لحقوني الله يخليكم سيارتي انعدمت واتدمرت ...!! لاحول ولا قوة الا بالله ..

رابط من الشركه لعلها تكون هي المقصوده


http://www.axa-gulf.com/downloads/Motor_TnC_UAE_%202009_05_25.pdf

الحمدلله الذي نجاك والمسلمين من هذه الكارثة! لو كان بداخلها شخصٌ وقت وقوع الجدار المشؤوم لكانت الكارثة في الابدان والاموال.

على كل حال، أخونا العضو "ضمير" متخصص في تأمين المركبات، أرسل له رسالة خاصة أو عبر البريد الإلكتروني وسوف يُعطيك الخبر الأكيد. واتصل بشركة التأمين التي تؤمن على سيارتك واسألهم كأنك سائل عابر، دون أن تعطيهم تفاصيل عن الشركة المؤجرة أو السيارة.

كل عام وأنتم بخير،

عبدالله،،،

مو هنا المشكلة

جاري فقير رجال كبير في السن عايش لحاله و ماعنده عيال

لا حول ولاقوة الا بالله

طيب يعني وش الحل ؟؟

وكيف يعني تنسيم ؟؟؟

اذا لم تتحملها شركة التاميين جارك يتحمل اصلاحها

الصورهـ واضحه ،، والجدأر تقدر تقول أنه وقع بأخف منطقة بالسيارهـ ،،

وخذ النصيحه هذي إذا أعجبتكـ ،، إذا قالوا لكـ نصلح لها لكـ ،، إرفض رفض قآطـع ،، لأن لو تصلحت مآرآح ترجع مثل أول ،، ورآح تعآني من التنسيـم ،،

لا حول ولا قوهـ إلا بالله ،، الله يعوضكـ خير يبو عادل

الله يعوضك يارب.. والله حرام اللي صار بالسياره ولكن عليك بالدعاء

الله ييسر لك امرك يارب

ياليت لوفيه صور للسيارة عشان ممكن الشباب يفيدوك اكثر بكل الاحتمالات

التأمين راح يعوضك

أنا إللي أعرفه أنه التأمين يكون شآمـل بالإيجار المنتهي بالتمليكـ ،، ومن بنود التأمين تغطية الكوارث الطبيعية ،، وهذي تعتبر كارثة طبيعية ،، ومن حقكـ المطالبه ،، بس أهم شي خـذ حقكـ منهم لا يقعدون يتملصون علـيك يمين ويسآر ،، وضح لهم إنكـ فاهم بنود التأمين ،،

ولو تقدر تحصل على نسخه من بنود التأمين الشامل من نفس الشركة عشان تتكلم وفمكـ مليآن ،، ولا تدفع لهم أقساطـ حتى تضمن وش لك ووش علـيك ،، أو حتى ترسى على بر وتعرف وش يصير لكـ معهم ،،

نقطة مهمة أتصل ع المرور عشان يصلحون لك تقرير تراجع فيـه الشركه ،،


نهايةً أذكركـ بالدعاء (اللهم آجرني في مصيبتي وأخلف لي خيراً منها)

أخوكـ

والله الخوف انو شركة التأمين تتملص وتقول لك ماحد قلك وقف عند الجدار؟؟؟

ولا يقولولك حنا نعوض ونصلح سيارتك اذا انت صدمت سيارة او سيارة صدمت سيارتك في حالة التأمين الشامل ....


لكن انت اقرص عليهم ولا تخلي حقك يروح هدر

وعلى العموم لا تخاف قطع غيار اليارس رخيص يعني لو قدر وتصلحت ماراح تكلفك 3الاف ...

ليش

لاني مره كنت بورشة وكانت في سيارة منتهيه مرمية عند الورشة وهي كامري 2002 مقلوبة كم قلبة ومنتهيه بمعنى الكلمة المهم كلفت راعية تصليحها وكل شيء تقريباً من 7 الى 8 الاف


والله الموفق الى سوء السبيل

وهذي عين صابت سيارتك

وقدر الله وماشاء فعل

اللهم اجرني في مصيبتي واخلف لي خيراً منها