كيف الشباب إنشاء الله بخير
والله الحقيقة أنا عندي عايلة مكونة من 8 أشخاص وأبغى سيارة للدوام ومشاوير العايلة
وأنا إنسان قليل السفريات يعني ما يتعدى سفرية وحدة في السنة ويمكن ما أسافر من أصله وفيه أصحابي اثنين واحد شغال بصالة سيارات مستوردة وعدني أنه يجيبلي يوكون نظيف يعني ما بيقصر وأنا واثق منه.
والثاني يقولي خلك على الجديد على يدك.
وأنا بطبعي انسان محافظ والسيارة بخليها معاي على طول يعني ماأبيعها لين تصير خردة
وميزانيتي ماهي كبيرة على القد من 55000 ألى 75000 ريال
فأنا في قمة الحيرة بين:
1- فان هيونداي H-1 تسعة ركاب موديل 2011
2- يوكون استعمال أمريكي2006 أو 2007.
ناس تقولك هونداي جديد على يدك والسيارة ماشية بالبلد وماحد اشتكى. وناس تقولك مكينته صغيرة وكوري ومدري أيش .
واللي ينصحون باليوكون يقولك الجمس مجرب ومعروف أقوى من الكوري ويمسك سعره وعالم تقولك ابعد من المستعمل لأنك ما تضمنه.
ياريت اللي يعرف معلومة أو توضيح لايبخل علينا عن السيارتين.
مهم ياشباب أنا أبو عيال ووالله إني تعبت أجمع المبلغ والواحد موناقص مصاريف الورش.
البركة فيكم ياشباب أنتظر الردود الطيبة .
ملاحظة: رجاء خاص لاحد يقترح سيارة ثالثة :blue: يكفي حيرة لا تزيدونها علي
