100 الف ريال سعودي .. وش تجيب لي موتر محترم وكالة ؟؟

السلام عليكم اخوي نصيحه من اخ لـ اخ ابعد عن الكوابرس والومينات حق خط اعطي الخبز لخبازه الفكتوريا رقم واحد بعدين تجي الخرابيط الثانيه اورين مأورين تبغا لعشر سنين الفكتووووريا والماركييز دامك خطوط وكرف وسلامتك وابعد عن الكابر والومينات ابعد ابعد ابعد

اخوي العزيز مايبيلها كلام سوبارو لجاسي 2011 زيد فلوسك 2000 ريال وطلعها وتوكل على الله

يعطيكم العافية ياشباب ..

ماقصرتوا كفيتوا ووفيتوا ..

تم اختيار السيارة المناسبة ونسأل الله التوفيق والعفو والعافية ..

اللهم بارك له فيما أخذ واعطه من خيرها واكفه من شرها ..

الاغلبية اختارو فكتوريا 2010

وهذا اللي كنت باقولك

وربي كنت باسوي نفس الموضوع بس سبحان الله
انا نفس الكلام

ونويت على الفكتوريا



والله يرزقك بالسياره اللي تريحك وتريح جيبك

هوندا أكورد بدون منازع

ياأخوي لاتحكم على شي ماجربته اتحداااااك لو جربت الومينا أو الكابريس بس تسمع من الناس... لايهمك احد الومينا والكابريس من أفضل السيارات العزم والقوه والراحه والرفاهيه وخاصة موديلات 2007 وفوق وطبعا اس اس كلام ثااااااني من عالم القوه والعزم... بالتوفيق أخوي...

نصيحتي لك خذ لك تشارجر sxt وسعرها 103 الف

او خذ لك اكورد فل كامل و6سلندر وريح راسك

انت تبي امريكي امريكي وسيدان فما اقولك الا ماليبو 2010 ltz فل بشاشه جنوط 19 او 20 اللون اسود وداخليه بني مع بيج تطلع خيال وترا الشاشه مثل شاشه الدينالي اطلبها من الوكاله ما يقولون لك لا بس اهم شي الكاش وجربها وماراح تندم قياده صراحه فوق الوصف راسيه وعزم حليوو وفخاامه

تبي نصيحة خذ لك أفالون بصراحة صح تتعدى فلوسك لكن
هي أطلق من الاوريون شكلا وفخامة وأعتقد حتى في الخرابات أحسن
وسيارة سعرها تستاهل بعكس الأوريون
يكفي النصب عندنا ااألأرويون هي الكامري لكن أفالون محترمة وحلووووة في الشكل والطريق ماشااللله الكل يمدحها

بقي ان اذكر

جيب مازدا 2010 cx9

سيارة ذات دفع رباعي موزعه على الكفرات الاربع يعني دفع رباعي

للثبات على الطرقات وليس للأماكن الرملية والوعرة وإن كانت تؤدي الغرض

وتجمع بين سيارة سيدان وسيارة جيب كونها مرتفعه قليلا

شكل جديد وعصري

ضمان ممتاز وصيانة رائعة

وسيارة يابانية 100%

انت بالخيار اما جديد الفئة الأقل ممكن فوق 100 قليلا

او مستخدم خفيف جداً فل كامل راح تحصله بـ 100 او تزيد قليلا

بالتوفيق

نصيحة اخوية

ابعد عن الكابرس واللومينا قدر الإمكان

اذا كنت تبي تريح جسدك ومالك

والباقي تخير فيها

والله يوفقك في السيارة الي تسر خاطرك

تحياتي

ها بشر وش رسيت عليه؟ :)

لو اني مكانك بينحصر اختياري من احد السيارات هذي

1- كابرس LTZ V6 او LS V8

2- فورد تورس اقل فئة

3 - نسيان ماكسيما اقل فئة

وغيرها ماراح اختااارررر

بالتوفيق :)

بدي الاسعار صراحه الـ

* ماكسيما 2011
* فورد توروس 2011

بدون أي منازع..

ولد عمي توه مطلع فورد تورس

ماشاء الله تبارك الله

حلوه

مر عليهم وشفها

وقيمته 98 الف

ماخذ الفئه الثانيه

كراون فكتوريا حلو

تورس SEL 96,000

وذا تبي تقتصد اكثر فيوجن SEL 86,000

رح لوكالة فورد صالة غرناطة مخرج 8

وجرب قيادة السيارتين

وقلي رايك

ونصيحة بشكل عام لا تاخذ سيارة إلا مجربها لو على الاقل 10 دقايق

مب عشان العزم والمكينة والاشياء هذي لا لا مهما كان ماتقدر تحكم

ولكن عشان المركب والكرسي ووضعية الطارة

للأسف كثر ناس اعرفهم اول مرة يسوقون السيارة عند الاستلام

والله يوفقك لكل خير

نصيحة اخيرة (مافيه اي موتر يعيش الحين اكثر من 5 سنوات مثل اول لا ياباني ولاكوري ولا امريكي والسيارة الجديدة منتب شايف منها إلا كل خير اول ثلاث سنوات مهما كانت فلاتحتار واجد واستخر وخذ الي يطيب له خاطرك وكل المواتر اولها تويوتا لاجيت تبيع يطيح سعرها اسأل مجرب شرا وباع 9 سيارات على مدى 15 سنة الي يمسك سعره ومب واجد يعني تفرق ب 5000 تقريبا اللاندكرورز فقط)

سلام

بانسبة للياباني خذلك مكسيما 2010 او اوريون 2010
او بانسبة للامريكي خذلك كابرس LTZ 2010
اما بانسبة لدفع الرباعي انفوي من شركة جمس 2010 بس اظن بيتغر شكلة 2011

مشكور اخوي على المشورة الطيبة


بس ودي اعرف وشلون دخل الخيار رقم 4 بينهم ؟؟؟؟؟