هوندا بايلوت 2011 (تقرير مصور)

هلا بك يابوسمرة وابشرك بعد الغاز دخلت المدارس على الخط ومشاويرها الله يعين:) وبالنسبة لترافيرس فعلا هي نسخة شيفروليه من الأكدايا (التابعة لجي ام سي) وقد تتفوق على البايلوت بكم حصان من ناحية قوة المحرك اما باقي المواصفات فلا أعلم ولكن انت وذوقك والله يكتب الخيرة ..


أنا اعرف ليش السيارة ليش ما دخلت مزاجك ، لأن هوندا بدأت واشتهرت بالسيارات الصغيرة (أكورد ، سيفيك ، ستي) لذلك انت ما استسغت انها تصنع سيارة دفع رباعي لثمانية ركاب :)


ولك الشكر على مرورك وتشريفك للتقرير ، ولكل خيار ميزات وسلبيات تعود لذوق المستخدم

الفل بــ 144 الف ... اعتقد هناك خيارات أفضل بكثير منها .. وفي الأخير نتفق أن لك بضاعة لها زبائنها .. خالص الشكر لك

بالرغم من أن السياره ما دخلت راسي ما أدري ليش لكن احترامي لهوندا دوما و أبدا

تقرير جميل يا بوراكان واصل وحنا معك الله يعطيك من خيره ويكفيك شره بالتوفيق

على فكره عرض علي احد الزملاء سيارته وهي من نوع ترافيس شفروليه نوع جديد على كلامهم اخو الاكاديا وسقته لابس جديد بس البايلوت اريح في القياده ميزته بالنسبه للترافيس انه سبورتي شوي يعني يسوقه الشباب عادي

والله وصرت في حيره بس خاطري في البايلوت فيه احد يمدح الترافيس يا شباب

اذا كان احد جرب الترافيس يعطينا خبر رغم اني ارجع او البايلوت افضل في القياده وريح

المعذره يا بوراكان فتحنا موضع بس للافاده لي وللجميع

قلي فيه غاز الايام هذي ولا لا ههههههه

فمان الله تحياتي لك

سعرها نفس اللي في أمريكا حتى بالاكسسوارات ،، وفعلا في أمريكا تأتي أربع فئات وكل فئة تقدر تختار إما دفع رباعي أو ثنائي! يعني في الإجمالي عندهم ثمان فئات وغير كذا تقدر عن طريق الموقع تصمم سيارتك الخاصة يعني تضيف اكسسوارات وتشيل أخرى على مزاجك يعني تميز سيارتك عن غيرها ، بس هذا كله مو عندنا ، لأن حضرة الوكيل يجيب فئتين كلهم دفع رباعي وحدة مخمل بدون اكسسوارات والثانية جلد باكسسوارات مختارة ومحددة مسبقا وبسس!


أخي الكريم ،، ما معنى كلامك الذي ميزته باللون الأحمر؟؟ كأنك ما فهمت ان البايلوت دفع رباعي! وبعدين ما هو (لكلوزر) ؟؟ هل تقصد لاند كروزر والا ايش ؟

بصراحة السيارة معجب بها شخصيا لهيبتها وشكلها الرائع
يعني اللي يشوفها بيقول صغيرة لكن ماشاء الله تستغرب برحابتهاالرائدة
واحسها بنفس الدودج نايترو بالدبل
وماشاء الله ارتفاعها ممتاز
لو يتم تزويدها بدبل دفع رباعي مثل لكلوزر بيكون رائع
والسياره لها انتشار
وقوية
والهوندا معروف بهذا الشي

الله يعطيك من خيرها يارب
وتستاهل التميز يامتميز

يعطيك العافيه على التقرير فعلا سياره جيده ومميزه لاقتنائها
بس ياااخي سعرها واجد غاالي وتلاقيها في امريكا بعدة فئات مو مثل عندنا فئتين بس ولا تيجي بشاشه وحركاااات وبلوتوث يعني 140000 ومافيها ميزات هذا عيب وكلائنا مشكووور

ممتاز البايلوت

مواصفات و شكل جيد

لاكن غالي بعض الشي 150الف ريال للفئه الاعلى

مشكور أخوي وماشاء الله مايحتاج ولكن اللي مايعجبني فيه الجير

مشكور يا صلوح على مرورك ومبروك للوالد والله يطعمه من خيرها ويكفيه شرها :)


الله يبارك فيك ، وأعتقد أن الغلاء طال كل شيء! وحتى لو كانت قطع غيار الهوندا أغلى من غيرها فتبقى لها جودة تغنيك عن تغييرها فترة أطول من غيرها وأنا مجرب الأكورد 11 سنة وأشهد على هذا الكلام ..


