تبديل المكينة .. نداء لاخوة هلا هلا و فني سيارات وامير بكلمتي والاعضاء الكرام

aaz585 @user_143737 · 17-02-2011

اخواني المشرفين والاعضاء الكرام
الاخ هلا هلا و فني سيارات وامير بكلمتي المحترمين
عندي مشكلة في مكينة السيارة من نوع لكزس ال اس 400 م 96 امريكي - وهي نقص في الزيت علبه كل 1500 كم وخروج دخان ازرق خفيف وقت التشغيل فقط لمدة ثواني علما ان عزم السيارة تمام ...
بعد استشارة بعض الورش قالوا انها جلد بلوف لكن المشكلة ان السيارة تستهلك زيت !!
الان انا افكر بتغيير المكينة من المكائن اليابانية وهي موجودة بالتشليح وسعرها مع التركيب 2500 ريال , لكن نصحني احد الميكانيكين في ورشة متخصصة بلكزس وقال السيارة تمشيك 3 سنوات بس راقب الزيت وايضا قال ان المكينة اليابانية يمكن ما تركب زين او غير مناسبة للاجواء في السعودية !!
والحين انا والله محتار هل تنصحوني بتغييرها او الصبر عليها حتى تنتهي وتودع بالمرره ...

انتظر نصائحكم وتجاربكم جميعاً مع فائق الاحترام ,,

aaz585 @user_143737 صاحب الموضوع · 18-02-2011

الف شكر للجميع , اللي يسأل عن موقعي انا بالشرقية
بالنسبة للاصلاح تكلفتة اكثر من قيمة المكينة عشان كذا انا بحاول ابدل المكينة بعد فترة والضمان عطوني شهر ..

اهلا اهلا @user_56982 · 18-02-2011

http://www.assayyarat.com/forums/post2498760-9.html

http://www.assayyarat.com/forums/post2498889-10.html

:smile:

.

KALEEL @user_161851 · 18-02-2011

اذا كان سعر الاصلاح اكثر من 2500 اشوف انك تغير المكينه بس لازم تأخذ ضمان عليها اقل شي شهر
الله يكون في عونك

الشامخ6 @user_253968 · 18-02-2011

اخوي المشكله عندك جلد البلوف والدليل ان الدخان مايخرج من الشكمان الاوقت تشغيل السيارة وبعدها ينقطع انصح بتضبيط جلد البلوف وريح راسك من الشغله.

الحنووووني @user_218758 · 18-02-2011

انزل تحت السيارة شف يمكن تهريب فيها وشف بكل مكان ولا تنسى صامولة تغيير الزيت

مر على كم ميكانيكي وسأله فيها تهريب او شي

super_safari @user_201024 · 18-02-2011

a

aaz585

مشكورين واسعدني مروركم , الحقيقة الدخان الارزق يكون خفيف وظهور فقط وقت التشغيل لمدة ثواني كم ذكرت ...

إذًا المشكلة يا عزيزي فقط جلد البلوف و ليس الشنابر نهائيًا.

a

aaz585

واصلاح جلد البلوف يكلف 2500-3000 ريال وانا اشوفه كثير ويمكن بكون بعد الخراب شئ ثاني مثل الشنبر وتحتاج خرط كامل

حقيقًة كثير 2500 ريال! ما هي سيارتك؟ و أين أنت؟
أما أنه التصليح راح يسبب خراب ثاني .. لا إن شاء الله ما يسبب؛ لأن الشغل فقط على الرأس و المكينة تبقى راكبة. يعني مثلها مثل حالة تغيير وجه الرأس , ما لها أي أثر و ما هي شغلة تخوف. و أنا من قريب مغير وجه رأس.. عادي.

و بعدين فرصة إنك تسوي وزن بلوف لتحسين الأداء مع صنفرة بلوف لإزالة الصوت الخفيف (تك تك تك). أنصحك أنك تستغل هذين الشيئين لأنك مو كل مرة تفك المكينة.

