آخر أخبار وكالة الجبر : تم ايقاف بيع الكادينزا !!!!!!! .

غريب هذا الخبر !!!
السيارة شكلها جميل

آخر المهازل تتصل على الرقم المجاني للجبر ويعطيك سعر الكادينزا من 80 إلى 104 ريال واذا اتصلت على الوكالة قالوا لك تبدأ من 71000 ريال إلى 120000 ريال والنص فل بـ 111000 ريال ثم يقول تراها للحين ما جت في الميناء!!

لاحظوا الفرق بين السياحي والنص فل .. 40000 ريال :confused1:

حلوة يا الوكيل مرة يقول السفينة تقرصنت من قراصنة الصومال و مرة يقول السيارة اسمها اوبروس وحالة معاه

الله يعينكم على الوكيل هذا

الشركة الأم قاعدة تتطور والوكيل نايم في العسل

ماصدقوا جاتهم سيارة ممتازة قاموا واستغلوا الشعب

والشركة الأم يحليلها ما قصرت وتعبت في السيارة علشان تدخلها قلوب الناس

ويجي الوكيل ويضيع مجهودهم بحركاته الغير محسوبة

لا تستعجلون .. ترى الموتر جديد وزادو سعره .. خلوها تصدي .

لاحول ولا قوة الا بالله


وش قصة الجبر و الكادينزا !


اعانكم الله ياعملاء الكيا وعشاقه

للاسف التخبط واضح في شركة الجبر ..

ولا عندهم سيارة بمواصفات خيالية ومو عارفين يبيعونها ويكسبون ثقة العملاء

سلم لي بس على عبداللطيف جميل ..

معاملة شركة الجبر يذكرني بالحديث الشريف :

قال رسول الله صلى الله عليه وعلى آله وسلم: آية المنافق ثلاث؛ إذا حدث كذب، وإذا وعد أخلف، وإذا اؤتمن خان

حيث ينطبق فيهم الآيات الثلاث !

معليش اخوي

بس فعلا الرصاصي هو الرمادي اللي يجي غامق

والفضي هو السلفر اللي يجي فاتح


تصحيح للمعلومه فقط


شكرا لك

السلام عليكم ..
احييك على المداخلة .. انا حقيقة مالي خبرة كبيرة ببيع السيارات لا الجديدة ولا المستعملة ..
بس لما نزلت الاوريون موديل 2007 اول موديل لها .. ولد عمي شراها وبالاستمارة مكتوب عليها كامري .. وقالوا له ارجع بعد شهر او شهرين نعدلها لك .. وهذا اللي صار ..
وانا شاهد على هذه العملية كاملة ..

غير كذا عندي ساب 5-9 .. يعني اسم الشركة ساب واسم السيارة 5-9 .. موديل السيارة لينيار .. مثل الكابريس ال اس او ال تي زد .. هذي 5-9 لينيار .. مسجلين لي اسم السيارة لينيار بالاستمارة :bigggrin:

اللاند كروزر كيف مسجلينه بالاستمارة ؟؟ اسم الشركة: تويوتا .. اسم السيارة GX-R .. ما فيه اي شي بالاستمارة اسمه لاند كروزر ..

وسع صدرك النظام عندنا مرن وغير بيروقراطي وهذا دليل على التحضر والتقدم :bigggrin::bigggrin:

اخوي صلي على النبي عليه افضل الصلاة واتم التسليــم
انا بقولك شي انا والعياذ بالله من كلمة انا
وظيفتي وعملي في السيارات وعارف النظـــام
واللي يقولك انهم سجلو السيارات باسم اوبيروس
اسمحلي كذاب او يصف من راسه
نظــام المرور في تسجيل استمارة السيارات يعتمـــد اعتمــاد كلي على
البطاقة الجمركية والبيانات المدونه فيها
يعني من سابع المستحيلات في البطاقه مكتوب
نوع السيارة كيا كادنزا سيدان 5 ركاب
ويسجلها في الاستماره كيا اوبيروس
وغير كذا ماعمري سمعت عن تسجيل سيارة في المرور
مثلا احنا بعنا سيارات ماجات حتى عن طريق الوكــاله
مثل شيفروليه اكيونكس والكومارو 2010 قبل يجيبها الوكيل
وغيرهم كنا نقدم المعاملات وتتسجل مثل ماهو مكتوب في البطاقه الجمركيه
ولافيه اي تعقيد وموضوعها ينتهي في دقايق
روح راجع الوكاله وقولهم هذا الكلام وقولهم وروني كادنزا مسجله باوبيروس
وشوف كيف بينقلب وجههم
وقولهم عندكم الى السبت سلموني سيارتي والا بشتكيكم عند وزارة التجارة والمرور لانكم ترمون تقصيركم عليه
وباذن الله بتاخذها السبت
خلك شديد وحازم معاهم انت صاحب حق :ch19:

ياشين البزر لاعطوه سياره جديده
ومعرف يتصرف فيها

الله لا يوفقهم كانوا يبغوا يلصقولي اوبيروس قبل نزول الكادينزا بثلاث ايام

مع العلم اني بشتري كاش وقايلهم كادينزا

لكن استخرت

وما ارتحتلهم

والحمدلله اخذت ازيرا احسن بمليون مره ومعروفه ببمميزاتها وعيوبها

بعدها بثلاث ايام نزلت الكادينزا

وش تبي المصدر الصحيح صورة من جواز المدير مسافر برا ...

شي طبيعي يكون المصدر غامض لان ما احد راح يصرح بهالموضوع ..

اخوي انا دفعت المبلغ كامل كاااااش

يقولون السيارات اللي يسلموهم بجدة و رياض هي سيارات سجلت باسم ابيروس في المرور !!!! و المرور حتى الان لم يسجل سيارة الكادينزا !

شوف لي جزاك الله خير تأكد هل السيارات اللي سلموها سجلت بإسم الكادينزا في المرور ؟

و هل احد استلم سيارته من فرع الخبر طريق الدمام ؟

اخوي انا اليوم شايف وحدة طالعه من مخزن الوكالة اللي بخريص
لونها اسود وبتتسلم لعميل

لا حول ولا قوة الا بالله

- صورة مع التحية لوزارة التجارة
- صورة مع التحية لحماية المستهلك
- صورة مع التحية لمكافحة الغش التجاري
- صورة مع التحية لكل من له قلب عشان يميز بين الزين والشين :smilie16:

ويا قلب لا تحزن :blue: