سيارة بمليون ريال مره وحده !! ماشاء الله ..
شكلك ولد نعمة .. الله يزيد ويبارك ..
شوف أنت توك مراهق وشباب وكلا تبي تكشخ وبس .. خل عنك هالسوالف تقدر تكشخ بثوبك وبسيارتك وببيتك وبكل شي دون الحاجة لتضييع مليون ريال على سيارة بتقطها بعد كم سنه !!!
ياخي اطلع برا البلد أدرس برا تعرف على العالم برا تزوج برا عيش برا .. لا تضيع مليون ريال على سيارة علشان يشوفك بس عبيد وزيد .. ياخي طور نفسك وحاول تكون حياتك زاخرة بالأسفار و الهوايات والدراسة والجد في الحياة ..
أنا ما أدري عن شخصيتك ونحسبك أنك رجل صالح لكن هذا الكلام حبيت بس أذكرك أنت وغيرك الي الله منعم عليهم بالنعم والخير الكثير ..
يعني والله لو أنا مكانك راح أعيش برا السعودية .. تقدر تدرس في أرقى الجامعات في اوربا او امركا وتتوظف أحسن ما يمكن وتتزوج من أجمل النساء وأعلاهن خلق تخدمك في حياتك وتشاركك طموحاتك الكبيرة وتكون أسرة من أسعد ما يمكن في أوربا وغيرها من البلدان الجميلة جداً ..
بجد والله أنا ما أقولك لا تكشخ ولا شي .. لكن أنا أنبهك بما أنك توك شبااااااااااب تقدر من الآن تزرع وتعزز في نفسك أرقى الأهداف والمثل .. لتعيش الحياة بكل ماتعنيه الكلمة من معنا .. خل عنك عبيد وزيد الي تبيهم يشوفونك في الشارع بسياره بمليون ريال علشان بس يقولون لك وااااو !!!
كن شخص يعيش الحياة بكل جمالها ورعوتها خاصة أن نحن الآن في عصر تيسرة فيه المواصلات والعالم أصبح قرية صغيرة وأنت الآن بدل أن تحتار اي سيارة تشتري أحتار اي مكان في العالم تبي تكون في عائلتك و مستقبلك الموظيفي والإجتماعي و المركزي ..
معليش طلعت برا الموضوع .. لكن بما أن المسأل مسألت مليون ريال محتار فيها على خرده على حساب ما ذكرت آنفاً .. لا اسمحلي أذكرك وأنصح لك ..
وأنا ما جبت لك كلام سحري جديد عليك بالعكس أنا متأكد انك تفكر بمستقبل وتهتم فيه بشكل أكثر من الي ذكرت لك .. لكن حبيت بس أذكرك إن الذكرى تنفع المؤمنين .. وسلامتك ..
أول شي اعتذر على التاخير
ثاني شي حبيت اقولك لا تخاف على مستقبلي الله يعطيك العافيه انا مخلص دراسه وعمري الان 23 درست في امريكا في ولاية اوهايو في جامعة رايت ستيت يونيفيرستي
وانا ما ابي اعيش الا في السعوديه والله ما في امان في العالم زي هنا
والحمد لله الفلوس متوفره وزي ما شرحت من اول الفلوس لابوي وهو حر فيها . ومالها داعي اتكلم لكن والله مو تبذير التبذير اني اخذ سياره 10 مليون واعبثها ب 5 مليون زي ما يسوون الناس الثانيين
والمستقبل والحمد لله زي ما قلت لك عندي اعمال خاصه.
ومادري اش اقول بعد لكن اذا كان عندك اساله ثانيه انا موجود .
وشكرا جزيلا مرره اخرى