حاول تشوف واحد يكلف 1800 ريال بالكثير مع شغل اليد.

aaz585 @user_143737 صاحب الموضوع · 18-02-2011

الاخوة الكرام
امير بكلمتي
super_safari
SUBARU2008
عبدالعزيز 8

مشكورين واسعدني مروركم , الحقيقة الدخان الارزق يكون خفيف وظهور فقط وقت التشغيل لمدة ثواني كم ذكرت ...
واصلاح جلد البلوف يكلف 2500-3000 ريال وانا اشوفه كثير ويمكن بكون بعد الخراب شئ ثاني مثل الشنبر وتحتاج خرط كامل يعني المكينة في هذه الحاله ارخص .
اللي قاهرني ان السيارة نظيفه جدا وممشاها قليل كيف المكينة تستهلك زيت !
عموما الظاهر اني راح اصبر وامشي بنصيحه كلام اخونا super_safari والاخ عبدالعزيز حتى تتضح الصورة اكثر ..
اكرر شكري للجميع

عبدالعزيز 8 @user_231972 · 17-02-2011

اذا كان تتغيير جلد البلوف مكلف عليك فطنش الموضوع على ان تشيك على زيت المكينة
مرة في الأسبوع وتزيد الزيت اذا كان ناقص وكذا انت تكون مطمئن.
اما اذا كنت راعي خطوط فعليك بالاصلاح اوفر لك
بالتوفيق

SUBARU2008 @user_83200 · 17-02-2011

كلام الورشه صحيح لان اذا كان ضعف في جلد البلوف تسبب خروج دخان ازرق من الشكمان
ونصيحتي صلح سيارتك لان اذا اخذت ماكينه مستخدمه ماتضمن شنو موجود فيها هل ترفع حراره ولالا ويمكن فيها نفس المشكله

super_safari @user_201024 · 17-02-2011

إن شاء الله مشكلتك لا تعدى جلد بلوف.. و ليس شنبر و خرط مكينة.
انتبه من الورشات الي تقول كذا.

هل تلاحظ هذا الدخان في بداية القومة فقط ثم تختفي بالمشي المستمر؟
و كذلك عند تشغيل السيارة؟
إذا نعم.. فاطمئن فهي جلد بلوف لا أكثر.
و لا تبدل مكينة و لا توضيب و لا هم يحزنون. انتبه!

M~أمير بكلمتي~M @user_58367 · 17-02-2011

a

aaz585

اخواني المشرفين والاعضاء الكرام
الاخ هلا هلا و فني سيارات وامير بكلمتي المحترمين
عندي مشكلة في مكينة السيارة من نوع لكزس ال اس 400 م 96 امريكي - وهي نقص في الزيت علبه كل 1500 كم وخروج دخان ازرق خفيف وقت التشغيل فقط لمدة ثواني علما ان عزم السيارة تمام ...
بعد استشارة بعض الورش قالوا انها جلد بلوف لكن المشكلة ان السيارة تستهلك زيت !!
الان انا افكر بتغيير المكينة من المكائن اليابانية وهي موجودة بالتشليح وسعرها مع التركيب 2500 ريال , لكن نصحني احد الميكانيكين في ورشة متخصصة بلكزس وقال السيارة تمشيك 3 سنوات بس راقب الزيت وايضا قال ان المكينة اليابانية يمكن ما تركب زين او غير مناسبة للاجواء في السعودية !!
والحين انا والله محتار هل تنصحوني بتغييرها او الصبر عليها حتى تنتهي وتودع بالمرره ...

انتظر نصائحكم وتجاربكم جميعاً مع فائق الاحترام ,,

السلام عليكم ورحمة الله وبركاته

في الحقيقه انا افضل اصلاح مشكلت سيارتك لعل ان تكون مشكلة بسيطة وهي اما من تهريب الصوف او احد وجيه الماكينة او تحتاج الى تغيير جلد بلوف

الاهم من هذا كله ان تكون قطع اصلية + ورشة محترمة

لأن قطع المستخدمة ليست مضمونة وراح تكون مستهلكة مثل سيارتك ولا تعلم عنها وعن استخدامها

واعتقد انها المواصفات الامريكية واليابانية مطابقه لبعضها والاختلاف فقط في المواصفات الخليجية

لذلك حاول تفحص الماكينة من جميع الجهات ربما وجود صوفه تعبانة ويتم اصلاحها بتكلفة بسيطة

أخوكـ