اللي مستغرب منه أن الوكالات بالموت تحصل لك تورس 2011 إلا بالحجز والطقاق ويقولون أنها عليها طلب مثل الآي فون لكن لما تفرفر بشوارع الدمام والخبر والله ما أشوف إلا وحدة أو ثنتين بالكثير مدري وين هالسيارات اللي يقولون عنها !!
حتى الرياض نفس الشي في الوكالة يالله تحصل السيارة لكن في الشوارع تفرق من حي لحي
في البديعة والسويدي ما شفتها الا ثلاث مرات من عام 2010 لكن في احياء ثانية تشوفها بالهبل
طيب أنا ناوي أعبي بنزين 91 لأني راعي مشاوير (120 كيلو يوميا على الأقل) هل فيه مشكلة على الموتر ؟؟
ثاني شيء لو حبيت أغير الكفرات بعد سنة ونص أو سنتين إلى مقاس 17 أو 18 عشان تكون أرخص هل يؤثر على الموتر لأني بصراحة أحس كفراتها نااااااااااااار وفوق كذا يقولون الشباب أنها قاسيه على المطبات يعني مدري ايش فايدتها وليش الوكالة حاطه هالمقاس العملاق على سيارة صغيرة ؟؟!!!
بالنسبة للبنزين هي معدة لبنزين جودته أقل من الـ91 ولكنها مجهزة لتكون بعزم أفضل على بنزين 91 وأفضل منه على بنزين 95 هذا كلام الكاتلوج والوكالة
يعني استخدم بنزين 91 وانت مرتاح
أما الكفرات والله ما ادري ننتظر أهل الخبرة يفيدونا
