شباب ابي اشتري كادنزا مشورتكم وفزعتكم

ايضا هناك شئ مهم مع السعر والجوده الا وهو خدمة الوكيل بعد البيع

انا صراحه اشوف الكيا نكبه مو زي وكلاء الهوانداي

سعر الفل كامل 108

ومعك ذلك حتى لو كانت بـ١٢٤ تضل أفضل من غيرها في أغلب النواحي

إلا في حاجتين السمعة وهذي بدأت تختفي والوكيل متوسط .. فقط

جودة - أداء - مواصفات - مظهر - سعر - إلخ .. كلها في صالح الكادنيز

أصلاً سعرها الفل كامل (١٢٤) شويه عليها لو يشتغل الوكيل صح

ما تحصلها دون الـ140 .. سيارة بحجم الـA8 Short وش تبي أكثر.!





أنا مدري من إلي يطبل.!

المواقع المتخصصة بالسيارات تنصح بها

عالم من ملاك السيارة يمدحون فيها

مواقع تقييم الجودة تشيد بها

|1|




ياليت تذكر لنا مواصفات الماكسيما ستاندرد

:)





أعتقد رد أخوي كيا كافي

وبالمناسبة معي سورينتو 2007 (لاعن خيره) والحمدلله ماشي مثل العسل

:)




أخوي عمر أؤيد مجمل كلامك

اللهم مقارنة جودة الأمريكي بالكوري

أسمح لي .. بشكل عام الكوري أفضل من الأمريكي وبعد الياباني في الجودة

مع أن بعض السيارات الكورية .. أفضل جودة من الياباني

أتكلم عن هونداي - كـيــا بشكل عام

:)

عزيزي خذها قاعدة في شراء السيارات ..

الاوروبي: سيارات حتى لو ما تخرب راح تدفع فيها .. شرائها يعتبر ترف لمن لديه قدرة مادية .. ولكنها طبعا لا تقارن بأي سيارات اخرى من جودة التصنيع ومتعة القيادة والمتانة والدقة في التصميم والامان العالي جدا ..

الياباني: قد يفتقر لمتعة القيادة والامان والفخامة الموجودة في الاوروبي ولكنه دائما الافضل لجيبك وراحة بالك .. تشتريه اذا ما كنت مستعد تخسر اموال كثير بعد الشراء ..

الامريكي والكوري: نفس الياباني في متعة القيادة والفخامة والامان .. ولكن اقل بالجودة .. اذا بغيت تقارنهم بالياباني فقارن فقط بالسعر والامور المادية ..

الزبدة:
1- اذا الياباني سعره 120 الف ريال .. الكوري والامريكي من نفس الفئة يفترض ان يكون سعرهم اقل من 100 الف ريال ..

2- اذا كان عندك 150 الف ريال مثلا لشراء سيارة .. فهذا مو معناه انك تقدر تشتري سيارة اوروبية بهذا السعر .. اذا عندك كاش 150 الف ريال اما ان يكون عندك دخل قوي لصيانة السيارة وتحمل انخفاض سعر المبيع في السوق ..
او انك تشتري سيارة اوروبية بـ 100-120 الف ريال وتحتفظ بالباقي للمصاريف ..

كلامك دليل على جهلك بالسيارات الكورية مع احترامي لرأيك

ويبدو انك ما قد جربت ولا سياره من سيارات هيونداي او كيا ..

واقلك وابصم بالعشره لو تجرب تركب الكدينزا الجديده .. بتنسى موترك الحالي وتقول ويين انا كنت غافلن عن هالمزيونه

ربي يهديك لما يحب ويضي ويبعد عن الجميع التعصب والتخلف العرقي :bigggrin:

اكرر يا خوان لا احد يعطي اي رأي عن اي سياره وهو ما يعرف شو هي ولا مواصفاتها ولا حتى مميزاتها .. لانه بهالحاله يظلم شيئ بحساب شيئ ثاني

الله يكون فعونكم

هههههههههههههه وربي الي يعطون ارائهم عن الكادينزا وهم اصلا ما فاهمين شو يعني كادينزا يموتون ضحك وهم عارفين نفسهم كلن بنكه :bigggrin:


ياحبيبي انت وياه الكيا كادينزا اصلا حاليا تقارن بالأفالون وافضل منها من كل النواحي ..

