دف لوك اليوكن 2009

إلا من زمان الدودة فيه ديفلوك , من أيام الثماننيات

الاختلاف على جميع السرعات والاختلاف ان السيارة هي اقل من سرعة الجارمن مقدار عشرة كيلو من السرعة على الجارمن وبالمقارنة مع السيارات الاخرى فأن الجارمن قراءته صحيحة للسرعة بينما السيارة اقل من الجارمن ومن السيارات الاخرى بعشرة كيلو

مشكورين يا شباب
للرفع

الفرق على كل السرعات.
ان شاء الله سوف اجرب

بالنسبة للدف لوك الأمامي لليوكن عندك عدة خيارات

ARB AirLocker
Eaton ELocker

وعدة شركات أخرى



بالنسبة لفرق السرعة بين العداد والجارمن طبيعي ودائما تلاقي سرعة الجارمن أقل من سرعة العداد بنسبة 5% - 6%

والسبب إنه الجارمن يأخذ السرعة من تحليله لتقاطع اشارات 3 اقمار صناعية على الأقل والاشارة فيها تأخير بسبب بعد تلك الاقمار

طيب الفرق هذا 10كم على كل السرعات و لا على سرعة 100 فقط؟ يعني اذا مشيت على سرعة 10 يكون عدادك 20 و .......الخ؟
قلت لك سابقا أن السيكويا حقك عدادها تعبان و الجارمن لا يعتمد عليه:xyxthumbs:

شف سياره ثانيه جرب معها

ملاحظة ممتازة كنت افكر اني انا الوحيد الي لاحظت هذا الفرق فقلت ربما الجارمن هو الي ما يعطي السرعة عدلة لكن حسب كلامكم ان القراءة مو عدلة من عداد السيارة وليس الجارمن

نعم اخوي لقيت السيارة ناقصة 10 كم عن العدااد , يعني اذا مشيت بسرعه 100كم يكون الطبلون 110 كم
وذلك بالتجربة مع السيارة سيكويا 2010 وكذلك مع جهازين جارمن

و عليكم السلام و رحمة الله
زي ما قالك أبوديالا سيارتك ما ثولثت و لا علاقة للدفلوك بالموضوع نهائيا لا أمامي و لا خلفي.
الشباب ما قصروا معك و شرحوا لك كيفية التعامل مع الغراز بأي نوع من السيارات و ان شاء الله تكون استفدت و تعلمت من تجربتك هذه.

ما رديت علي بخصوص تجربة سرعة السياره هل وجدتها ناقصه 10 كم عن العداد أم لا؟

الله يعطيك العافية اخوي الحبيب

نصيحه اخوي تركي اجعل من كل تغريزة خبرة تستفيد منها وبما ان سيارتي مثل سيارتك :xyxwave:
لا تتوقع ان الدفلك او التركشن كعصى سحريه في اوقات الزنقات ينقذك فقط عامل مساعد واهم شي هي الخبره في القيادة في الرمال تحتاج الى هدوء وسياسة

مثل ماتفضلو فيه الأخوان تنزيل هواء تحتاج لكن توقيت تنزيل الهواء متى يكون :bigggrin:

اذا مانزلت هواء الموتر من الأول من الغلط تنزله والسيارة مغرزة مثل تغريزتك تجلس زيادة وتتعلق الدفرنتسات والأفضل في مثل الحاله هذي
يتم التبريح على الخلف لأن ميلان السيارة للخالف وتبريح مضبوط ثمآ سم بالله وهدي نفسك وارجع بالريوس بهدوء شديد جدآآآآآ واطلع قدام شوي فقط وكرر العملية ليرتفع خلوص السيارة المطلوب منك هو تلبيد وتمهيد الطريق لو جزء بسيط لكي يرتفع الموتر قليلآ بعدها نزل عيار الهواء براحه
لو نزلت هواء الكفارات ( تكرم ومن يسمع ) بينزل خلوص السيارة وتزيد المشكلة

وبعدها اطلع عليك الأمان حتى لو من قدام :bigggrin:

للرفــــــــــــــــــــــــــــــــــــــــع

اشكركم اخوي ابو ديالا واخوي tahoe
هذا الله يسلمك اول مرة اغرز في السيارة
السيارة قوية وممتازة ماشاء الله تبارك الله ,
لكن المشكلة اني ماكنت منتبهه وقتها وجيت اطلع على عقم ( عائق ترابي ) والمشكلة اللي دائما آخذ حذري منها ,لكن هالمره طحت فيها , وهي اني ما طلعت العقم على جنب ( بشكل مائل) لأني اعرف تمام المعرفة انها مشكلة , لكن قدر الله وماشاء فعل
عشان كيذا اتكى الموتر على بطنه من وسط السيارة وصارت الكفرات الاربع تدور بوش , ونسمت الكفرات الى 20 ومافي فايده , حتى تم سحب السياره

أخوي الدفلوك ماله شغل بتغريزتك (ينفع إذا كان كفر متعلق عشان ما يدور الكفر بالهوا بوش)

من الصور واضح إنه كل الكفرات متلاصقه مع الأرض ولا يوجد كفر متعلق .

أنا أتوقع سبب تغريزتك إنه هوى الكفرات كان مرتفع بالإضافة الى أنك شاد على الموتر وهو على طلعه لين حفرت الكفرات جميعاً .

إذا غرزت السيارة من الصعب جداً ويكاد يكون مستحيل تطلعها وأمام السيارة مرتفع , يعني الغراز يبغاله واحد سياسي (لا شجاع ولا رخمه ), يعني إذا حسيت إن سيارتك ماشية خلك شجاع وشد على الموتر ولا يهمك الغراز , وإذا غرزت خلك جبان وحاول تنسحب من موقع الغراز بأقل جهد وحاول تخفف من آثار الهزيمة (تبرررح للكفرات ) يعني تمهد للكفر وتشيل العائق الترابي من أمامه عشان تقدر تنسحب من موقع المعركة

بالتوفيق أخي الكريم

السلام عليكم

الصور



الثانية

هلا أبو سعد

فقدناك بالدفع الرباعي , بس تجسست على ملفك وحصلت لك مشاركات بعد العيد بقروبكم وتطمنت .

لك وحشة والله