شريت اكسنت 2010 جديده وطلعت مضروبه بالبرد ؟؟؟ أبي حل لا هنتم

ماراح اقولك في المملكة الحبيبة..في مصر بلد المليون نصاب لو اشتريت سياره فيها اي عيب ولو بسيط نروح على جهاز حماية المستهلك و تشكيهم و يرجعونلك سيارة جديدة في ظرف ايام..........روح لهم و قولهم على مشكلتك مارضوا ....روح عالشرطه و اشكيهم والله المستعان....اذا تركت حقك ترى مافي الا انت الي غلطان و لاتلوم عالتاجر......الله يوفقك و ترجعها غصب عن اي حد...نصيحة من اخوك في مصر لا تتهاون في اخذ حقك

بصراحة الشباب كفوا ووفوا في الكلام
شوف يالحبيب روح للمعرض وزي ما علموك الشباب في الردود ما قصروا
بس أنا بأزيد شيء الظاهر انه ما خطر على البال إذا ما رجعت السياره او عوضك بشيء
روح وبيع السياره شوف كم تجيب لك هاذا حل
الثاني مالك إلى حقوق الإنسان بس بطريقتك توثق الرجال على كتابة انها من عندهم وانك ما استكشفت المشكله هاذي إلى بعد يومين من تاريخ الشراء
هاذا من رأيي والشباب ما قصروا ولكم تحياتي :xyxwave:

ردها للمعرض وجب الدوريات وورهم العقد

وانشاء الله ترجعلك دراهمك

الله يكون بعونك

عفوا اخواني تعقيب بسيط

القانون وضع للمغفلين وليس ضد المغفلين

والى صاحب الموضوع

بحد علمي لك الحق كامل انك تشتكي على صاحب المعرض

مثل لو تشتري سياره جديده ويطلع فيها سمكره لك حق تشتكي

والله يكون بعونك ..

روح لصاحب المعرض نفسه وتكلم معه واذا شفته قام يماطل بك رح للشيخ المعارض اللي بالشفاء وقله اللي صار وانك اذا ماجاء حقك راح تشكتكي للمحاكم و تتجه للجرايد.

الله يكون بعونك

لا حول ولا قوة إلا بالله..

جزاكم الله خير على تنبيهنا لمثل هذه المعارض المتجهة لنار جهنم بمشيئة الله..

الإخوة اللي يحاولون التقليل من الأمر، يا إخوه اتقوا الله، هذا بيع وشراء وله أحكام في القانون وفي الدين..
أي قانوني أو شيخ مفتي لو يسأله، بيقول الحق معك 100 %.

أليس من النصب والخداع أن يأتي البرد على السيارات ثم لا يتم إخبار الزبائن بذلك؟

موو انت الحاالك .. في مووضوع قريتهـ بموقع حراج واحد يشتكي االمسكين شاري من معرض الجنوب بحكم انه ارخص معرض على وجه الارض النترا 2009 وجاي يبيعها .. المهم جاء الرجال الي يبي يشتري قال ابي افحص قال له لاتفحص موتري واعرفه ومادقه الشاكووش المهم ..فحص وحصل للأسف الموتر مرشووش كامل ماعاد باابين... ايعقل هذا هو ماصدق قال انتوا وجهازكم نصابين حراميهـ قال له شف بجربه على كل السيارات الموجود وفعل تم تجربته وطلع ان موترهـ مرشووووش كامل .. الا باابين..:smilie16:


يعني لا تستغرب من هذا المعرض

..

بالتوفيق لك واشتك مااضاع حقاً ورااهـ مطالب..

معليش يبوي من قالك ماتقدر ترجعها
الا ترجعها وغصبن عليه

اول شي انت في اليوم اللي شريتها فيه الى الحين ماجا برد ولا شي وهذا دليل معك
وثاني شي اذا قال حنا قايلين لك ومعلمينك قل له بيننا عقد والعقد ماذكر فيه اي شي
اذا رفض تقدر تمر على وزارة التجاره وبيعلمونك في اي قسم تقدم الشكوى
لكن فيه حل انك تقدر قبل تروح وزارة التجاره تمر على شيخ المعارض
اللي هو يقيم الصدمات ويعتمد عليه المرور
الموهيم مر عليه وعلمه السالفه واطلب انه يفزع معك لانك ماتبي شكاوي وخرابيط
اذا مانفع
رح لوزارة التجاره ورح للقسم الخاص في الشكاوي
راح يستدعون صاحب المعرض
واذا مانفعوك واحتمال انهم ماينفعونك الحق لانه مالهم صلاحيات لكن اصحاب المعارض وطقتهم مايدرون
تقدر تروح للشرطه ويرفعونها للمحكمه
لكن نصيحتي لك لاتتنازل عن ريال واحد
وانصحك لاتاخذ منه سياره جديده يمكن يبيعك سياره خربانه ولا فيها صدمات المهم اللي غشك مره بيغشك مره ثانيه
ولا توقع على اي تنازل الا بعد ماتستلم حقك كااااااااااااااااامل انتبه انتبه انتبه لاتوقع على اي شي الا اذا استلمت حقك كامل


انت اول شي حاول بالطرق الوديه
وترا منتب مغفل ولا شي واللي يقولك القانون لايحمي المغفلين يسمحون لي ماعندهم سالفه
القانون يحميك والله يوفقك

رجعها وغصب عنه يرجع فلوسك بعدين واظح ارخص معرض يعني فيها بلا

فعلا انت صادق القانون لا يحمي المغفلين بس يحمي الجشعين والحراميه :a1120(121):

اتوقع انت موقع انك استلمت السيارة بحالة جيدة

بس حاول ترجعها ولا يصلحها لك

السلام عليكم

اولا نصيحه افطر وتغدى وتعشى عند صاحب المعرض لييين يشوفلك حل



اما انك تشتكي معليش صعبه
بتقولهم والله ما شفنا الضربات كانت تحت التجليده ,,,...؟؟؟
الصراحه بتكون باينه

حتى اخوي نفس الحاله .. شرى من المعرض كامري جديده وطلعت محكوكه من ورى
بس ما يقدر يقول شي بيقول لو دليل واحد ما يمديها
مو على بالك اصفار بتكون ما جاها شي
سواء وكاله ولا معارض

بدون زعل ؟؟ بقولك انت واخوي


((( القانون لا يحمي المغفلين )))


ولا تزعل يا حلو :)

الدنيا لازم تنقرص منها

لا هنتو على الردود يا اخوان
شكرا لكم جميعا

سلمت اخوي bady على التوضيح .....وانا معك في الكلام روح للمعرض واتكلم معه باسلوب حلو وشوف ايش الاخره معاه.
الله يوفقك

لصاحب السيارة

في تقديري تذهب لصاحب المعرض وتقابله وتتبع الأسلوب الحسن في الكلام وتشرح له الوضع وتشوف ردة فعله عندها لكل حادث حديث

أخويama عندنا في نجد نسمي التندة سقف السيارة

والله الصراحه موضوع يحير....يعني ممكن راعي المعرض يوقف ضدك او ممكن يوقف معاك ويغيرها لك...لانه ممكن يكون هو ماشاف البرد يوم اشتريتها ويحسب انه انت اللي صار معاك البرد وممكن يكون عارف من اول وخب عليك.
الله يكتبلك اللي فيه الخير ...لكن سؤال بسيط،،،،، تندا؟؟؟؟
اكسنت فيها تندا؟؟ من متى؟؟
ياريت تفيدني بهذه النقطه يمكن قصدك سقف السيارة مو التندا.
وشكرا لك

الله يكون بعونك

رجعها لهم