وتقارن بالماكس الجديد 2010 وايضا اقوة منه وتطلع عنه وافضل بالمواصفات

اخوي انصحك بها وبشده لان كيا وهيوندايم ومثل زمان مو مثل 2005

حاليا عندان كيا ريو موديل 2006 وليومك هذا ماشاء الله عليها ماطلبت الا الأمور الاستهلاكية ...

وباقي الأمور كما هي وكاله ومحافظين عليها جدا

ونصيحتي لك شوف اي شخص عنده السياره واسأله خذ لفه فيها جربها

والسوناتا ايضا لا يعيبها شيئ على العكس الجديده فخمة جدا جدا جدا

[SIZE="3"][SIZE="1"][SIZE="5"]والله يابوعبدالعزيز ما ضنيت ان الكادينزا فيها ميزات أفخم من الأودي


[/SIZE][/SIZE][/SIZE]

انا شفت المكسيما في الوكالة فئة الاستاندارد ماكسيما فيها مميزات الدنيا ، تشغيل السيارة بالزر استارت انجن ، فتحة السقف ، ....

لكن الكادينزا الاستاندارد ما فيها هالاشياء

كيا كيا كيا

كان ميزتها الوحيده سعرها راتفع شوي قلنا تراها جيدة

لكن انها تقارن مع سيارات لها تاريخ وتتقارب معهم بالسعر معصي ياناس والله معصي

ماعمري شفت كيا مضى على موديلها سنتين او ثلاث غير اشوف اسم سياره يمشي بس قطعة حديد ملعون خامسها

وشف كيا وهيونداي بالشارع اش موديلتها لو قديمه 4 سنوات وفوق ابصم بالعشرة انها قربوعه تمشي على الطريق

ياناس حرام كفاية تطبيل

صباح الخير.......

عندي تعقيب فقط على أخوي Guitariano :
حياك الله أخوي
وخلني أرد على أغلب السيارات اللي ذكرتها مع إحترامي لك ولأختيارك
أولا بخصوص أن في سيارات بحدود 124ألف ريال أضمن فهذي أنت غلطان لأن أغلب السيارات اللي ذكرتها لا تحمل ضمان يوازي قوة ضمان كيا (( 5 سنوات مفتوح الكيلومترات )) << أنا إنسان عقلاني وتهمني أكثر لغة الأرقام وليس الكوري كوري أو الألماني ألماني

ثانيا بالنسبة للسيارات اللي ذكرتها:
1- الباسات
هذي ياطويل العمر إلى وقت قريب وإلى الآن في بعض المواقع تقارن بالسوناتا والأوبتيما
يعني فئة أقل من الكادينزا ...........
ولو إعتبرناها كذلك ياخي أركبها من داخل وتعرف إنها قبيحه نوعا هذا غير صيانتها المكلفة
2- الأودي A4
سيارة فارهة ولكن حجمها أقل من الأوبتيما
ليه تضحي بسيارة أكبر حجم وبمميزات أفخم وبسعر أفضل
3- الجولف GTI
هذي سيارة ما تقارن أبدا بالكادينزا ولو عليها تيربو يولد 400 حصان
4- BMW X1
هذي فئة مختلفه كليا غير صيانتها ومميزاتها المتوضعه بالفئة الأقل اللي سعرها 130ألف ريال
5- فورد تورس سعرها جدا عالي للفئة كاملة المواصفات وبضمان أقل من الكادينزا
6- ماليبو هذي تقارنها مع الأوبتيما والسوناتا مو مع الكادينزا
7- ماكسيما هذي ما يعرفها الا اللي جربها
8- أفالون والله أستغرب إن في ناس تنصح فيها إلا الحين بعد فضيحتها بالعالم كله
وفوق هذا سعرها فوق 120 ألف ريال وأنا أعرف بعد فتره بمكن لاسمح الله تعلق علي الدعسة..........!!!
9- مازدا ألترا ..................!!!
أول مره أسمع فيها
10- مازدا 6 وسوبارو ليجاسي و الألتيما سيارات من فئة أقل من الكادينزا ولا تقارن لا من قريب ولا من بعيد مع الكادينزا