من السلبيات الحقيقة أني ميدالية مفاتيحي هو مصدر الإزعاج الوحيد في السيارة :) وشكلي بحط مفتاح السيارة لوحده في ميدالية ومفاتيح البيت في ميدالية ثانية واخليها بجيبي :) ولله الحمد العزل في السيارة جيد ولا تسمع صوت الهواء أثناء المسير ولا تسمع صوت المحرك بشكل مزعج ، ولعلي وجدت من السلبيات بعض الأشياء البسيطة : مثلا مقياس الحرارة ليس مدرج بشرطات بسيطة بحيث يلاحظ السائق التغير الطفيف في الحرارة ، أيضا يوجد سلبية عامة لكل الجيوب (وستزول مع تعودي على السيارة إن شاءالله) ألا وهي عدم معرفة بعد أطراف السيارة عن السيارات الأخرى والأشياء والجدران لكن يوجد حساسات تساعد في ذلك ..


ملاحظتك في محلها والوكيل مقصر في حق السيارة للأسف :(


آمين ومشكور على مرورك


أبو سوسو أحترم وجهة نظرك لكن درج واحد ما يأثر كثير على سيارة حلوة :)

انا مار الوكاله اليوم وشفت الموتر الصراحه عيوبه كثير مثل الداخليه تصميم سيئ جدااا من الداخل ووضعيه الرفوف فوق الدرج تضيق مكان الرجول للراكب مرررره
وعدم الفائده منها

ماشاء الله
الله يعطيك خيرها ويكفيك شرها

السيارة هوندا وهي ابداع بمعنى الكلمة وانا اعشق هوندا والسيارة لو تلاحظون يعيبها شي واحد فقط هو تحسين بسيط وانسيابية في الوجه فقط وايضا دعاية للسيارة ولا السيارة انا مجربها دفع رباعي بمعنى الكلمة وممتازة جدا وقوية قوة خارقة

ماشاء الله تبارك الله

سيارة قمة في الروعة والجمال

ومناسبة للعوائل

وصرفيتها ممتازة

والانظمة اللي فيها ممتازة وتخلي السايةر تتفوق على كثير من المنافسين

.

لكن بما انك جربت السيارة...كيف عزلها ورساوتها والسلبيات اللي واجهتها

وهل هي تستحق الاقتناء...

.

والف شكر لك على التقرير المفيد والرائع

ومبروك عليك السيارة ^^"

وتستاهل 5 نجوم :smile:

سيارة جميله جدا بكل هذا الكم من المواصفات
مايعيب سيارات هوندا سعر قطع الغيار المبالغ فيه حتى للموديلات القديمة
الف مبروك اخوى ومشكور على التقرير

ما شاء الله

الوالد كآن ناوي عليها بس توكل ع الله واخذ تاهو

يعطيك العآفيه يالغلا .

الفئة الي في الصور أعلاه فل جلد وسعرها 144900 ريال وهي أعلى شي عند الوكيل السعودي عبدالله هاشم بينما يوجد في أمريكا أعلى منها فئة touring



ماشاالله ياخي مدحت السيارة ومدحت راعيها وما قصرت :) عز الله كبرت راسي ،، الله يسلمك ويطول عمرك ههههه

افضل سيارة دفع رباعي للاستخدام العائلي ..
احترم البايلوت كثير .. واستغرب اني دائما اذا كلمت الناس عنه محد يمدحه .. مع انهم ماعمرهم جربوه ..
هذي السيارة فيها راحة وعملانية عجيبة جدا ..
انا استغربت منها على الرغم من حجمها الصغير الا انها تجي بكرسي ثالث واسع ومساحة الاقدام (الله يكرمكم) واسعة وتكفي شخص بالغ بسهولة ..
امر ما تجده بسيارات اكبر منها مثل اللاندكروزر واليوكون والتاهو والارمادا ..

امر اضافي مهم .. السيارة تسارعها ممتاز جدا جدا .. لدرجة انك تستغرب ان هالقوة تطلع من سيارة دفع رباعي بهالحجم ..

وجودة المواد الداخلية زي ما تعودنا من هوندا .. لا اصوات ولا قرقعة .. رغم ان اللي جربته كان موديل قديم يمكن له اربع او خمس سنين ولكنه شاد نفسه ..

الشخص اللي يشتري البايلوت تعرف انه شخص حدد احتياجاته بدقة ودور بالسوق الى ان حصل سيارة تعتبر الافضل في فئة الكروس اوفر العائلي ..