استشارة لملاك Cadillac CTS فقط

تقريبا نفس الي صار لي لمن بشتري سيارتي الأوبل

مابقى احد ماقال لي السياره دمار وكلها مشاكل

انت ادرس السياره زين وشوف قطعها ومواصفاتها اذا صيانتها تكلف او غيره يعني مثلا سياره فيها مساعدات هيدروليك اكيد سعره بالالاف غير اذا مساعداتها عاديه

يعني خلك عارف المواصفات الميكانيكيه الي فيها قبل ماتشتريها عشان ماتتفاجئ

والحين سيارتي كملت 6 سنوات وانا شاريها جديده ولا اشكي منها.. صحيح جاتني بعض المشاكل بس ماهي لدرجه مبالغ فيها زي ماقلو لي الناس

والكاديلاك عليها ضمان كل شي 4 سنوات او 100 الف كم عدا الكفرات والزينون والمساحات واتوقع فحمات البريكات , فكر بعد مايخص الضمان كم تكلفك صيانتها او اذا بتبيعها كم بيكون سعرها

واحسب مشاوريك كم في 4 سنوات هل بتعدي ال100 الف في سنتين مثلا؟ هذا خذ معه سعر الكفرات للسياره مقاس 18 الواحد في حدود 900 ريال كل كم بتغيرهم؟

احب ارد على اخوي الي يبي يشتريله سياره cts انا واحد سيارتي واقفه برا الحين موديل 2011 اخذتها بنضام الدفعتين تدفع النص اول ماتاخذ السياره والنص الثاني بعد سنتين نضام حلو صراحه اخذت السياره بدون ماسأل احد دغري للوكاله اتفقت معاهم خلال يومين طلعت السياره لان الاسله والله وسوسه كل واحد له رايه انت مقتنع في الشي خذه وصدقني راح تتوفق انشالله لكن ممكن نقول عشان فيه مبلغ مالي كبير راح يندفع وودك ترضي ضميرك شوي وتسأل اوكيه هذا شي راجعلك وهذي مجرد نصيحه الحين اقولك كيف السياره وربي انها دلع والديزاين حلو وقوه ورساوه ويكفيك انها من السيارات الفخمه وهي صنع وتجميع امريكي اصلي والحين سيارتي ماشيه 20000 كيلو متر وتقول جديده ماشالله هذا اذا حافظت عليها وتابعتها في الصيانه وبشرط ماحد يستخدمها غيرك صحيح ان الجميح يرفع الظغط شوي لكن من شاف مصيبت غيره هانت عليه مصيبته صدقني كل الصيانات في جميع الوكالات نفس الشي تحس كلهم مالهم نفس يشتغلون الشكوى لله بس عندي سياسه ثانيه مع الصيانه ومريح راسي من مشاكل الصيانه مشبكلي واحد فيها وخدمته صراحه وشكيتله عن خوفي من الصيانه ودق على صدره وقال انا الي بشتغلها بنفسي وكأنها سيراتي قلنا ماقصرت وصراحه هذي ثاني صيانه اسويها عنده وماقصر ومالك الا هالحل والي يعجبني في السياره تحس انها متماسكه ماتتفكفك بسرعه شاده عضلاتها شوي من ناحيتي انا مقتنع ومبسوط اني طحت على هالسياره الروعه وازيدك من الشعر بيت صيانه كامله مع غيار جميع الزيوت لمدة سنتين ببلاش لحد مااسدد الدفعه الثانيه ياعمي روح اشتر السياره وانا الي غشيتك وهذي قصتي مع cts وصدقوني ياناس هذي الحقيقه وليست مبالغه احس الوكاله لوشافت كلامي هذا راح يهدوني سياره :tongue: وآآآآآآآآآآآآآآآآآآآآآسف اني طوات عليكم
تحــــــــ:xyxwave:ياتي للجمـــــــــــــــ:xyxwave:يع

ياحبيبي الكاديلاك معرووووفه وربي فخمه وتقعد معاك واسم الشركه نفسها معروف
كاديلاك تقارنها بمرسيدس وبي ام
وكمان اقولك هنا وكيلها الجميح الي خرب اسمها بس ولا السياره ماحد ينافسها في الفخامه والشكل والداخليه والتقنيه الي فيها

اهلين حبيب قلبي

يالغلا وربي واحد معه الموتر الي انت ذكرته موديله 2011 وسئلته وربي يقول

ان الموتر ماشي معاه مثل الحلاوه ولا اشتكى منه ولا ابيكم تزعلون من كلامه بس

وصاني ان اذكر هالكلام الرجال يقول حنا بالعربي شعب مانفهم ونمشي ورا كلام

الناس والمشكله ان الاغلبيه يسبون الموتر ولا احد جربه وذكر بالفعل يقول صحيح

الموديلات القديمه فيها مشاكل بس الموديلات الجديده اتحدى اي واحد يسبها والناس

خذت السمعه السيئه من هالناس الي مايدرون وش الموتر بس يرددون انتبه انتبه ومن

هالكلام الي مايسمن ولا يغني من جوع وربي هذا كلام زميلي .....

الشي الثاني انا بتكلم عن نفسي بالعربي وربي ورب الايمان اني بعت جمسي دينالي

ورحت للوكاله وبالكثر الاثنين او الثلاثاء يطلع موتري cts فل كامل اللون فضي معدني

طقيته ب 171000 ريال وماشريت الموتر صراحه الي بعد صاحبي الي سئلته وفيه

اثنين وربي سئلتهم واحد لقيته معه نفس النوع بس موديل 2010 وربي مدح بالموتر

والثاني صراحه كلمته بالتليفون ونصحني اخذ الموتر بس بشرووط يقول ابيك تفكر

ان سيارتك كاديلاك يعني يبي لك انك تدعلها يعني بالعربي اذا رجلك حاره على الموتر

ممكن ماتصلحلك ....

الشي الثالث قسم بالله العظيم اني يوم دخلت الوكاله جاني واحد واستقبلني وشرحلي

مواصفات الموتر ومن هالكلام قلت معليش بقاطعك قال تفضل قلت بالعربي انا خايف

من الموتر لان حصلت واحد يسبه بالنت اقصد طبعا خوينا الموجود معنا بنفس الصفحه

الي بينه وبين الجميح شكاوي قالي بالعربي حنا اصلن رافعين عليه قضيه بالمحكمه

على اساس انه اساء لسمعة السياره والوكيل ويقول حنا عوضناه سياره ويحلف بربه

انه استلم السياره الجديده الي عوضوه فيها وراح باعها على طول بالمعارض وانه

انتهى الموظوع هنا وتفاجو ان الرجال يطلع ويكتب هالمشاكل الي صايره بينهم

ويعلم الله ان هذا الي قاله لي الرجال ويحلف بعد .....


ملاحظه لصاحب الموظوع :.

اذا انت تفكر انك تشتري الموتر وبعد سنتين او ثلاث نويت تبيعه ترا ماراح يمسك سعره

بيطيح منه شي واجد واذا انت ناوي تطول بالموتر فاشتر وانت مغمض بعد ماسقتها

وسئلت صاحبي عنها فعلن موتر روووعه وكافي انه كاديلاك ....

واسف اني طولت عليكم ....

السلام عليكم ورحمة الله وبركاته ..
اخوي أنا والله إني مثلك والسيارة عااجبتني مرررة وداخله مزااجي ولو أحد يقولي إنها عملية كان أخذتها على طول من دون ماالتفت للسيارات الثانية وحتى إني كتبت موضوع عنها وهذا رابط له avalon vs cadillac cts وللحين ماقررت قرار نهائي بس تقريباً بختار التوروس لان وش الفايدة أشتري سيارة فخمة وحلوة ومريحة بس ماتتحرك وبدال ماتخلص لي مشاويري وأشغالي تصير مشوار علي وأشغال كل شوي رايح فيها الصناعيه ,الوكالة, الورشة ..... الخ وأندم ساعتها وعلى فكرة وضعي مثل وضعك أول سيارة لي وأتمنى تعلمني وش تقرر عليه بالأخير وتقبل تحياتي :) ...

هلا فيك القناص
موضوعي مطول اتوقع بياخذ اكثر من 4 سنوات
والله يعين

للمعلوميه فيه شخص اعرفه كان يبي يشتري كاديلاك وعرف قصتي وقال مستحيل كل السيارات كذا وركب راسه زي ما ركبت راسي اول ..
والله العظيم ان سيارته ما كملت ال 6 الاف لحد الان وانواع المشاكل فيها تسخين وصوت بالقير ومشكله في الكت باك كامل ولا حياة لمن تنادي (خدمة مابعد البيع) وكل اللي كانوا يمدحون له السياره من موظفي المبيعات والتسويق واللي قالوا له قبل يشتري السياره نعطيك ارقام ناس عندهم نفس السياره واسألهم (اخوياهم او موظفين بفروع اخرى) ما نفعوه وكلهم قالوا ما في يدنا شي نسويه والحين المسكين اكلها براسه ولو اشتكى بيقولون له اثبت ان العيوب موب سوء استخدام..

تحياتي

إلا وش صار على قضيتك مع الجميح

هلا اخوي

ياريت تمر على مواضيعي وفيه مواضيع لي بخصوص المحكمه في موقع اخر بجميع الاوراق والاثباتات

ولا تشرب من نفس الكاس اللي انا شربت منه...
رابع عيد اجلس فيه بدون سياره بسبب كاديلاك ووكيلها وصيانتها ومركزها الاقليمي

واي شي تحتاجه انا حاضر ..

أحسن حل اذا بتسأل .. وخاصة السيارة هذي ..

اسأل أي واحد تشوفه بالشارع ومعاه السيارة .. وأسأل أكثر من واحد وشوف الاجابات .. كل واحد له نظره أخرى ..


موفق ،،