هـــنــــــــــــاك فتاة تحتـــاج لمســــاعدة شرح عن ميكانيك السيارات .

اشكررررررررك اخوي على مشاركتك

انا راح اشرح لك مشكلة بسيطة
وهي افيوزات السيارة
طبعا لك افيوز رقم ولازم ما يتعدى ولا ينقص
حسب ماهو مكتوب في علبة الافيوزات
وهناك طرقتين لفحص الافيوز
اما عن طريق مفك يتم توصيل احد اطرافه بالارضي
والطرف الاخر للافيوز ويجب ان ينور المفك لقتحتين الافيوز
واذا ما نور معنا ان الافيوز ضارب
والطريقة الثانية صعبة شوي
وهي ان تخرج كل افيوز على حدا ومشاهدة خطوط الافيوز هل هي متصلة اما منفصلة
وبعدين في المواضيع المثبتة للاخ فني سيارات
مواضيع ومعلومات جدا قيمة حاولي تتطلعي فيها

ومره ثانيه ارجع واقول لو تعطلت سيارتك
تبغين تبيعين وتشترين

من ناحية اصير مكانيكيه <<< فكره والله بس ماراح اعتمد ع المنتدى وبس

اطلاع ومعرفه تقدرون تقوولون

وشكرا شكرا على اهتمامكم !

بالنسبه للموضوع انا ابغاه لعدة اسباب
منها الي ذكرت ومنها اسباب خاصه احتفظ بها لنفسي اذا لم يكن لديكم مانع !؟!

شكرا لك .

يرجى الاجابه على هذه الاسئله من قبل صاحبة الموضوع
لامكانية تسهيل تقديم ما هو مطلوب بالضبط ولطرح
مايختص بصلب الموضوع فقط .

اختي انتي ليش تبغين تتعلمي ؟

يعني ماهو الهدف ؟

تبغين تصيرين ميكانيكيه ؟

تبغين تشترين سيارات وتبيعين ؟

تبغبن معلومات مبدئية تساعدك لو تعطلت سيارتك ؟

أو تبغين معلومات للأطلاع والمعرفة ؟

لأنه على حسب هدفك راح تاصلك معلومات تفيدك لتحقيق هدفك المطلوب .

إذا كنا سنشتري سيارة جديدة لازم نسأل عن ميزة مهمة هذه الأيام وهي مساعدة الطرق، فماذا سنفعل إذا كانا في مكان مقطوع ولا في سفر ولا رحلة وتعطلت السيارة، عندها لازم يكون معنا رقم هاتف مساعدة الطريق الخاصة بالوكيل، وهم يحضرون للمكان المتواجدة فيه السيارة ويقوموا بعمل اللازم ومساعدة صاحبها. وهذي حصلت معي أكثر من مرة. :ch19:
وانشاء الله إني أحاول أقدم المفيد أكثر في وقت لاحق. :smile:

اشكركم اخوااااني ونامل المواااصله في طرح المعلوووومات جزيتم خيرا

من خلال قراتي لردودك عندك عدة استفسارات
اولا معرفة جميع اجزاء سياره هذي شبه مستحيله اني احصرها وخاصه انها تختلف في سيارات الحديثه عن القديمه
وثاني كان عن شراء سياره
وهم يختلف كانت جديده ولا مستعمله
ابتدي في المستعمل
1. فحص السياره من صدمات القويه وخاصه في مقدمة السياره لان خلو سياره مستعمله من اي حادث شبه نادر جدا
2. عدد الكيلو مترات المقطوعه ولها تاثير كبيرعلى سياره لان السياره الماشيه كثير تكون قطعها مستهلكه اكثر مثل المحرك والقير ودفرنش وتوابعها من برنقات وجلد مقصات .....الخ
فحص المحرك المبدئ قبل فحص الكمبيوتر (قبل خساير فلوس ) وتتم بطريقتين
الاولى
دعس القوي على دواست البنزين ونظر هل يوجد دخان ولالا (هذي المفضله عندي
ثانيه
وضع اليد على فتحت العادم (شكمان ) وشمها اذا كان هناك روائح مثل كربون او احتراق زيت
فحص القير وخاصه للاوتوماتيك وما مدى سلاسة التعشيقات وستجابت القير لدعسه
هذا تقريبا الفحص المبدئي قبل الفحص بالكمبيوتر
بنسبه لسيارات الجديده
اولا
انظمة السلامه الموجوده فيها
عدد الوسائد الهوائيه وتفتح على كم مرحله الان موجود منها تفتح على مرحلتين
يعني لا سمح الله صار حادثين متتاليين تفتح الوسائد في الحادثين
نظام مانع الانغلاق وهو خاص بالبريك ABS
نظام مانع الانزلاق
نظام معزز لقوة الفرامل
هذا الي يستحظرني الان وان شاء الله ليرجعه للموضوع

اشكرك اخي الفاضل على اهتمامك

واتمنى فعلا ان يكون المتواجدون والاعضاء متعاونين وفي صلب الموضوووع دائما

اّمل ان يلتزم الجميع بما يرتقي مع قسم الورشه ,
حيث انه قسم لطرح الاستفسارات حول مشاكل السيارات
وانه يوجد اعضاء ينتظرون الاجابه على استفساراتهم ,
وهناك من يعمل ليفيد ويستفيد .

تم حذف بعض المشاركات لعدم ملاءمتها مع صلب الموضوع , وتم تعديل بعض المشاركات حيث لم يكن
داعي لكتابة مثل تلك العبارات التي كتبت , واّمل ان يكون
ذلك اخر حذف واخر تعديل من قبل المشرف لسبب ان بعض
الكلمات او الردود لم ترتقى مع مستوى قسم الورشه .

