السلام عليكم ورحمة الله وبركاته...
أخواني أعضاء منتدى السيارات...اليوم قررت أروح أصلح السياره الفورد..السياره طال عمركم المكيف مايبرد+ الأنوار مطفيه مو راضيه تشتغل...
المشكله الأولى: ( المكيف)
طبعا فجأه وبدون مقدمات المكيف صار حار ومايبرد..رحت عند حقين الفريون قال لي لازم نشيك يمكن فيه تهريب..قلت له أوكي بكم؟ قال لي بـ50 !! قلت طيب يالله..وبعد ماشيك..قال كلش تمام مافي تهريب بس فريون ناقص لازم عبي..قلت: محمد هزا فريون مافي يخلص كذا لازم فيه تهريب..
قال: لالا ممكن يخلص من قول مافي يخلص؟!! ( بيني وبين نفسي قلت له الفيزياء تقول) المهم..
عبى فريون وكلش صار تمام..وبعد أيام قلت والله طلعت الفيزياء طل ماعندهم سالفه..الأمور كانت ماشيه تمام..وبعد أسبوعين الا المكيف تدريجيا بدأ تبريده يقل..رحت اليوم الورشه وقال لي الفني الفلبيني:
هذا ممكن الكمبروسر أو الثلاجه..قلت طيب كيف معلوم؟!! قالي لازم نسوي تشييك..قلت خمسين؟ قالي ايه..قلنا توكل..
وبعد ساعه جاني قالي الثلاجه عندك فيها تهريب لازم تغيير..طيب بكم؟!! قال شغل يد 800 ريال والثلاجه سعرها مادري عنه..بس قالوا لي أنه مابي 450 الى 600 ريال أنا شيكت موقع فورد على موديل سيارتي فورد 2004 طلع الثلاجه سعرها 623 ريالا.. وش رايكم؟!!
المشكله الثانيه:( الأنوار)
طبعا هذا عيب في كل سيارات فورد..هذي طال عمركم ينقال لها Light Control Module أو دائرة التحكم بالأنوار..قلت لها كم شغل يد قالي 200!!! قلت وبكم القطعه قالي يمكن 500 ريال...رحت شيكت موقع فورد وطلع أن سعرها 1533 ريال؟؟!!! مبلغ جامد..
يعني يطلع علي سعر تصلح السياره + شغل اليد =800 + 550+200 + 500 =2050 ريال
وش رايكم بالسعر؟؟!! أحسه غالي بالحيل..الورشه طبعا أسمها السعاده الي على طريق الملك عبدالله بالرياض...
آسف على الأطاله بس والله من الحوسه...وأبي مشورتكم...
تحيتي لكم جميييييعاً
م.حسن...
