إستطلاع: الافضل برايك ( ماكسيما 2011 ) .. ( تورس 2011 ) .. ( كادينزا 2011 )

والله اشوف التورس هيبة ومنظر وجنطها جميل كبير وكروم وداخليتها افخم من الاثنين

وسيارة جودتها عالية

انا انصحك باكورد 2010 6 سلندر اصفار

حدود 140 الف ,,

وهم بعد حل حلو
التوريس فل كامل كم سعرها ؟؟

^
^
^
ههههههههههههه والله صآدق !

أنآ راعي مكسيما 2010 ..
لكن تبي رآيي ؟؟
اذا التورس , بتاخذهآ اعلى فئه , زد عليهآ وخذ لكزس !
امآ اذا الفئه المتوسطه .. ف المكسيما أفضل !
صحيح ان التوريس فيها ميزتين النقطه العمياء و المسافه بينك وبين اللي قدامك , لكن شكلهآ والله غبي ..
مرتفعه من ورا ومن قدام نازله .. ويييين حنآ فيه ؟ ددسن ؟

والله يوفقك !

وتبي الصدق عاد اشتري ياريس وما اشتري كادينزا
على الاقل صناعتها يبانيه

7777777777777777777
طيب وش صناعتها ؟؟؟؟
منتظر ردك باقرب وقت

^^^^^^^^^^^^

الماكسيما تصنيعها مب ياباني" وشكلها من ورى قريب من اليارس!!

السلام عليكم
اخوي انا سيارتي مكسيما 2010
وماشالله موتر روعه
ولكن من ناحيه المواصفات شي طبيعي ان التوروس متقمه بمواصفتين او ثلاث اللي قالها العضو اللي قبلي
ولكن من رائي الشخصي وياليت تدققي بكلمه رائيي الشحصي عشان محد يجي ويقول ليش وليش
والله ما اشتري التوروس لو انها باربعين الف ريال
شكلها مره عقيم ولا يوحي انها في عام 2010 او 2011
وهذ رائيي الشخصي
ونجي للكادينزا
هل من جدك تدفع فوق الخمسين الف على كوري ؟؟؟
مستحيل
ومثل ماقالو الشباب المواصفات اللي بالتوروس اللي متفوقه فيها على المكسيما ماهيب ذاك الزود كلها على بعضها مال امه داعي الا حقت النقط العميا ممكن تقول انها مهمه

وبعض الشباب يقول ان المكسيما سعرها غالي
طيب يجيب لي نفس مواصفاتها ويابانيه واقل مثلا ب30 الف

ميلك شيك .. يعطيك العافيه

وردك واقعي وصريح .. وبصراحه اقتنعت بكلامك نوعاً ما
اللحين تفكيري متجهه للتورس ..

بررب

استغرب من اللي يقول شيل الكادينزا من الخيارات وينصح بالمكسيما !!

هل وصلت فينا مرحله اننا ننصح الناس بالسيآرآت اللي نميل لهآ على الاحسن منها ؟

لو اخذنا الامور بعقلانيه وبجديه

والتفتنا على المكسيما وعلى اي اساس نبديها على الكادينزا

هل السبب ان المكسيما نيسان ياباني

والكادينزا كيا كوري ؟

بأي اساس ننصح بالمكسيما وكلنا نعرف ماضيها المر
مآضيها الغير مشـرف

لدرجة وصلت ان البعض استبدل اسم مكسيما بأسمها الجديد ((ورشه))

اكيد بيكون لي النصيب في الجدل من البعض

ــ
بيقول الكادينزا مالهآ مآضي على شآن تبديها على المكسيما

جوآبي له

الكادينزا نعرف انها بديله للاوبريس
والاوبريس جودتها كانت طيبه ومايعرف كلامي الا اللي جربها

ولو انفينا المآضي
وخلينا نضرتنا على انهم جيل جديد
وبغض النضر عن الشركتين والعلامات

قدامك سيارتين يآفلآن

عندك سياره بقيمة 127 الف فل كامل ضمان 3 سنوات

وعندك سياره بقيمة 104 الاف فل كامل ضمان 5 سنوات الكيلو مفتوح

ايـش رآح تختآر ؟

واذا بتتكلم عن الموآصفآت
قارن بين موآصفآت السيارتين والسعر والضمان وانت الحـر
واذا بتتكلم بالشكـل
اتوقع مآفي احد يفضل شكل المكسيما على شكل الاودي !

((ولولا ثقة كيا بالكآدينزآ لمآ جعلت ضمآن الكادينزآ 5 سنوآت مفتوح الكيلو مترآت))



ــــــ

لو كآنت الفورد تورس فل كآمل
اكيد اهي السيآره الاولى من ضمن هالخيارات بسبب ماتحمله من امآن وموآصفآت عآليه

تورووووووووووووووووووووووووووووووووس

مشكورين ع المرور ..

1 تورس
2 كادينزا
3 ماكسيمآ

وجهة نظــر ... وانا احترمهـــا ..

لولا اختلاف الاذواق لبارت الســلع ...

من جهتي انا اهم شي عندي في السيارة .. المواصفات و الجودة .. واعتقد ان الفورد تحتوي على هاتين النقطتين وهذا السبب في اختياري لهذه السيارة ..

والله يالغالي ذي الاشياء كلها مع احترامي كلنا نسوق بدونها واعتقد مالها اي دااعي يعني تضحك على نفسك وتقول سيارتي فيها مواصفات ومع احترامي للتوريس واصاحبها على الطل:a1120(86):

واحد يقرب لي معه التوريس يقوول السياره مافيها عيب بس ان ماترتاح لها وحتى اذا مشيت بالشارع احس شكلي غلط
اعتقد الكادينزا افضل منهم كلهم بالنسبه للمواصفات + سعرها المغري للفل كامل + البانوراما 103
اما الماكسيما الفل بـ 127 :bigggrin: لاتعليق صراحه كنا نضحك على راعين الافالون جو راعين الماكسيما

وبس:wavey:

لا يااخوي ..

انا عارف انكم تتكلمون عن الماكسيما الجديده ..

ممكن تجاوبني على الاسئلة التالية :

1- هل يوجد نظام التحكم التلقائي بالسرعة ( الذي يحافظ على المسافة الفاصلة بين السيارة والسيارة التي امامها ؟ ( الكلام عن الماكسيما طبعا ً )

2- هل يوجد في الماكسيما نظام رصد الزوايا الغير مرئية ؟

3- نظام الانذار بمرور السير من الجانبين ؟

4- نظام الانذار بالتصادم مع استخدام المكابح ؟

5- نظام المفتاح الذكي ( ماي كي ) والذي بدورة يتحكم بمعدل السرعة القصوى ومستوي ارتفاع الصوت في النظام الصوتي ؟


** ملاحظة : هذا الكلام لايعني التقليل من الماكسيما ( لاسمح الله ) بالعكس الماكسيما سيارة ممتازة وذات كفاءة عالية وغنية عن التعريف ...

لكن الهدف من الموضوع .. معرفة آراء الاعضــاء .. وهذا كان رايي .. لان صاحب الموضوع طلب ارائنا ... وكل واحد يقول اللي عنده ..

وتقبل تحياتي ..