ميلان غريب في سيارتي النترا 2009

صدقت ياعبدالعزيز والله يعيينا عليهم شاكر لك يالغلا

الوكالة يالغالي كل اللي عندها تغيير في تغيير يعني بيقولون لك المقص والمساعدات وكراسي المساعدات وغيره لا يهمهم سوى الربح المادي ويريحون رأسهم من الفحص
فأنت قل لهم لا تغيرون اي قطعة الا لين اشوف القطعة التالفة .
ولك تحياتي

والله يالغالي عبدالعزيز وديتها اكثر من مياكنيكي قالوا من تحت سليمة تماماً
السيارة جديدة

لاكن ان شاء الله قريب بوديها الوكالة على مايقولون آخر العلاج الكي والله يعين على مرمطة الوكالة
شاكر مرور الجميع ومحاولتهم مساعدتي :)

فيه طريقة لمعرفة سلامة جلد المقصات ومفصلات المقصات وهي ان تدخل السيارة فوق حفرة للفحص وتخلي الميكانيكي تحت في الحفرة يفحص وانت تشغل السيارة وتمشي بها وتربط على الفرامل وتكرر هذه العملية تمشي وتربط وراء بعض مثال كأنك ترقص السيارة
والميكانيكي يراقب من تحت السيارة ويفحص اذا فيه أي فضاوة او طقطقه فيه اي جزاء
مع فحص جميع الاجزاء السفلية من وجود اي اعوجاج في اي قطعة .
موفق اخوي

super_safari

جربت يالغالي اللي قلته الوضع طبيعي جداً مافي اي مشكلة ؟

_____________________________________________

عبدالعزيز 8

الأذرعة و المقصات والمساعدات سليمة وتم عمل وزن اذرعة مسبقاً والمشكلة لازالت

بس مفصلات وجلد المقصات وكرسي المساعد ماعندي علم فيها اذا كان فيها خلل

هل راح يبان الخلل اثناء فحص الميكانيكي لأني فحصت السيارة عند اكثر من اربع ميكانيكيين وقالوا السيارة سليمة من تحت

وللعلم السيارة جديدة مامشت الا 17 الف :)

عليك بفحص مفصلات وجلد المقصات والتأكد من سلامتها
والتشييك على الاذرعة وعلى وزنيتها
مع فحص كرسي المساعد
بالتوفيق

طيب خلك من رؤية الزيت على المساعد , أنت جرب بنفسك اضغط على كبوت السيارة من اليمين و من اليسار و لاحظ هل الاهتزاز يتوقف بعد حركة لأسفل و لأعلى مرة واحدة (هذا الوضع الطبيعي) .. أم أن الاهتزاز يستمر أكثر من ذلك (يعني خراب المساعد)؟

الشيء الثاني: لاحظ هل عند الضغط على زاويتي السيارة هل تجد جهة تنزل أكثر من الأخرى؟ إذا كان كذلك فأحد اليايتين خربانة و الله أعلم.

جرب ما قلت لك عسا يبين شيء.

الأن جيت من عند ميكانيكي متخصص في الهيونداي

جرب السيارة ولاحظ الميلان ولمن كشف يقول السيارة سليمة من تحت حتى مجموعة علبة الدركسون اللي يقول عليها اخوي حمتو سليمة مافيها شيء

والله مشكله :(

super_safari

تقصد الزيوت اللي في اليمين واليسار شيكوا عليها وطلعت تمام
اما المقصات ولله الحمد سليمة هذا كلام اكثر من محل تربيط
-------------------------------------------------------------------------------

حمتوالهمتو

الله يعطيك العافية اخوي حمتو بإذن الله رايح للماكنيكي وان شاء الله تطلع المشكلة نفسها واحلها وافتك ماقصرت يالغالي الله يجزاك الف خير :)

لا ياحبيبي اجبلك الخبر الاكيد ان شاءالله هذي المشكلة يبغالك تغير والله يعينك عليها اذا كانت غالية المجموعة التحتية لعلبة الدركسون لكن روح شيك عند مكانيكي فنان وماهر ودخل السيارة في الحفرة وقل للميكانيكي ابي الف يمين ويسار وهو تحت الحفرة يشف لك المشكلة وين اعتقد بتطلع مجموعة علبة الدركسون التحتية وياليت ترد لنا خبر بعد ماتروح الى المكانيكي
اذا بتسأل ليه يعني اش دخل علبة الدركسون التحتية لانه كان معي كورولا وخسرت عليها مقص يمين وكراسي مكينة ووزنية اذرعة عشرات المرات وكمبيوتر وكلهم يقولوا السيارة نظيفة من تحت ولما امشي على الخط السريع في جدة اشوف السيارة تتمايل وماهي ثابتة وبعد كل التصليحات والعيب هو هو يتغير احيانا الى اخف من اول ولكن مايلبث الا ان يعود التمايل في الاخير رحت مكانيكي في شارع الاسكان وقالي لف الطارة ويسار وهو في الحفرة واكتشف الخلل انه من المجموعة حقت الدركسون رغم انه قبلها قالي العفش كله نظيف ولكن لحيت عليه وا اصريت عليه انه فيه خلل واكتشف الخلل والحمدلله السيارة بعدها زي الالف بعد ماغيرت المجموعة وطبعا كورولا موديل 94 بكس بخاخات وطبلونها 240 وسريعة ماشاءالله لازم الواحد ينتبه لها لكن القطعة اللي اخذتها صيني من محل صغير في الاسكان وقيمتها 300 ريال وعليها ضمان شهر لان الاصلي سألت عنها قالولي من 1900 - 2700 ريال وهذي وهي دركسون عايدي مو هوا
والله يوفقك شرحتلك قصة حياتي والله لايعوقنا بشر اخوك حمتو الهمتو واسف على الاطالة