الفزعه ياشباب في يوكن { 2010}

يازين ذكرت انك راعي عيله كبيره الله يخليهم لك وتنقل عفش اجل فيه نقطه لاتغفلها وهي الهيدروليك يعني ترى بعضهم يجي هدروليك والبعض لا انصحك تاخذ هيدروليك مهما تحمل من عفش وحمل ماراح تنزل السياره اسأل عنه اتوقع يجي مع الجنط 20 والله العالم تراه مفيد جداااا

الشمالي بيض الله وجهـك وانا إُخـوك والله يديم عليك الصحـه والعافيه ، بس تدري وش الي محيرني , ان جنط [ 20 ] الكفر فيه مو سميـك ويعـني انا رجال العائلـه كثيرهـ والعفش كثير من ، واخاف ان الكفرات ماتتحمل لان الكفر مو عريض ، بينما
جنـط [ 17 } الكفر فيه عريض ولا ادري لحد الان وانا اتسسائل هـ { الحين }واقول
لو جنط [ 20 ] مايتحمل كان ماحطوهـ في الدينآلي وانتظر رايكـم ومشورتكـم لان السياره بقدم طلبي بعـد يوميـن فقـط فيآليـت تفيدوني للضرورهـ هل الحمل والثقل يؤثر على جنط [ 20 ] ولا الوضع كما في وضع [17 ]
وتحيآإُتي لكـم
:" كـآإُتـَ‘ـم الـَ‘ـود ":

السواقه مافيه فرق كلهم زي بعض جنط 20 و17
نصيحه لاتاخذ شي الا وانت مقتنع فيه ولاتشاووووور لان فيه ناس مايعجبها الامريكي كله ويحطوون 100 عيب وهم ماجربو السياره وناس العكس مايعجبهم الياباني ويحطون فيه 100 عيب السياره جداا روعه مع الخط والتكييف ومناسبة المواصفات مع السعر بالنسبه لجنط 20 اتوقع والله العالم ديكور اكثر من شي ثاني راي شخصي

واي سؤال حنا حاضرين

HMADA_757 يعطيك العافيه يالغالي وبيض الله وجهـك ، وانت من واجـه تجربتـك تؤيـدني اطلع يوكن { 2010 } او اصبرررر يعني انت بالعربي مرتاح لليوكن الي معاك { 2010 } ولا فيه شي مضايقك خلك في محلي وكانك انت الي بتشتري السياره
، وابدي ، لي رايييك لاني وانا اخوك قسم بالله اني محتار ولا ادري وش الزين والانسب ، انتظر ردك وانا اخوك
": تحيآتي :"
كآإتـم الـود

هلا اخوي
بالنسبة للتنسيم انا ابدا احس به من سرعة 110 وانت طالع صوت الهواء فيه شوية وضوح بسبب المرايات الجانبية لانها كبيرة بس مو تنسيم هواء من النوافذ
وموديل السيارة 2010 يوكن XL

HMADA_757 يعطيك العافيه وبيض الله وجهك ، يعني افهـم من كلأآمـك اتوكل على الله واخذ جنـط [ 20 ] من تجربـه مثل ماقالو اسئل مجرب ولا تسئل طبيب ، وصراحـه افدتني وانا اخوك وبالنسبه للشاشه امرها سهل انا الي يهمني بس الجنط واشكر لك مرورك ، وابي استفسر منك فقط بالنسبه لسيارتك كم موديلها ؟ وهل تحس بالتنسسيم في الخط وعلى اي سرعه تبدى تحس بالتنسيـم
تحيـــآإُتي لـك
:" كـآ إُتـم الـَ‘ـودّ":

الشمـآإُلي يآمرحبآ بـك إخوي الغالي { وبالنسبه لصوت الهواء هذا هو الي مانبيه }

وابي اسئلك يـ { اخوي } الشمآإلي لحظـة فرق في سياقـت جنـط [ 20 ] و [ 17 ] من ناحيـة الراحـه ؟ وبـ النسبه للمطبـآإت هذي امرها بسيط ويعطيك العافيه على مرورك ونورت موضوعي بطلتـك يآسسنآيدي
مع تحيـــــــآ إُت
": كـَ‘ـآإُتـم الـَ‘ـودَ:"

السلام عليكم
اخوي بالنسبة للجنوط انا ماجربت السيارة في البر بس داخل المدينة السيارة راسية بجنط 20 و حتى المطبات ماهي بهذاك السوء بس بتجربة سيارة مقاس جنطها 17 اريح في المطبات من 20
اما شاشة الملاحة الموجودة عندي انجليزي وانا ماحاولت اجرب اعربها يمكن تتعرب
بالنسبة للمراتب شوف اللي يريحك بالنسبة لي عندي مراتب جلد و حطيت عازل من 3M والسيارة المراتب الأمامية فيها تبريد فماعندي مشكلة مع الجلد (بالنسبة للتبريد يمكن عند الجميح بس وما ادري عن العيسى تأكد منهم قبل لا تاخذ الفل )
اما الوكالة فسيارتي من الجميح ومارحت لهم الا في صيانة ال 1000 و ماشفت اي شي عليهم كانت خدمتهم عادية يعني ماهي سيئة زي ماتوقعت (طبعا اتكلم عن فرع بريدة)

واي سؤال اخوي ماعندي مانع

افيدك باللي جربته السياره راسيه وماعليها كلام لكن مشكلة صوت الهواء مرتفع
جنط 17 اريح من العشرين في المطبات وفي الخط جنط 20 ارسى من ال17
جنط 17 ارخص

الكلام من تجربه انا معي يوكن جنطه 17 -2009 وصديق لي 2009 جنط 20 وجربت السيارتين

يعطيك العافيه يـ { أبـ،ـ،ـ،ـ،ـو إُيــآإُد } وبيض الله وجهـك ،، ونشوف إُرى الاخريين ويشرفني مرورك يالغالي ، إُخوكـ ، كآإُتـم الـُ‘ـودَ

أهلين يا كاتم

أتوقع المعلومات اللي فوق هي أحد مشاركاتي القديييييييييمة

أحب أعلق على بعض الحاجات

بالنسبة للجنط 20 فهو ينفع وبقوة للطعوس وأدائه من اروع ما يكون وهذا الكلام من تجربتي الشخصية ( بس إذا غرز فلابد لك أن تنسم الكفر ) وأثناء التطعيس يستحسن إنك تنسم الكفرات عشان ترتاح السيارة من المطناج
الشي الثاني بالنسبة للجنط 20 فغير مريح داخل البلد مع المطبات وسعره حالياً مناسب .

وجنط 20 يعطيك رساوة خيالية للسيارة

-----

بالنسبة للمخمل والجلد فأنا أشوف المخمل أريح من الجلد , ولكن الجلد أفضل بالشكل و بالتنظيف