مشوره في شراء كراون فكتوريا 2010 , وماخاب من استشار

ابوي اشتر وانت مغمض بعدين لاتستعجل اصبر شهر اكيد فيه عروض العيد وتنزل اسعارها شوي وخذ اللون الذهبي مره مرغووووب واذا على الجناح اخذه من الغرابي وركبه غراء في الصناعيه عند اي سمكري تركي لاتخرم البدي عشان جناح الاتراك اشتطر عليه يحط غرى قوي مره عشان مايطير عشان بعد عمر طويل بتبيع الا تفك الجناح بيدك ولا يخرم لك البدي

بالنسبه لفصلة الكمبريسور وانت تدعس وترجع بعد 3 ثواني يشبك الكمبريسور هذي ميزه عشان ماينعدك عليك الكمبريسور وترى السياره رساوه والله انك تحس انك مصيطر ع السياره بالمنعطفات انا عند ماركيز 2008 وله معي سنتين مااشتكيت من شي وفيه واحد مع فورد 2008 ماشي فور 260 الف كم والمحركاته سليمه استاندر ذهبي مشالله عليه والله تشوف السياره تقول ماتعدى 30 الف وهو حق خطوووط ومحافظ عليه من السافي ... انا مااقول غير الله يطعمك خيره ويكفيك شره واحسن وكيل ترى الجزيره قطع رخيصه ومتوفره

الحين نزلوا توروس وانت تفكر بالفكتوريا ؟

الشكل بيتغير كامل ...اقرا وش الصور اللي بالنت...تقبل مروري

شف اخوي اذا انت انسان تحافظ ع السيارة
انصحك فيها ... سيارة ممتازة وما فيهاا اي عيوب من الذي
مذكور.اسأل مجرب ... ومسألةان 99 مثل 2010 هذا مهو عيب اذا صار
شكل السيارة حلو وجنوط سبورت ووقفته تكفيك .. بالتوفيق اخوي.

الشكل نفسه مهوب متغير يمكن اخر موديل 2011

موتر ماعليها كلام ماشاء الله تبارك الله اتكل على الله وخذ لون يفتح النفس

والله اذا تبي نصيحتي ماشا الله والله راحه وشكل وامان وكل شي بس لوتنتظر شوي
تشتري 2011 شكلها تغير بالكامل...تقبل مروري

الله يوفقك بالسيارة يعطيك خيرها ويكفيك شرها

ماانصحك تشيل الفصلة , ماحطوها عبث

استغرب من الاخ الي يقول تربيط كل سنه .؟؟؟؟


انا معي وحده موديل 2003

والحمد لله لنها معي سنتين وما شفت هالعويب الي يقولون عنها اغلب الناس

المكيف جيد جدا وزي اي سياره امريكيه

والرساوه اووووه اطلق شي

يكفيك انك تمشي 180 وتحس انك ثابت بالارض

ولا يجيني واحد موتره مفقعه مساعدات وياياتها منعدمها ويبي الموتر يكون راسي
واي موتر يحافظ عليه يعيييش

والي كلفني في هالسنتين احسب معي

طقم كفرات بـ 1550

وفحمات وعلبة زيت للفرامل << لانها انشقت وترا موديل الموتر 2003
1000 ريال مع شغل اليد

وزيت قير وفلتر وصفاية بنزين وشداد للسير وسير وفلتر هوا

زيت القير غيرته مرتين من يوم ما شريت السياره

كلفني تقريبا مع شغل اليد 1200

وبس

والموتر ماشي 150 الف الان

ولله الحمد رووووعه والحين الوالد يستخدمه ولقا فيها الراحه اكثر من الجمس

توكل على الله
السياره مايحتاج اثبتت نجاحها
سهوله في الصيانه قطع متوفره في كل مكان
الراحه فيها ياسلااام بتقعد معك 10سنوات او اكثر

نصــــــــيحة لوجه الله أخوي لا تشتري الكراون فيكتوريا إذا تبغا النصيحة ، أنت صاحي أنت ؟؟
و الله ما أدفع فلوسي في سيارة الناس ما يدرون هي 99 ولا 2010 ، لا تقوللي ولا أقللك مدام باقي في يدك الفرصة لا تشتريها ، السيارة هذي مستهلكة ، تعرف اش يعني مستهلكة ، يعني أكل عليها الدهر و شرب ، أخذت زمانها و انتهت ،والله لا داخلية زي الناس داخلية سيارة 89 ولا 80 ، و لا سعر مناسب و حتى قومتها على كبر مكينتها زفت في زفت ، تصرف بنزين بالفاضي ، مكيفها زفتين بعد ، السيارة يبغالها تربيط كل سنة و نص على الأقل من الصدام للصدام ، و كبيرة مرة بالفاضي ، و إذا على الراحة ياللي تقولون الكراون فيكتوريا مريحة خذلك كاديلاك موديل 84 مافيه زيه في الراحة وانتهينا ( هذا إذا تدور للراحة ) ، السيارة كانت فائقة الروعة و رقم واحد زمااااااااااان و انتهت ، تبغا تشتري خذلك سيارة متطورة شوي ، و أكثر ما كثر الله أنواع السيارات .
و شكرا على اتاحت الفرصة ، و هذا نصيحة أتمنا انك تفكر فيها .

انا هاليومين اسوق واحد موديل 2002..
ياخي هالموتر ماشاء الله... الكرسي مرييييح والموتر هااادي.. له اسبوع معاي ومدري اول مره الفورد يدخل مزاجي

افكر اشتري واحد مستعمل للخطوط!! ماينفع اللا هو لشوارعنا المحفره

أشكرك ميشو ع رايك
وأنتظر المزيد

من جدك تشتري فورد 2010 جديد وهو من 99 نفس الشكل خذ لك مستعمل ووفر على نفسك

والا اذا تبي نصيحتي لاتشتريه الموتر الامان فيه 0 وناعم جدا احلى مافيه الراحه اما رساوه لا

خذ لك فيوجن افضل اولا ارخص ثانيا فيه مواصفات ممتازه ومنها 6 ايرباقات + نظام التركشن + abs والوسط عليه عرض ب 71 الف

يعطيك العافيه اخوي الولهان وشاكر لك ماكتبت
وانتظر المزيد من الاراء ولاتبخلون علينا ياأعضاء المنتدى بالمشوره