-------------------

نصيحه لك أخوي وللشباب البقية أركبو السيارة وجربووووووووووووها وبعدين قارنها بغيرها من نفس فئتها الله يخليك

منافسو الكادينزا :
1- نيسان ماكسيما
2- تويوتا أفالون
3- لكزس ES350
4- فورد تورس
5- كرايسلر 300C

بارك الله فيكم
أبو عبدالعزيز

المشكلة أخوي أنك تملك الكادينزا وتنصح بالماكسيما.......!!!!

الكادينزا سيارة قوية و مممتازة

انا عندي الاستاندارد اخذتها بـ 65 الف و السيارة معي عشرة ايام تقريبا الحمدلله ممتازة

بس 124 الف غالي الصراحة لأن هناك سيارات افضل بهذا السعر

انا سألت عن الفل بانوراما عند الجبر بـ 108 الف و الفل بدون بانوراما 106 الف

بس عموما هم يغيرون اسعارهم كل يوم و اسعارهم غير ثابت

نصيحتي اذا حصلت السيارة بـ 105-108 الف خذها

اما اذا بتروح فوق الـ 120 الف انصحك بالبي ام اكس ون او الباسات سي سي او حتى النيسان مكسيما

صدقت والله

أنا أقول كادنزا سياره فوق التوقعات أسئل مجرب أنا عندي السياره و أقووول الى الأمام يا كيا !!!
عندنا بالكويت الدفعات كلها خلصت و قاعد تنباع بالبواخر أتقوولي كوري
قبل 20 سنه كان عصر الأمريكي و قبل 10 سنين كان عصر الياباني و الأن عصر الكوووري الزمن يمشي ....

السلام عليكم

اول شيء اخوي صاحب الموضوع
آحس انك كاتب الموضوع عني
ههههههههههههههههههههههههههههه

ثااانكس نفس آسآلتي ونفس فكرتي

ثاني شيء اخوي Guitariano
تقول اشتر اودي او بي ام انا مجنون او ضربيني على عقلي
اشتري اودي على شوارع الدمام 91 اشوي طاب في حفره انكسر العكس جات حصى من شاحنه انكسر الأصطب اروح اتسلف فلوس عشان قطع الغيار الناااار
او الصيانه بكم 1000 ريال صيانه

ألتيما مكسيما للحين ماشفت احد من اخويائي مدحهم حتى انهم خلوني اشيل فكرة النسيان من راسي
كل واحد جالس سب ولعن في نسيان

مازدا افالون << هذا ماعليهم اي كلام

سيارات صنع امريكي طفشت منهم

بعدين بشكل عام كل السيارات بتخترب على حسب الشخص

وانا ماشوف انه الكوري فيه عيب فادح
لاني اشوف سوقه خارج السعوديه ماشي وله هيبه بس بالسعوديه إللي مسوين قلق كوري وكوري
وقسم لو يسوي عرض كل السيارات الكوريه بنص السعر
لا تشوف الناس تقول حسن وكاله الجبر او المجدوعي

وانا واحد اتجاهي للكيا :bigggrin:
وجربتها ومرررررررررررره عجبتني
حتى لول فيها عيوب ..... حاب اغير عن الياباني والآمريكي
إذا بجلس اتكلم على احسن سياره مافيها خربات
الكاااااااامري وبس سبع سنوات عندي وبتكمل الثمان ومشاء الله عليها

وعلى فكره مافي شيء مافيه عيوب او كامل
((الكامل وجه الله))

(((((مجرد وجهة نظر)))))
تحياتي