السيارات الجديدة "كراتين" مقولة دائم نسمعها

انا معي ميركوري قديم موديل 93 صدمت ابيكا 2008 مع الباب على سرعة اتوقع 40
كنت بالسوق
المسكين بابة دخل جوا اما انا الاصطب انكسر وصار فية مخش يالبوية

يعني السيارات الجديده بشكل عام أحسن من القديمه وأقوى منها

مستحيل يمكن السيارة كلها سمكره وحديدها ضعيف :bigggrin: الله يكفينا الشر يا رب وعلى فكرة السيارات القديمة في الحوادث اللي على سرعة خطيرة مرة لكن الصدمات في حدود سرعة 60 -80 مسكين اللي بينصدم سيارته بتروح تشليح وقانا الله وإياكم من الحوادث ومصارع السوء

بالفعل مواصفات الامان اعلى حاليا
فكيف تجد سيارة قديمة تمشي 250 مثلا
بس هذا كله وهم ناس تموت
هو العيب بالبشر مو بالسيارة

أخوي المقوله ذي ما تقاس على سرعة 200 كيلو في الساعة .. حتى الباص لو صدم بالسرعه العالية ذي ما سلم لا الباص ولا راعيه ..

المقوله هذه يقولونها الشيبان في الغالب .. لأنهم بطبعهم محافظين على سياراتهم وملتزمين بالقيادة المرورية السليمه .. لكن يتفاجأ صاحب السيارة الجديده أن سيارته رجع عليها واحد وصدمه صدمه بسيطه إلا أن الصدام طاح .. وإلا الرفرف أنطعج وإلا الأسطب نقز من مكانه وهذه تحدث في السيارات الجديدة يعني تحس الأسطب مو ماسكه شي .. بينما السيارات القديمه اللي بيلتزم بقوانين المرور ويحافظ على الموتر بيعيش معه حتى لو حصلت له دقشات بسيطه الموتر ما يتضرر وإصلاحه بسيط وغير مكلف .

نقطه أخرى : اللي يقول أن السيارات الجديده آمنه أكثر من قبل .. لا تقيس على هذا الفيديو فقط واليوتوب مليان من حوداث السيارات الحديثه .... أنا ما أبي أنزل مقاطع لحوادث لناس ما أعرفهم ولا يصلح ذلك .. لكن اليوتوب أكبر شاهد على إنعدام سلامه السيارات الحديثه

والمعذره على الإطالة

السيارات مهي زي بعض يعني مهو كل السيارات الجديده كراتين يعني عندك فرق بين كامري 2009 ومرسيدس 2009 فا ماهي كل السيارات الجديده كراتين
شوفو التصنيع حق فورد تورس كيف الامان مع انها2010

ومعليش على الاطاله

السيارات القديمة قوتها في الحديد و اذا صار حادث على 20 او 40 ما راح يتضرر كثير مثل السيارات الجديده

لكن الاشكاليه في سلامة الركاب و المغزى كيف توزع قوة الصدمة من دون ما يضر الركاب

و هنا نشوف السيارات الجديده تتفوق على القديمة من هذه الناحية

احب اشير الى نقطه الكثير من الناس غافل عنها و هي ان الشركات تبحث في صناعة السياره عن خفه في الوزن + هيكل قوي للسياره

و كذا نشوف بدي السيارات فيه خليط من المعادن مما يعطي خفه و قوه

و بصراحه انا كنت اقول نفس الكلام ان السيارات الجديده كراتين

بس المشكله فينا نحب المظاهر و ننسى السلامه و اول دقشه لاي سياره جديده تشوف الصدام انفك شوي و على طول نقول ان السياره مالها امان و الدعوه حاجه بسيطه و حكمنا على جميع السيارات

بس اذا كنا بنتكلم عن السلامه فالسيارات الجديده اثبتت فاعليتها

على العموم اسف على الاطاله

الله يعطيكم العافية على مروركم

سبب المقولة لما تنصدم سيارتين تلاقي كل السيارة راحت فيها بسرعة وتحس السيارة فعلا كرتون مقوى
الصراحة احس هذه المقولة تنطبق تماما على التويوتا خاصة لما تخبط الباب تحسه فاضي وخفيف بشكل رهيب
الامان الحمد لله زاد في الموديلات الجديدة هذا شيء اكيد ولله الحمد اولا واخرا

السلام عليكم ورحمة الله وبركاته

المقولة على أن السيارات الحديثة كراتين .. هو أن المكينة تروح مع الصدمة ( أي تنفعط , تنحرف وغير صالح للعمل ) ..بعكس السيارات القديمة ..
لكن يقابل ذلك أن منطقة الركاب في السيارات الحديثة لا تنكمش بسرعة عن السيارات القديمة ..
والسبب في ذلك أن وجه السيارة الحديثة (قابلة للإنكماش بسرعة مع الصدمات ) وبذلك تمتص جزء كبير من القوة المضادة وتحمي جزء الركاب من الإنكماش ..
عكس القديمة في أن وجه السيارة أقسى من الركاب ( فمع الصدمة ) لا تنكمش المحرك وترتد قوة مضادة جدا لا توجد إلا على الركاب ( نحن ^^ )!!!
فلذا الكراتين مفيدة جدا لحماية الأرواح عنها عن المركبة ^^ ..