[COLOR=Red]يتم فتح الموضوع .[/COLOR]

يرجى [COLOR=Red]الالتزام بان قسم الورشه هو للاستفسارات الجاده
عن مشاكل السيارات وانه ليس استراحه للمنتدى .

يغلق الموضوع حاليا .[/COLOR]

*******************

لا لا من جد وأكيد كذا راح تتعلمي...

يعني من الأشياء الأساسيه بالسياره مثلا ضغط الإطارات...والتأكد من أنها سليمه

وإذا كان أي منها يسرب هواء ...روحي لأقرب بنشر ورقعه بــ10 ريال وانتهينا...

ثانيا موية الريديتر وهذي ضروري تتأكدي منها يعني أسبوعيا... وتفتحي الغطاء لما تكن السياره بارده....

انتبهي لا تفتحينها وأنتي توك مطفيه السياره...مشااااكل

وحاولي تستخدمين المويه تكون من أفضل مويات الرديتر...وتزيدين عليها مويه مقطره...تحصلينها عند البناشر ب5 ريال...

مممم

وبعد فيه مشاكل كثير ....

خلني أقولك عن الفرامل لأنها من اهم وسائل السلامه..

لما تسمعين صوت قوي لما تدوسين فرامل هذا إما يكون صوت الهوب يبيله خرط....أو يمكن تغيرين جديد إذا ما عاد ينخرط...

أو إنه صوت الأقمشه وهو الأغلب......والأقمشه قطعه شبه حجريه يركبونها في الهوب وهي صغيره بحجم الجوال...

نجي الحين لزيت المكينه ...ولا زم تحددين الزيت المناسب للسياره من أول استخدام ...

وعادة يتم تغير الزيت ما بين 3000 إلى 4000 تقريبا ...حسب الزيت اللي تستخدمين...

فيه بعضها يوصل لــ 15000 ألف...

وإذا بتغيرين الزيت فيه أيضا قطعه نسميها السيفون ( فلتر الزيت) وهذي موب كل شوي تغيرينها ...

يعني ما بين 3 إلى أربع تغيرات للزيت وتغيرينها....

نجي للسياره للداخل....وبالخصوص للمكيف..

يعني لما مثلا كان المكيف يشتغل تمام...وبعدين ما صار يبرد ...

فهناك أسباب كثيره ....ممكن الفريون انتهى ...وعلى كذا لا زم تعبين فريون أمريكي أصلي...

الفريون الصيني يخرب الكومبروسر....

أو إن عندك تسريب في الفريون ...لا زم تشيكين على الليات ...

وأهم شي فلتر المكيف إذا كان موجود..لا زم تنظفينها بشكل دوري...

ممم فيه مشاكل كثـــيــــــــــر...لكن هذا اللي حظرني الحين...

وأتمنى أكون أفدتك ....

ولي رجعه...إن شاء الله..

تحياتي...

صـــــــــح لساااااااااانكم :)

شكررررررا اخواااني على تعاااااونكم بالمووضووع


انا الي ابي اعرفه عن الامان والراحه والاعتمادية و و و و

وغيره ...

يعني لما اروح بشتري سياره ويتكلم الموظف هناك ويــهذر ويقرق وهو يشرح
ثلاثة ارباع كلامه ما افهمه واذا فهمته ما عرفت وش يقصد او وين موقعه بالسياره !!!!!

وغييييير كذا ابي افهـــم !! ههههه

يعني الله لا يهينكم انا ما ابي اموووور فيزيائيه وهالشغلات العميييييقه

انا الي ابيه اشياء نستخدمها بالحياة اليوميه او لما نودي سياراتنا للورشه

واعتذررر لأني كلفت عليكم
بس رجـــــــــاء كملوووا جميلكم معي :) :)

دي المعلومات ايش تبغيها .. انتي تبي تروحي ورش سيارات ..

يعني اذا تعرفي السيارات من مكاين وشركات وقوه وعزم وسيفتي وتكنولوجيا .. دي المواضيع غالب النقاش فيها .. اما في القطع الداخليه .. فدي تجي معرفتها في الغالب عن طريق المشاكل اللي تطلع للسياره وتروحي تدوري على حلول لها

لكن بس لا تحاولي تتعلمي دا كلو في صفحه وحده .. خليكي مداومه على المنتدى وشوفي مشاكل السيارات وانواعها وايش الجديد .. وكدا راح تكون عندك خلفيه ومبدا للسياره

لانو صعب تحفضي كل شي عن السياره في يوم وليله ..

الأخوات في دول الخليج بما انهم يقودون السيارات فما المانع من معرفة كل ما يخص الميكانيكا والكهرباء وقطع الغيار حتى لا يتعرضون للنصب والأستغلال من اصحاب الضمير المعدوم والمثل يقول اطلبو العلم من المهد الى اللحد
وهو ليس عيب طلب العلم واحسن من قضاء وقتك في شيء لا ينفع وكذلك تأجر على طلبك للعلم 0

يعطيك العافية اخوي اهلا اهلا وهذا اهم شي بالشكل العام ان الواحد يتاكد منه

يعني حسب معرفتي , وحسب رايي :

الانثى بشكل عام بيلزمها تعرف على اكثر تقديرامور
الامان الضروريه بخصوص السياره التي تسوقها مثل :

قبل المشي بالسياره صباحا تفقّد وضع اطارات السياره .
معرفة طريقة فحص مستوى سائل تبريد الرادياتور بمحرك السياره .
معرفة طريقة فحص مستوى زيت المحرك بالسياره .
معرفة حدود مؤشر حرارة المحرك الطبيعيه , وفيما لوزادت
حرارة محرك السياره عن الطبيعي ان تركن السياره جانبا
وتطفي محرك السياره لحين وصول فني اصلاح السيارات .