صيانة بي ام في الكويت

اخ عزيز وغالي ابو هادي
وانشاء الله لي زيارة قريبة وانت ثالث شخص يمدح لي مركز ناصر :)

مشكور ما قصرت

الساعه المباركه وتنشرف بزيارتك بلدك الثانى....
والشباب ماقصرو ، العدسانى حلو وانا انصحك بمركز ناصر ،لانى متعامل معهم
واحسن مافيهم مايدوخونك بفحص الاعطال ،ويختصرون عليك الوقت ،واسعارهم معقوله ومناسبه ،عندهم فنى فحص كومبيوتر هندى اسمه عبدالله ومدير الكراج كان يشتغل بشركة البى ام سورى ومااذكر اسمه، واهم شى اذا صلحو لك مشكله نادر ترجع لهم بصراحه، موفق اخوى...

مشكور عزيزي وما قصرت



يعطيك العافية يا الغالي ما قصرت انت ابوها وسمها

انا رحت مع احد الاصدقاء لقيت ورش كثيرة لكني متخوف ما ودي ادخل ورشة اصلح فيها شي يطلعي شي ثاني
واخاف بعض الورش يقولون لك هذا زبون سفري جاي من السعودية بيصلح شي وبيرجع يعني ما راح يغثنا كل شوية

يعني ودي بكراج يكون فاهم ويعرف وش المشكلة ويصلحها
الشباب الكويتين شرواكـ يقولون روح العدساني او مركز ناصر في الشويخ
والي الحين انا في حيرة من امرى اروح مركز ناصر او العدساني

عموما مشكور علي الرد وجعله في ميزان حسناتك

اخى العزيز انا من الكويت وعندى خبره بالBMW
روح منطقة الشويخ الصناعيه ، فى شارع كبير اسمه شارع كندراى
فى اكثر من 30 محل واكثر من 10 كراجات مختصين فى المرسيدس والBMW والجاكور والبورش والكزس عندهم كمبيوتر واجهزة فحص ،هناك شغلهم نظيف وحلو بس الاسعار تختلف وانا ماراح اقولك كراج معين ولا محل صيانه لانها كلها ممتازه ومتوفر قطع غيار اصلى ومستعمل، وحتى اذا احتاجة المكينه تبديل موجود مكاين من المانيا مستعمله ونظيفه وعليها ظمان سنه ، بس اذا نويت تروح خلك عندهم الصبح على السعه 7 او 8 بالكثير ، علشان تخلص سيارتك بدرى وتقدر ترجع السعوديه بنفس اليوم، اتمنى لك التوفيق...