صلبت مكينة سيارتي وانا بين تغير مكينه وتوظيب

السلام عليكم ورحمة الله وبركاته
مساء الخير
شباب انا ابي استشيركم وزي ما قالو ما خاب من استشار
انا في الرياض امس وانا جاي الساعه 2:30 الضهر شوفو الشمس كيف حاره والله حريقه الجو
طلع صوت في السياره (المكينه) شويه إلا السياره وقفة مره وحده بشغل السياره ولا حتى تدق
ودقية على المرور ابي سطحه ولاكن الاخوان مشغولين الله يكون في عونهم (نص ساعه مشغولين :c0214:)
المهم دقيت على الزملا وعطوني رقسم سطحه وشلت السياره ووديتها الورشه اول ما شاف السياره الميكانيكي فتح الكبوت وعاير الزيت طلع ما فيها زيت ولا قطره المشكله اني مغيره قبل اسبوعين
قالي على طول صلبت المكينه عشان ما فيها زيت
والحين يا شباب رحت لصناعيه القديمه ابي مكينه لقيت كثير وسعارها كالاتي:
1: 3S وقوت المكينه 2000 قيمتها 1600 ريال وهذي ما لها قطع عندنا يعني تخرب ابد ارميها وخذ وحده ثانيه
2: 4S وقوت المكينه 2000 قيمتها كمان 1600 ريال وهذي لها قطع يقولو ( والله مدري اش الفرق بينها احسهم يضحكون علي )
3: 5S وقوت المكينه 2200 قيمتها 3500 وفيه 3000 وفيه 3200 ريال يعني كلها بينت 3000 و 3500 ريال
وفيه ناس قالو ليه خذ من التشليح بس انا اخف منه التشليح لان فيه ناس كمان تقول انه ممكن تكون السياره قريب تخبط وتتورط فيها
وكمان ممكن فيه حل ثاني اني اوضبها وهذا مكلف ونضر لان المكينه مصلبه فستشرة ناس كثير وقالو لي ما تزبط معك
علماً ان السياره كامري مديل 1999
يا شباب تكفون انا في الرياض ولوحدي ومقدر استغني عن السياره لاني دوبي متوظف التكاليف هذي كسرة ضهري وانا مالي في الميكانيكا انا تخصصي برمجة حاسب
فياليت من كان عنده خبره يساعدني