لكن المشكلة التي نواجهها مع السيارات الحديثة عنها عن القديمة .. أن صيانتها باهظة جدا (بسبب أضرار الجزء المركزي للسيارة والخارجي) والقديمة الخارجي فقط ونادرا الداخلي لذا فهي غير مكلفة وقد تكون شبه مجاني مقارنة بالحديثة ^^..

ليش ما يسوون مقارنة بين كابرس 88 مع مايلو

صدقنى ماشي أمل للمايلو تطلع سليمه هه


أما موضوع حقيقتا أفضل تكون سيارة بديها خفيف عسب عند أصتدام تخفف صدمة

في جسم سيارة مش فيك ك شخص داخل سيارة ...وهشكل

لهذا في وقت حالي تجد واحد كثيرة وقوية يطلع صاحب سيارة من بشكل أو باخر سالم

هذا بسب حفظ الله ثم تصميم سيارة كرتون مقوى إلى ناس ما تعجبها...


يعني شركة كأنها تقول فلوسك ولا روحك...

بعدين وراكم على التسعاوي كلكم هدو اللعب عليه تراه مسكين :bigggrin:

وعليكم السلام ورحمة الله وبركاته

والله صدقت القديم ما مثله في الحديد لكن كحماية الله يخلف ,,

والله وأنا موقف في سرا أبي ألف يوتيرن ويجيك راعي سيفيك ما شي 80-100 ويجيك طال عمرك ويلحم في الكابرس من وراه وتخيل المنظر عاد ,,

والله اني طرت على السقف من قوة الصدقمة وكنت ماسك في الطارة من قلبي والله الطارة انعوجت:bigggrin:

ونزلت ياطويل العمر الا راعي السيفك الوجهية كلها راحت سيارته كنها صارت نص , والرجال مهو قادر يتنفس لكن الحمدلله لحقناه وربنا نجاه ,,

والكبرس ما شاء الله ماوصله إلا الصدام انعوج "الجهة اليسار بس" .

وطبعا الغلط عليه 100% , وتم تصليح الكابرس ,.

ع العموم الله يحفظنا وياكم من الحوادث وشرورها ,,

يعني نكذب الواقع والمشاهد عندنا ونصدق مقطع فديو !!

كان معي جيب باترول وكنت أدف الزباله ( وأنتم بكرامه ) إذا قربت من الباب ولا يجيب ولا مخش ولا شي ، والآن السوناتا في صدامها مخوش من سياكل البزران إذا مرو من جنبها ههههه

تحياتي لك وللماضي الجميل ( والباترول )

:)[/CENTER]

الامان في الموديلات الجديدة ,, لكن السيارة راح تتهشم اكثر من القديم .

مشكووووووووور اخوي

أكيد السلامة في الجديدة أفضل

ولكن كقوة في الهيكل

القديمة وبدون أدنى شك

مثال بسيط ويمكنك تجربته

اركب كابرس تسعاوي وخلك ماشي 20 كيلومتر
بالمقابل و وجها لوجه اصدم كابرس موديل 2010 ؟

ماذا سوف يحدث للسيارتين؟

ولا ننسى تكلفة التصليح .. هذي يبيلها كلام ثاني


التجربة خير برهان

السيارات القديمه صحيح كلها حديد في حديد .. وقوية جدا ,, ولكن من ناحية السلامه اعتبرها عقيمه ,

لكن السيارات الجديده .. الهيكل الداخلي من الحديد المقوى .. مدروس ومصمم بعناية فائقة ليمتص الصدمات ويبعدها عن المقصوره .. والصدامات فقط شكل لانها في الصدمات القويه الهيكل الداخلي هو اللي يمتص الصدمه

عموما وجود الفيبر في الصدامات اعتبره ميزه حلوه بصراحه .. خصوصا في الصدمات الخفيفه جده بحيث ان الفيبر يعود لطبيعته ومايتاثر .. بعكس الحديد اللي يبغالك تسمكره وتصبح المسأله مكلفه