة للفروع الثانية <<< صرفها صح
وبعدين انحاش لزبون ثاني ولا ناظرني ثانيه .
اخخخخخخ والله انه قهرني يحاول يكذبني بأي طريقة بس في الأخير صدته والمشكله انه سعودي يعني لو انه اجنبي يمكن ما أشره عليه لأنهم معروفين بهالشيء .

الفرع اللي رحت له فرع السويدي بالرياض طريق المدينة المنورة .

تحياااااااتي

جبال السروات @user_70180 · 22-05-2010

اتوقع هذا سعر قبل العروض عشان يقولو خفضنا
انتبهوا ترى بعض الموظفين يعطيك سعر أعلى أحياناً لأن له عمولة
أنا مرة تسومت الموهافي وعندي علم بسعرها بعد التخفبض ولما رحت لقيت الموظف يعطيني أسعار أعلى بعشرات الآلاف .. لذلك حاول توحيله بأنك فاهم الأسعار كأن تقول تسعرت عندكم الاستاندر قبل شهر باقي اسعارها زي ما هي ولا نزل عرض ثم قله كم الفل وارجع رويس واسأل عن السعر النهائي للاستاندر مع طلب خصم خاص وهكذا ...

تركي تركي @user_115911 · 22-05-2010

[CENTER]التورس ستاندر ب84الف وفيها مواصفات اروق من الروقان مثبت وتكيف خلفي ....
وفوق هذا سته سلندر يعني الجبر يروح يقشر بصل بسياراته اذا لعبه بالاسعار كذااا

لا يقشر بصل ولا طماط
مواصفات الكادينزا ستاندر أطلق من التورس حقك
فيها مثبت سرعة + ومكيف خلفي + ليد أمامي وليد خلفي + قير 6 سرعات + محرك أقوى
وكل هذا أرخص من صديقة الورش FORD وعميلة السطحات

الحاجه الثانية الهوندا الأكورد ياباني 100% وفيها قوة ومتانه واسأل اي أحد قد جربها
صحيح 4 سلندر لكن يغنيك عن الـ 6 سلندر
حط في بالك بعد خمس سنين تبغي تبيع ؟؟
تبي تغير السياره ؟؟
كم تجيب الكادينزا وكم تجيب لك الهوندا !؟

إذا الواحد بيفكر بالبيعه ماله إلا TOYOTA عشاشة رؤس الشعب
ولها زباينها ويمكن ياخذونها منك براس مالها

أحد الشباب معه هوندا أكورد ذات المحرك 4 سلندر وصدم عليها بالرفرف
تدري كم كلف عليها ؟
37 ألف ريال وزين غنه مأمن[/CENTER]

bady @user_38020 · 21-05-2010

أذكر أن أحد الأجانب قال لي أنتم تحصلون على السيارات هدايا قلت له ليش قال أول مايطلع الموديل تشوف الآف السيارات في الشوارع !!!!!
نحن شعب استهلاكي متسرع فوضوي يحب المظاهر وهذه مصيبة جعلتنا مطمع لكل من هب ودب من وكلاء السيارات وغيرها والمفروض أن يتعقل الواحد ويتبصر قبل الإقدام على أي خطوة حتى إنك تجد الكثير يشتري السيارة الفخمة وهو ماعنده قيمة البنزين سواء يالتقسيط أو بالتأجير أو يبيع سيارته وهي في حالة ممتازة بنصف الثمن ولم يتجاوز استعمالها سنة أو سنتين , كل الأسباب السابقة مجتمعة جعلتنا أضحوكة للأمم الأخرى ,فأين ثقافة الإدخار ووفر قرشك الأبيض لليوم الأسود ....

السؤال ماذا لو أكتشف عيب مصنعي في محرك الكودينزا مثلاً كم سيعرض الجبر السيارة وكم سيبيع من إشترى السيارة؟؟؟؟؟

ابو الوليد11 @user_166895 صاحب الموضوع · 21-05-2010

S

Stallion_1

انا ودي تجاوب انت على السؤال

ياخي بعد 5 سنوات ماراح تفرق كثير في سعر النزول بين السيارتين
ولاتنسى ان الكادينزا من البداية ارخص واحسب فرق قيمة الشراء ايضا كما تحسب فرق قيمة البيع وطوال هذه السنين تستخدم سيارة مقتنع فيها مهوب سيارة شاريها من أجل الشعار وخرافات مسكة السعر الغير دقيقة

تحياتي ..

وجهة نظر نحترمها

معروف للجميع وليس خرافة سعر الياباني مقابل الكوري في البيع يفرق

أول وآخراً القرار لك !

لكن مستحيل اثق في وكالة تستغفل زبائنها !

20 ألف أرتفاع خلال اسبوع !

ابو الوليد11 @user_166895 صاحب الموضوع · 21-05-2010

ا

ابو محمــــد

خلوها تصدي

أحسن حل :ch19:

Stallion_1 @user_70742 · 21-05-2010

ا

ابو الوليد11

حط في بالك بعد خمس سنين تبغي تبيع ؟؟

تبي تغير السياره ؟؟

كم تجيب الكادينزا وكم تجيب لك الهوندا !؟

انا ودي تجاوب انت على السؤال

ياخي بعد 5 سنوات ماراح تفرق كثير في سعر النزول بين السيارتين
ولاتنسى ان الكادينزا من البداية ارخص واحسب فرق قيمة الشراء ايضا كما تحسب فرق قيمة البيع وطوال هذه السنين تستخدم سيارة مقتنع فيها مهوب سيارة شاريها من أجل الشعار وخرافات مسكة السعر الغير دقيقة

تحياتي ..

ابو الوليد11 @user_166895 صاحب الموضوع · 21-05-2010

ت

تيريوس وبس

الخبر الاكيد للأسعار من خالي محامي شركة كيا يقول الاستاندر ب72 الف ريال والنص فل 95 الف ريال والفل 120 الف ريال وانا كلمته اليوم 21/5/2010 م طبعا هذه الاسعار فرع جده

أحترمك وأحترم خالك

الأسعار متأكد منها 100% علماً أن السعر تغير في كامل الستتم !

السعر بـ 85 ألف كاااااش

دمتم بود